Qarabag Media
Haqqımızda Əlaqə

Milli Qəhrəmanlar Kərim Kərimovun və Ramiz Qənbərovun doğum günüdür


Tarix:2-07-2018, 02:10 Kateqoriya:Manşet / Qəhrəmanlar

Milli Qəhrəmanlar Kərim Kərimovun və Ramiz Qənbərovun doğum günüdür

Kərim Məhəmməd oğlu Kərimov 2 iyul 1971-ci ildə Şərur rayonunun Qarahəsənli kəndində dünyaya göz açmışdır. Orta məktəbi bitirdikdən sonra Tümenə getmiş və Ali Hərbi Mühəndis-Komandirlər Məktəbinə qəbul olunmuşdur. Siyasi və hərbi hazırlıq əlaçısı idi. Ürəyi hər zaman Vətən eşqi ilə döyünürdü.
Qarabağda hadisələr şiddətlənəndə onunla təhsil alan 15 nəfər azərbaycanlı kursantı ətrafına toplayıb deyir: “Uşaqlar, bu gün Vətənimizin ağır günüdür. Ölkənin hərbi mütəxəssislərə böyük ehtiyacı var. Əgər biz günahsız insanların Qarabağda axıdılan qanına biganə qalsaq, onda torpaq bizi bağışlamaz”. Beləliklə, Tümen Ali Hərbi Mühəndis-Komandirlər Məktəbinin son kursunda təhsil alan tələbələr Azərbaycana qayıdıb, təhsillərini Bakı Ali Birləşmiş Komandirlər Məktəbində davam etdirirlər. Onlar Biləcəridə təlim keçdikdən sonra, aprelin 15-də Goranboy rayonuna yola düşürlər. İlk gündən “Tümendən gələn zabit” kimi tanınan 21 yaşlı K. Kərimov istehkamçılar bölməsinə komandir təyin olundu. O, verilən bütün tapşırıqları itki vermədən, layiqincə yerinə yetirirdi.

1992-ci il mayın 1-də Tap-Qaraqoyunlu kəndi ətrafında minalanmış sahələrin zərərsizləşdirilməsi əməliyyatı başlanmışdı. Əməliyyat zamanı bir nəfər əsgərimiz yaralanmışdı. Döyüşçüyə birinci qrup qan lazım olanda ilk dəfə Kərim özü qan verir. Mayın 5-də Kərim bir neçə döyüş yoldaşı ilə birlikdə quldurlar yuvası Talış təpəsinə qalxır. Onların döyüş hünəri sayəsində 40 nəfərə yaxın erməni qulduru məhv edilir. Bölmə döyüşə-döyüşə yüksəkliyi ələ keçirir. Səhər saat 5 radələrində Talış kəndindən baş qaldıran düşmən güclü hərbi texnikanın köməyilə onları mühasirəyə salır. Şiddətli döyüş başlanır. Kərim öz avtomatını yoldaşına verib, qumbaraatanla hücuma keçir. Düşmənin bir döyüş maşını vurulur. İkinci maşına atəş açılanda artıq Kərim yaralanmışdı. O, əsir düşməmək üçün odlu siqnal fişəngini sinəsinə sıxır. Erməni quldurları Kərimin və onun bir neçə döyüş yoldaşının cəsədlərini götürüb aradan çıxırlar.

İyunun 12-də kəndlərin erməni silahlı quldur dəstələrindən təmizlənməsi əməliyyatı başlanır. Qısa müddət ərzində 14 kənd geri alınır. Ayın 16-da səhər saat 12-də Talış kəndinin azad olunması barədə əmr veriləndə Kərimin atası və əmisi də döyüşlərə qoşulurlar. Milli Ordumuzun tutduğu iki erməninin köməyi nəticəsində Kərimin fermanın yanında basdırılmış cəsədi tapılır. Onun cəsədi Gəncə aeroportuna gətirilib Naxçıvana yola salınır. 1992-ci il mayın 5-də Goranboy döyüşlərində qəhrəmancasına şəhid olmuş Kərim Kərimov iyunun 17-də doğma kəndi Qarahəsənlidə torpağa tapşırılır.

