Qarabag Media
Haqqımızda Əlaqə

Erməninin məkrli demokratiya oyunu


Tarix:2-06-2018, 15:32 Kateqoriya:Manşet / Yazarlar

Erməninin məkrli demokratiya oyunu Zahid SƏFƏROĞLU

Paşinyanın Gürcüstan səfərində bir detal diqqəti xüsusi çəkdi. Görüşlərdə Avropa Birliyinə (AB) inteqrasiya məsələsi az qala, əsas mövzu oldu. Gürcü baş naziri bu yolda qonşu Ermənistanla qoşa addımlamaq istəyini dilə gətirdi, Paşinyan isə belə ritorikadan məmnunluğunu gizlətmədi, Gürcüstanın uğurlarına sevindiyini dedi.

Bu, sadəcə, Rusiyanı qıcıqlandıracaq bir jest, detal deyildi. Daha çox Avropaya, Qərbə ismarış idi ki, Ermənistan da Gürcüstan kimi Qərbə üz tutmağa hazırdır. Paşinyan onsuz da Putinin gözü qarşısında komandasını sırf qərbyönlü, Amerikanın adamlarından, hətta Putinə söyənlərdən qurmaqdadır. Nə dərəcədə o, öz hədəfinə çatacaq, bunu zaman, bir də rusun səbri göstərəcək. Dəqiq olan odur ki, gizli-açıq qərbçi, hətta Sorosçu sayılan Paşinyan nəsə “qaynatmaq” istəyir.

Sözsüz ki, Qərb amili xarici siyasətdə çox önəmlidir və istənilən ölkə öz inkişafı və milli təhlükəsizliyi üçün onu ciddiyə almağa çalışır. Bircə fakt: Abxaziya və Cənubi Osetiyanın müstəqilliyini Rusiya kimi cəmi bir neçə qeyri-demokratik ölkə tanıyıb. Son olaraq Moskvanın satelliti Suriya bu addımı atdı. Ancaq heç nə dəyişmir. Çünki əsas Avropanın, ABŞ-ın separatçı qurumları tanımasıdır. Tanıdılarsa, iş bitdi.

Bu da var ki, Avropa inteqrasiya yolu tutan postsovet ölkələrinin hamısı, Baltikyanı dövlətlər xaric, ərazi itiriblər. Gürcüstan, Ukrayna, Moldova kimi. Ermənistan isə əksinə, ərazi işğal edib və işğalçı kimi də AB-nin, NATO-nun qucağına düşmək istəyir. Azərbaycan üçün təhlükəlisi bu ola bilər. Hər halda, şahidiyik ki, işğal faktı Ermənistanın AB ilə tərəfdaşlıq sazişi imzalamasına əngəl olmadı. İndi isə bir sıra Avropa və Amerika rəsmiləri Paşinyana rəğbət bildirən bəyanatlar verərək onunla tezliklə görüşməyə can atırlar. Absurda bax ki, hətta İrəvandakı bəzi Qərb səfirləri onu Nobel sülh mükafatına namizəd irəli sürüblər.

Təhlükəlisi həm də odur ki, Ermənistan Rusiya orbitində qala-qala və işğalçı ola-ola, hiyləgərcəsinə Avropaya inteqrasiya yolu tutmaq arzusundadır. Çünki bu yol lap başlanğıcında ölkələrə ciddi siyasi-maliyyə dəstəyi, vizasız rejim vəd edir. Odur ki, tədbirli və ayıq-sayıq olmalıyıq. Xüsusən də qlobal güclərin beynəlxalq hüququ hörmətdən saldığı, ikili standart siyasəti yürütdüyü zamanımızda.

“Şər deməsən, xeyir gəlməz”. Yaxşı, deyirik, birdən bu ermənilərin kumiri öz xalqına verdiyi vədləri tutdu. İqtisadi-siyasi islahatları həyata keçirməyi, korrupsiyanın kökünü kəsməyi, məhkəmələri müstəqil eləməyi bacardı və demokratik parlament seçkiləri keçirdi. O halda işğalçı ölkə Gürcüstan kimi Qərbin gözündə qalxmazmı? Şəksiz. Ardınca erməni lobbisi və Qərb investorları Ermənistana sanballı yatırımlar qoymağa başlayacaqlar.

Beləcə, blokada rejimi xeyli yumşalacaq, işğal faktı Qərbin gözündə bir az da arxa plana keçəcək. O zaman biz hətta Dağlıq Qarabağ ətrafındakı rayonları güc yolu ilə azad eləmək istəyəndə belə, Qərb ermənilərə qahmar çıxa bilər...

