Qarabag Media
Haqqımızda Əlaqə

Bir partada əyləşdiyimiz günlər olaydı, ŞƏHİD DOSTUM!..


Tarix:1-07-2018, 01:12 Kateqoriya:Manşet / Cəmiyyət

Bir partada əyləşdiyimiz günlər olaydı, ŞƏHİD DOSTUM!..

Sənin barəndə “yaşasaydı” sözünü demək doğru deyil, sən bir şəhid olaraq Allah dərgahında və qəlbimizdə əbədi yaşayırsan...

İyulun 1-də 25 il öncə bu dünyadan nakam köçmüş şəhidimiz Kamal Cabbarovun 50 yaşı tamam olur...

...Onu sağ-salamat sonuncu dəfə Laçında, səhv etmirəmsə, 1991-ci ilin fevralında görmüşdüm... Qış tətilini bitirib avtobusla Laçından –Ağanus kəndindən ali məktəbdə təhsilimi davam etdirmək üçün Bakıya qayıdırdım. Fətəlipəyə kəndindən keçəndə gözlənilmədən o da avtobusa mindi. Yanımdakı boş yerə əyləşdi. Ötüb-keçənlərdən xeyli söhbət etdik. Səhv etmirəmsə, o, Beyləqanın Daşburun kəndində düşdü. Oradan Mingəçevirə yollanmalı idi –texnikumda təhsil alırdı... O vaxt yollara erməni hücumlarıyla bağlı Laçın-Şuşa-Xankəndi yolunu getmək təhlükəli idi...

Bundan sonra 1993-cü ilin oktyabrınadək bir daha görüşmək qismət olmadı... 1992-ci ildə Laçın işğal olundu və kəndlərimiz, tayfalarımız, doğmalarımız, qohum- əqrəbamız, dostumuz-yoldaşımız pərən-pərən düşdü... Onun ağır yaralandığını eşidəndə Bakıda idim, dərhal Sabunçudakı 3 saylı xəstəxanaya yollandım... Cəbrayıl istiqamətində Daşbaşı yüksəkliyi uğrunda gedən döyüşlərdə qarın nahiyəsindən ağır qəlpə yarası almışdı. Vəziyyəti ağır olsa da, onun ölməsini təsəvvürümüzə belə gətirə bilməzdik... Çünki uşaqlıqda bədəncə o qədər böyük olmasa da, biləyi güclü və çox çevik idi, güləşdə onun kürəyini yerə vurmaq hər kəsin işi deyildi...

...Onunla 6 il eyni məktəbdə, eyni sinifdə təhsil almışıq. Bir partada əyləşdiyimiz vaxtlar da olub. Daim ədaləti, haqqı, haqsızı müdafiə edən olduğundan dostlaşmışdıq da... Zəhmətkeş, halal bir ailənin övladı idi Kamal Bəbəş oğlu Cabbarov... Rəhmətlik atası Bəbəş kişi kolxozumuzun tanınmış, ən peşəkar yük maşını sürücülərindən idi. Tez-tez evimizə qonaq gələr, atamla ötüb-keçənlərdən şirin söhbət edərdi... Kamalın anası Almaz xala çox mehriban, gülərüz bir qadındır. Bu gün ahıl yaşda olsa da, çöhrəsinə baxan kimi Laçınlı, Kamallı günlərimiz bir lent kimi gözümüzün önündən keçir... Son 25 ildə dəfələrlə Kamalın doğum, xatirə günlərində, Laçının işğal günlərində Şəhidlər Xiyabanında –ciyərparasının məzarı başında rastlaşmışıq... Allah ömür versin əziz anamıza!..