Subay idi.

Azərbaycan Respublikası prezidentinin 11 sentyabr 1992-ci il tarixli 193 saylı fərmanı ilə Kərimov Kərim Məhəmməd oğlu ölümündən sonra “Azərbaycanın Milli Qəhrəmanı” adına layiq görülmüşdür.

Qarahəsənli kəndində onun büstü qoyulmuşdur. Goranboy və Şərur rayonlarında adına məktəb və küçə var.

Ramiz Bulud oğlu Qənbərov 1962-ci il iyulun ikisində Şuşa şəhərində dünyaya göz açıb. Şuşadakı H.Hacıyev adına 4 saylı orta məktəbə gedib. Orta məktəbdə yaxşı oxuduğundan və təşkilatçılığı gözəl bacardığından onu sinif nümayəndəsı seçmişdilər. O, oxuduğu müddətdə həm müəllimləri, həm də sinif yoldaşları tərəfindən çox sevilirdi. Hər kəslə səmimi münasibət quran, dostluq etdiyi insanların yolunda canından belə keçməyə hazır olan bir oğul idi Ramiz. 1979-cu ildə məktəbi bitirdikdən sonra 1980-ci ildə hərbi xidmətə gedən Ramiz iki ildən sonra xidmətini başa vuraraq Şuşaya qayıdır. Hərbi xidməti Moskva ətrafında keçən Ramizi vətənə qayıdandan sonra da ali təhsil almaq arzusu sönmür. O, 1986-cı ildə İnşaat Mühəndisləri İnstitutunun qiyabi şöbəsinə qəbul olur. Qiyabi təhsil alan Ramiz vaxtını boşa sərf etmir. O, Şuşada tikintidə işləməyə başlayır.

Qəlbindəki arzularını bir-birinin ardınca həyata keçirməyə başlayan Ramiz həyatda nələrlə qarşılaşacağından xəbərsiz idi. Qənbərovalar ailəsində dörd oğul, bir qız övladı böyüyürdü. Ramiz Qənbərovun digər qardaşları da onun qədər cəsur idi. Qardaşlardan biri Əfqanıstanda hərbi xidmətdə olmuş, digəri isə Şuşanın ilk əsir düşmüş 4 nəfər gənclərdən biri olmuşdu. 40 gün əsirlik həyatı yaşayan qardaşınin geri alınması ücün əlindən gələni edən Ramiz, sonra çıxış yolunun bir erməninin dəyişdirilməsində görür. Ramiz bir erməni əsirini verərək qardaşı ilə birgə digər 3 nəfərin də həyatını xilas edir.

Gün keçdikcə öz cəsurluğu, döyüşdə göstərdiyi qəhrəmanlığı ilə fərqlənən R.Qənbərov dillər əzbərinə çevrilir.

Alınmaz qala Şuşa düşmən tapdağında əziləcək. 1992-ci il aprelin 29-da erməni silahlı qüvvələri Kosalar və Kərkicahan kəndləri yaxınlığındakı postlara hücuma keçən zaman Ramizin batalyonu müdafiəyə başladı. Həmin gün qızğın döyüşlərdə Ramiz ağır yaralanır. Aprelin 30-da aldığı ağır yaralardan dünyasını dəyişən Ramizin ölümü Şuşa üçün böyük zərbə idi. Heç kim bu itki ilə barışa bilməsə də,həqiqəti dəyişdirmək mümkün deyildi. Ramiz Qənbərov vətən yolunda ölməzliyə qovuşmuşdu. Yaxınları, silah yoldaşları Ramizi Bakıda dəfn etmək istəsələr də, atası razı olmur. Anası oğlunun torpaq uğrunda şəhid olan digər vətən övladlarından heç bir fərqi olmadığını deyərək onu Şuşada, elə doğulduğu torpaqda da dəfn edir. Ramizin ölümündən bir həftə sonra -1992-cı il mayın 7-dən 8-keçən geçən gecə ermənilər 11 minlik qoşunla Şuşaya hər tərəfdən hücuma keçdi və Şuşa işğal olundu...