Bu, şəksiz ki, hərb meydanında bizimlə bacara bilməyəcəyinə əmin olan düşmənin Qərbin əli ilə Azərbaycan əleyhinə “2-ci (virtual) cəbhə” açmaq cəhdidir, demokratiya kələyidir. O üzdən biz ən pis varianta hazır olmalıyıq. Biz əsla imkan verə bilmərik ki, onsuz da xristian amilinə görə Qərbə bizdən bir köynək yaxın olan təcavüzkar ölkənin imici demokratik dünyanın gözündə Azərbaycandan yuxarı olsun. Ən azı, Qarabağa görə indidən ön tədbirlər haqda düşünmək pis olmaz.

Bəs nə etməli? Sualın cavabı əslində məşhur deyimdə gizlənib: “Demokratiyada çarə tükənməz”. Misal üçün, Ermənistanla eyni ildə Azərbaycanda da növbədənkənar parlament seçkilərinin keçirilməsi mümkündür. Bizdə onsuz da prezidentli üsul- idarədir. O üzdən bütün iddialı siyasi qüvvələrin iştirakı ilə nümunəvi bir parlament seçkilərinin təşkili üçün heç bir siyasi maneə yoxdur. Örnək də böyrümüzdə - qardaş Türkiyədə azad siyasi rəqabət şəraitində hazırda davam edən seçkilər.

Əminik, Qərbin demokratik sayacağı parlament seçkiləri Azərbaycanı Avropanın, ABŞ-ın nəzərində əhəmiyyətli dərəcədə qaldıracaq. Demək, Qarabağ məsələsində çəkimiz artacaq, ermənilərin dili qısalacaq - “islahatçı” Paşinyanın uğurlarından asılı olmayaraq.

Unutmayaq, istər hərbi, istərsə də siyasi yol olsun, Qarabağı qaytarmağın bir şərti də Azərbaycanın demokratik imici ilə bağlıdır...

Karabakhmedia.az


Mənbə: nusavat.com










SON XƏBƏRLƏR
İlk əsgər məzarlığı salınır: Müharibəyə hazırlıqdır? – Zakir Həsənov
Bu gün Azərbaycanda Bilik Günüdür
Azərbaycan-Türkiyə həmrəylik yürüşü keçiriləcək
Türkiyənin Vitse-prezidenti sabah Azərbaycana səfərə gəlir
Qəhrəmana bərabər qəhrəman: Bitməyən müharibənin döyüşçüləri - FOTOLAR
Piyadalara qarşı cərimələri yol polisi yazacaq - RƏSMİ
Kremlin Qarabağ blefi: Sözdən işə nə zaman keçiləcək?
Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR
Azərbaycan hərbçiləri Almaniyada təlimdə iştirak edirlər
Tramp: Misir Prezidenti mənim sevimli DİKTATORUMDUR
Qazaxıstanda silah anbarı partladı
Türkiyədə ard-arda iki güclü zəlzələ olub
Yaponiyada yüz yaşı tamam olanların sayı 71 mini keçdi
Mirşahin Ağayevə medal verildi
Türkiyə Qarabağ müharibəsində Azərbaycana niyə kömək etmədi? - Kod adı ZƏFƏR olan türk genaralı danışdı - EKSKLÜZİV
Türkmənistan-Azərbaycan iqtisadi əməkdaşlığına dair müzakirələr aparılıb
Türkiyədə siyasi proseslər DƏYİŞİR - Ərdoğanın partiyası niyə parçalanır?
Putin müsəlmanlarla araq içdi – “İmamların 3-də…” - VİDEO
MƏQSƏD SƏTTAROV KİMDİR? - I YAZI
Azərbaycan Türk fəlsəfəsindən yarpaqlar: ŞEYX MƏHƏMMƏD XİYABANİ- III Yazı
Əhməd Davudoğlu AKP-dən istefa verib
Özbəkistan Türk Şurasının üzvü olacaq
2020-ci il üzrə dövlət büdcəsinin gəlir və xərcləri
“Təlimlər döyüş qabiliyyətinin artırılmasına xidmət edir” - Müdafiə naziri
Qarabağ icması Fransa hökumətinə çağırış edib
Piyadaları cərimələyən post-patrul əməkdaşlarının səlahiyyətlərinə xitam verilib
İnsanın soykökünün saxtalaşdırılması onun şərəf və ləyaqətinə qarşı hörmətsizlikdir
Mehriban Əliyeva Kürdəxanıda parkın açılışında - FOTO
Rövşən Rzayev: "Həmsədrlər Azərbaycanın işğal altında olan torpaqları ilə bağlı qətiyyətli mövqe nümayiş etdirməlidirlər"
İşğal olunmuş ərazilərlə bağlı qanun niyə qəbul olunmur? - Deputatdan pessimist CAVAB