Qarabag Media
Haqqımızda Əlaqə

Yelmar Şərifov - 110


Tarix:31-05-2018, 13:30 Kateqoriya:Manşet / Şəxsiyyətlər

Yelmar Şərifov - 110Meşə torpaqşünaslığı sahəsi üzrə alim

Tanınmış alim, meşə torpaqşünaslığı sahəsi üzrə tədqiqatçı, kənd təsərrüfatı elmləri namizədi, dosent Yelmar Şərifov 22 dekabr 1908-ci ildə Şuşa qəzasının Seyidli (indiki Ağdam rayonunun Seyidli kəndi) kəndində anadan olmuşdur. Atasının adı Fərhad bəy, anasının adı Ulduz xanımdır. O, ata və ana tərəfdən Seyidlinin Şəriflilər nəslindəndir. Nəsil öz adını Şərif bəy Məşədi Hüseyn bəy oğlunun adından götürmüşdür. Bu məqalə "Qarabağın Seyidli oymağı" (I kitab, Bakı, 2017) adlı monoqrafiyam əsasında hazırlanmışdır.

Yelmar Şərifov Ağdam şəhər məktəbində təhsil almış, 1931-ci ilə kimi Ağdamda pedaqoji fəaliyyət göstərmişdir.

Yelmar Şərifov 1931-1935 illərdə Azərbaycan Kənd Təsərrüfatı İnstitutunda ali təhsil aldıqdan sonra Elmi-Tədqiqat Kimya İnstitutunun Aqrokimya və torpaqşünaslıq şöbəsində kiçik elmi işçi işləmişdir. SSRİ Elmlər Akademiyasının Azərbaycan Filialının Torpaqşünaslıq bölməsində kiçik elmi işçi vəzifəsinə işə düzəlmiş, 1936-1940 illərdə həmin bölmənin torpaqşünaslıq ixtisası üzrə aspirantı olmuşdur. O, 1940-1942 illərdə Azərbaycan Xalq Torpaq Komissarlığında çalışmışdır.

Yelmar Şərifov 1942-ci ilin yanvar ayından avqust ayına kimi Bakı Piyada Hərbi Məktəbində oxumuşdur. II Dünya Müharibəsi illərində 1942-ci ilin avqust ayından 1943 ilin sonuna kimi 271 və ikinci qvardiya diviziyasının heyətində xidmət etmişdir. Yelmar Şərifov 1943 ilin sentyabr ayından 1944 ilin avqust ayına kimi Xarkov Hərbi Kimyəvi Məktəbin zabit-kursantı idi. O, 1944-1945 illərdə 33-cü atıcı diviziyasının heyətində zabit rütbəsində Almaniya və Polşa cəbhəsində vuruşmuşdur.

Müharibədən vətəninə qələbə ilə qayıdan Yelmar Şərifov Azərbaycan Elmlər Akademiyasının Aqrokimya və Torpaqşünaslıq İnstitutunda baş elmi işçi (1946-1952), Meşə Təsərrüfatı İnstitutunun Meşə torpaqşünaslıq şöbəsinin müdiri (1952-1959) vəzifələrində işləmişdir. O, 1959-cu ildə Azərbaycan Elmlər Akademiyasının Torpaqşünaslıq və Aqrokimya İnstitutunun Meşə torpaqşünaslığı laboratoriyasında baş elmi işçi olmuşdur. 1968-ci ildə Meşə torpaqşünaslığı laboratoriyası şöbə şəklində Coğrafiya İnstitutunun tərkibinə keçdikdən sonra həyatının sonuna kimi həmin şöbənin baş elmi işçisi vəzifəsində çalışmışdır.

Yelmar Şərifov II Dünya Müharibəsi illərində göstərdiyi igidliyiyə görə SSRİ hökuməti tərəfindən müxtəlif illərdə 6 medalla (Döyüş xidmətinə görə medalı, Qafqazın müdafiəsinə görə medalı, Böyük Vətən Müharibəsində Almaniya üzərində qələbəyə görə medalı, SSRİ Silahlı Qüvvələrinin qələbəsinin 50 illiyinə görə medalı, Böyük Vətən Müharibəsinin qələbəsinin 30 illiyinə görə medalı, Böyük Vətən Müharibəsinin qələbəsinin 25 illiyinə görə döş nişanı) mükafatlandırılmışdır.

Yelmar Şərifov 5 monoqrafiyanın, 50-yə yaxın elmi məqalənin müəllifi idi. O, 1952-1959 illərdə Respublikanın dağ və dağətəyi meşə altı torpaqlarda tədqiqat işləri aparmış bunun nəticəsi olaraq “Azərbaycan meşə torpaqlarının bəzi genetik xüsusiyyətləri” adlı monoqrafiyasını yazmışdır. Bu əsər 1964-cü ildə Bakı¬da rus dilində nəşr edilmişdir.

Yelmar Şərifovun “Kiçik Qafqazın şimal-şərqi yamaclarında yarılmış torpağın genetik-meşəşünaslıq xüsusiyyətləri” adlı doktorluq dissertasiyası avtoreferat şəklində çap olunsa da müəyyən səbəblər üzündən müdafiə edə bilməmişdir.
Yelmar Şərifov 1986-cı ildə Bakıda vəfat etmişdir.

2018-ci ilin dekabr ayının 22-də Yelmar Şərifovun anadan olmasının 110 illik yubileyi tamam olur. Meşə torpaqşünaslığı sahəsi üzrə alimin vəfatından otuz ildən çox vaxt keçməsinə baxmayaraq onun tədqiqatları bu gün də mütəxəssislərin istinad mənbəyidir.

Orxan Zakiroğlu (Baharlı)










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”