1992-ci il iyunun 7-də Azərbaycan Prezidentinin 833 saylı fərmanına əsasən Qənbərov Ramiz Bulud oğluna ölümündən sonra Azərbaycanın Milli Qəhrəmanı adı verildi.

Həvəslə qəbul olub, sonradan isə vətənin müdafiəsi üçün təhsilini yarımçıq qoyduğu ali məktəbin diplomunu almaq isə Ramiz Qənbərova nəsib olmadı. O, şəhid olduqdan sonra qara diplomunu anası Səkinə xanıma təqdim edirlər. Bu gün qəhrəmanın şəkli Azərbaycan Memarlıq və İnşaat Universitetində divar lövhəsindən asılıb. Vətən uğrunda şəhid olmuş bu qərəman öz həyat və döyüş yolu ilə təhsil alan bütün gənclərə nümunə olaraq göstərilir.

Dörd il... Qısa bir zaman olsa da, Ramiz bu müddətdə vətəni üçün çox şey etdi, canından keçdi. Vətənin müdafiəsində qürurla vuruşdu. Amma təəssüf ki, onun bu mübarizə yolu tez bitdi.

Karabakhmedia.az










SON XƏBƏRLƏR
Vikipediyada Raquf Orucov haqqında məqalə yaradılıb
Vladimir Putin Bakıda dünya çempionatını izləyəcək
Qaçqınların və Məcburi Köçkünlərin İşləri üzrə Dövlət Komitəsində kadr dəyişiklikləri olub - SİYAHI
Azərbaycanlı zabit Amerikada nüfuzlu medala layiq görüldü- FOTO
İlbər Ortaylı: “Güney azərbaycanlılar oğuz qruplarına aid türklərdir, onlar azəri deyil...” - MÜSAHİBƏ
Səhradakı türklərin son komandiri: Fəxrəddin paşa
Səudiyyə Ərəbistanında qadınlarla bağlı daha bir ilk
Bacı-qardaş dünya çempionu oldu
"Dağlıq Qarabağ heç vaxt Azərbaycanın suverenliyindən kənarda status almayacaq"
Mahir Abbaszadə: "Azərbaycanın regiondakı təşəbbüsləri beynəlxalq müstəvidə yüksək dəyərləndirilir"
Salahlıdan Amasyaya - polkovnik Məmməd Qazaxın izi ilə
Bu gün Azərbaycanda Neftçilər günüdür
Sevil Nuriyevanın həyat yoldaşı İstanbulda güllələnərək qətlə yetirilib
Bu gün Aşura günüdür
İdlib razılaşması: Putin Ərdoğanın arqumentlərini qəbul etdi
Qurban Qurbanov: Üstünlük “Sportinq”dədir
Azərbaycan Türk fəlsəfəsindən yarpaqlar: NƏCƏF BƏY VƏZİROV - III YAZI
Azərbaycan sevdalı Yavuz Akpınar
"Heydər Əliyev ciddi hərbi təlimlər keçir, hamı kimi ona da güzəşt olunmur" — Ayaz Mütəllibovdan AÇIQLAMA
Rasim Balayev: "Bu gün kinolar seçilir, ancaq səviyyəsiz seriallar ilə"
Tanınmış idmançıya idman ustası adı verildi
Daha bir azərbaycanlı xanım deputat seçildi
LEYSAN ÖZLƏMİ
Ermənistan Dağlıq Qarabağa dair "qırmızı xətti" keçir
Məhərrəmliyin mahiyyəti
Tramp Paşinyanla görüşə razılıq verməyib
Səsi çatan o taya əli yetmədi Şəhriyarın...
Çempionlar Liqası: Qalatasaray və Barselona darmadağınla başladılar
ABŞ Putin-Ərdoğan razılaşmasını dəstəkləyəcək
"O, bilirdi ki, ölümə gedir" - Prezident Mübarizin atası ilə görüşüb