Sənin haqqında “yaşasaydı” sözünü deməyə dilimiz gəlmir, Kamal... Çünki sən torpaqlarımız uğrunda bir şəhid olaraq Allah dərgahında və bizlərin qəlbində əbədi yaşayırsan.... Bu il Laçında birlikdə təhsil aldığın həmyaşıdların, sinif yoldaşlarınla bərabər sənin də 50 yaşın tamam olur. Yubileyin mübarək, qardaşım! Bütün doğmaların, əzizlərin, dostların sinif yoldaşların adından səni təbrik edirəm...
Cabbarov Kamal Bəbəş oğlu 1968-ci ildə Laçın rayonunun Fətəlipəyə kəndində anadan olub. 1985-ci ildə Ağanus kənd orta məktəbini bitirib. 1986-1988-ci illərdə sovet ordusunda hərbi xidmətdə olub.
1989-cu ildə Mingəçevir Politexnik Texnikumunu bitirib. 1993-cü ildə Milli Ordu sıralarına daxil olaraq cəbhəyə yollanıb. Cəbrayıl uğrunda gedən döyüşlərdə yaralanıb və 1993-cü ilin oktyabr ayının 9-da ŞƏHİD olub. Bakıdakı Şəhidlər Xiyabnında dəfn olunub.

Allah rəhmət eləsin!

Allah dərgahında görüşmək ümidi ilə

Sultan Laçın

Mənbə: moderator.az










SON XƏBƏRLƏR
İbrahim Tatlısəsi azərbaycanlı həkim sağaltdı
İraq Kərkükdən yenidən neft ixracına başladı
"Azərbaycan televiziyalarından bütün şou verilişlərini yığışdırardım" — Xeyrəddin Qoca
Azərbaycana qayıdan sabiq nazir yenidən xəstəxanaya yatırıldı
Gələn il pensiyalar 35% artacaq - Nazirdən açıqlama
Belçikada insan cəsədindən gübrə kimi istifadə ediləcək
Gələcək rektora müraciət
Deputat Mahir Abbaszadə yüksək vəzifəyə təyin olundu
"Müalicəmi bitirib Bakıya qayıdacağam" — Rasim Balayev
“Özünü pis kişi eləmə...” - “Qoy başına kül qoysunlar...”
Bakıda güclü yanğın: Alov məktəb və yataqxananı ağuşuna alıb
"Azərbaycanda əməkhaqları digər ölkələrlə müqayisədə çox aşağıdır" — Ziyad Səmədzadə
"Məndən küsüb, inciməyə nə var ki..." — Nizami Abbasovun şeirləri
Flora Kərimova nazirin yerində oturmasından danışdı: “Heç kimə heç nəyi keçməyəcəyəm”
Sənədləri qaydasında olan 114 şəhidin 146 vərəsəsinə birdəfəlik ödəniş edilib
Ərdoğan ABŞ-ın 3 PKK liderinin başına mükafat qoymasını “oyun” adlandırdı
Ukraynada polis rəisi olan azərbaycanlı xanım
Seçkilər heç nəyi dəyişməyəcək - Hədəf yenə Yaxın Şərq və İrandır
Yerli sakinlər və məcburi köçkünlər Bakı “Lift-təmir” İB rəhbərliyinə MİNNƏTDARLIQ ETDİ
Klinton yenidən prezidentliyə namizədliyini irəli sürmək istəyir
Türkiyədən bayraq gününə dəstək - FOTO
Mustafa Kamal Atatürkün ölümündən 80 il ötür - VİDEO
Bir kərə yüksələn bayraq bir daha enməz!
Qurban Qurbanov robot qapıçıya qol vurmağa çalışacaq
Xalq artisti Amalya Pənahova dəfn olunub
“Anamı gecə ilə aparıb Laçında dəfn etdik” - 54 gün mühasirədə qalan şəxslə müsahibə
“Bu çöllər bizə lazım deyil... torpaqları qaytarmağa hazırıq...” - Paşinyanın kitabı başına bəla olub
Bayrağı düşmənə verməyən oğul - NATİQ QASIMOV
Türkiyə və Türkmənistan Trans-Xəzər qaz kəmərini müzakirə ediblər
“...Qırmızı koftalı, yaşıl tumanlı...” — Xan Şuşinski bayrağımızı gizli musiqi ilə vəsf etmişdi