Qarabag Media
Haqqımızda Əlaqə

Azərbaycanın işğal altında olan ərazisində nə baş verir: İkinci "Paşinyan inqilabi?"


Tarix:6-06-2018, 12:43 Kateqoriya:Manşet / Qarabağ

Azərbaycanın işğal altında olan ərazisində nə baş verir: İkinci "Paşinyan inqilabi?"

"Bako Saakyanın "devrilməsi" mümkündür, çünki o, Paşinyanla işləyə biləcək biri deyil"

Son günlər Azərbaycanın Ermənistan tərəfindən işğal olunan Dağlıq Qarabağ bölgəsində əhali və qondarma "rejim" arasında gərginlik yaşanır. Belə ki, bir neçə gün əvvəl Azərbaycanın Ermənistan silahlı qüvvələri tərəfindən işğal olunmuş Dağlıq Qarabağ bölgəsində yaşayan ermənilərlə qondarma "rejim"in "Milli Təhlükəsizlik Xidməti"nin (MTX) əməkdaşları arasında qarşıdurma yaşanıb.

Xankəndidə məişət zəminində baş verdiyi iddia olunan insident böyüyərək kütləvi hal alıb. Vəziyyət o qədər gərginləşib ki, Ermənistanın baş naziri Nikol Paşinyan və prezident Armen Sarkisyan Qarabağdakı vəziyyət barədə ard-arda bəyanatlar səsləndirərək yerli erməniləri sakitliyə çağırırlar.

"Sputnik Azərbaycan" məsələ ilə bağlı Türkiyənin "Strategic Outlook" beyin mərkəzinin Qafqaz üzrə eksperti Mehmet Fatih Öztarsu və Rusiyanın Müasir İdeologiyanın İnkişafı üzrə Milli İnstitutun direktoru İqor Şatrovun fikirlərini öyrənib.

Mehmet Fatih Öztarsu hesab edir ki, Qarabağda son baş verənlər Yerevandakı proseslərin bölgəyə təsiridir. Onun sözlərinə görə, indiyə qədər regionda əhalinin yaşadığı problemləri ifadə edə biləcək bir imkanı yox idi.

"Bölgədə baş verənlərin böyük əksəriyyəti ört-basdır edilir və ya görməzdən gəlinirdi. Lakin "Paşinyan hərəkatı"ndan sonra Qarabağ sakinləri Yerevanda olanları nümunə götürərək "rəhbərliyə" qarşı etirazlarını yüksək səslə dilə gətirirlər" — politoloq bildirib.

Türkiyəli ekspert hesab edir ki, hazırda Qarabağda yaşayanların böyük əksəriyyəti müharibə və yoxsulluqdan yorulduqlarını, davamlı olaraq ölüm təhlükəsi altında yaşamaq istəmədiklərini dilə gətirirlər: "Bu, olduqca önəmli hadisədir".

İqor Şatrov da, öz növbəsində Qarabağdakı etirazların əsl səbəbinin regiondakı çətin sosial-iqtisadi durum olduğunu diqqətə çatdırıb: "Bu isə müxalif siyasətçilərin özlərini əhaliyə təqdim etmələri üçün bir imkandır. Bu amil hazırkı vəziyyətdə daha da aktualdır. Axı bu yaxınlarda Ermənistanda, açıq danışsaq, küçə yeni baş naziri seçdi. Əgər obyektiv olsaq, Nikol Paşinyan öz məqsədinə çatmaq üçün küçələrdəki əhval-ruhiyyədən mahircəsinə istifadə etdi".

O, eyni zamanda istənilən daxili etirazın əhəmiyyətli dərəcədə dağıdıcı olacağını xüsusilə vurğulayıb: "Qondarma "DQR"də etiraz əhval-ruhiyyəsinin Azərbaycanın xeyrinə ola biləcəyini anlayan etirazçılar və "rəhbərlik" Yerevana nisbətdə daha aktiv şəkildə kompromis axtarmağa başlayacaqlar".

Mehmet Fatih Öztarsu isə Qarabağda siyasi proseslərin Ermənistandakı hadisələrdən dərhal sonra başlamasına diqqət çəkərək bunun arxasında yeni baş nazir Paşinyanın ola biləcəyini istisna etməyib: "Əgər etirazlar böyüyərsə, Serj Sarqsyana yaxın bir ad olan Bako Saakyanın "devrilməsi" mümkündür. Bu vəziyyət Paşinyanın işinə yarayar, çünki Saakyan Paşinyanla işləyə biləcək biri deyil".

"Nəzərə almaq lazımdır ki, Paşinyan vəzifəyə gələn kimi Ermənistanın xarici siyasətinin ana xəttinin Qarabağdan keçdiyini dilə gətirdi. Fikrimcə, o, Qarabağda güc yolu ilə dəyişiklik edə biləcək biri deyil, bunun üçün heç bir imkanı da yoxdur. Lakin Qarabağdakı vəziyyətin gedişinə görə durum sərgiləyib, orada da Ermənistandakı etirazlara bənzər bir hərəkatın başlaması üçün əlindən gələni edə bilər", — Öztarsu əlavə edib.

Eldar Tanrıverdiyev










SON XƏBƏRLƏR
Sabahdan havanın temperaturu yüksələcək
DİM: Magistraturanın qəbul planında 2104 yer boş qalıb
"Rusiya ilə müharibə Avropa üçün faciə olacaq" - NATO generalı
Tanınmış jurnalist intihara cəhd etdi - Reanimasiyadadır
Daha bir ölkə kosmosa insan göndərəcək
Modern.az və “NAR” 700 bal toplayanları bir araya gətirdi - Onlara telefonlar verildi – FOTOLAR
Qurban Qurbanov: "Deyiləcək bir söz yoxdur, heyətimizin yeniləndiyini nəzərə almalıyıq"
Can Laçın — Azər Qaraçənli yazır
Azərbaycan Türk fəlsəfəsindən yarpaqlar: ZEYNALABDİN MARAĞALI
Balakişi Qasımov məşhur rejissoru işdən çıxarır? - Ərizəsi alındı (FOTOLAR)
Türkiyə ABŞ istehsalı olan tikinti materiallarından imtina edib
Qarabağ erməniləri erməni deyil
Donald Tramp “F-35” qırıcı təyyarələrinin Türkiyəyə təhvil verilməsini təxirə salan qanunu təsdiqləyib
“Axşam yatıb, səhər durub...” — Ərdoğandan Trampa sərt sözlər
Doğma Kəlbəcərin əvəzolunmaz tərənnümçüsü
DTX hərbçiləri şantaj edən “reket jurnalistləri” saxladı
Dünyasını dəyişmiş əsgərin atası: “Ədalətli, düzgün istintaqın aparılmasına inanıram”
Gəncə hadisələrinin daha bir iştirakçısı məhv edildi
İlham Əliyev: "Azərbaycan Xəzəryanı ölkələr üçün mühüm tranzit rolu oynayır"
Trampın Türkiyəyə qarşı sanksiya qərarına Qərbdən və Şərqdən təpkilər gəlir
Peskov: "Ərdoğan Putindən yardım istəməyib"
Bakı-Balakən sərnişin qatarı təbii fəlakət səbəbindən yolda qalıb
Paşinyan kəşfiyyat şefini Qarabağa göndərdi
Elçin Quliyev at çapan Gülayla görüşdü – Atasını işə götürdü
42 minədək abituriyent ərizəsini təsdiq edib
Ərdoğandan sərt açılama: "ABŞ bizi dinləməsə..."
Qeyri-sabit hava şəraiti davam edəcək - XƏBƏRDARLIQ
Ramil Quliyev Avropa çempionatının finalında
Bakıda ağır namus cinayəti törədilib
Fransalı professor: "Qarabağ münaqişəsinin həlli prosesinə yeni dövlətlər cəlb edilməlidir" - MÜSAHİBƏ