Qarabag Media
Haqqımızda Əlaqə

Söz deməkdən bezdik artıq... -Silah verin bizə!..


Tarix:18-05-2018, 17:02 Kateqoriya:Manşet / Yazarlar

Söz deməkdən bezdik artıq... -Silah verin bizə!.. ...Dayaq duraq ordumuza – sahib olaq yurdumuza!..

Sultan Laçın

Sözün bitdiyi yerə çoxdan çatdıq... Söz deməkdən bezdik artıq...
***
Söz ruhdur, söz enerji vahididir... Sözü boş-boş xərcləməzlər, sözü küləyə verməzlər...
***
Əgər yalan, boş sözlərlə doldurarsan dənliyini – bir az keçməz itirərsən mənliyini...
***
Əgər sözün arxasında yoxsa əməl – onda düşmən qarşısında əyil, çöməl...
***
Torpağını, Qarabağı itirmisən? Sözlə, küylə xalqın başın qatmaq olmaz, gecə-gündüz şeir yazıb arvad kimi yatmaq olmaz... Şuşa belə gözəl idi, Laçın belə gözəl idi...
***
Gözəli əlindən alınan igid şeir demir, qəzəl demir, restoranda, kafedə tıxıb yemir, sağlıq demir - ya dərhal keçir hücuma, ya da başın soxub quma, susur-dinmir, güc toplayıb qısa müddət, məqamında kəsir düşmənin əlini - azad edir gözəlini...
***
Təbriz getdi –şair olduq, Dərbənd getdi –şair olduq, Göyçə getdi –şair olduq, İrəvanı-Zəngəzuru pay-püş etdik –şair olduq, Qarabağı kresloya peşkəş etdik –şair olduq... Bəs biz nəyə nail olduq?..
***
Aşıb-daşan sərvətimiz əsir etdi nəfsimizi, dollarlara yaxşı gedən neftimizə-qazımıza mail olduq...
***
Atəşkəsi əzizləyib harınlayan nazirlərin, başçıların, məmurların zülmü altda zail olduq...
***
Sözün düzü, bu 25-30 ildə sözümüzü də çözələyə-çözələyə özümüzün gözümüzdən saldıq...
***
Özümüz- özümüzü əzə-əzə, zülmlərə dözə-dözə yağı əvəzinə özümüzdən qisas, öc aldıq...
***
Müqəddəs bir dəyər, bir söz qalmadı, əyriliklə dələduzluq tüğyan etdi -düz qalmadı, üzümüzə deyilməyən söz qalmadı, yanıb-yanıb qovrulduq- köz qalmadı, külümüzü külünglədik, dilimizi diliklədik, sözümüzü yelə verib küləklədik, innən belə deməyə söz, söz deməyə üz qalmadı- silah verin bizə!..
***
ATƏT-in, AŞ-ın, ABŞ-ın yollarında Qarabağa yolu azdıq, Qarabağa icazəsiz gedib-gələnləri əcnəbiləri sayıb qara siyahıya yazdıq, Qarabağ dərdindən qara torpağa üz tutan qarabağlı qaçqınları saymadan sıra-sıra qəbir qazdıq- silah verin bizə!..
***
Sözün düzünü düzmədik, sözün duzunu yedik... Lütlənib “reytuz” geyənə, ucuz-ucuz söz deyənə “ulduz” dedik... Duzsuz-duzsuz söz düzənlər- dişi açıq, yanı açıq gəda-güda, fahişələr şair oldu...
***
Sözü düppədüz üzə-gözə deyə bilmədik, yalançını, yaltağı mədh edib düz deyənlə üz-göz olduq...
***
Sözümüzü üzümüzə maska, bəzək, özümüzə məzə yeri, gün-güzəran, qazanc yeri etdik... Sözümüzü yapdıq təzək kimi təptəzə saray divarlarına....
***
Sözümüzü ad almağa, ev almağa, pul almağa, vəzifə, kürsü almağa xərclədik... Unutduq ki, Şuşasızıq, Laçınsızıq – on illərlə evsizliklə, pulsuzluqla savaşdıq, yal üstündə, mal üstündə biri-birimizlə dalaşdıq, harama, günaha bulaşdıq...
***
Qalaq-qalaq kitablar yazıldı Qarabağdan, on minlərlə tədbir keçirildi, ad verildi, pul verildi yazanlara... İtirilmiş torpaqları, şəhidləri, qaçqınları özümüzə qazanc yeri etdik, adambaşı bir layihə, addımbaşı qrant aldıq, Parisə, Londona, Vaşinqtona getdik... Müsəlmana, türkə qənim olanlardan insaf, ədalət istədik...
***
Bəs nə oldu? Hanı Qarabağ? Hanı Şuşa? Hanı Kəlbəcər? Hanı Laçın?
Yenə belə davam edək?.. Daha bir 25 il ATƏT-in, AŞ-ın, ABŞ-ın ardınca gedək?..
***
Yox, yox, artıq... O yurdların yüz minlərlə sadə, yoxsul sahibləri bu yalan gedişdən iyrəndi – bıçaq sümüyə dirəndi... Söz deməkdən, söz düzməkdən üzüldük, illərlə zülm zindanında əzildik, qız, zənən kimi büzüldük- silah verin bizə!..
***
Görürsüz ki, haqsız dünya, nə rus, nə də ingilis problemi çözmür artıq... Qazi, əlil veteranlar, didərginlər bir-bir köçür... Beyin, ürək dözmür artıq- silah verin bizə!..
***
Demirsiniz, dövlətimiz sərbəst, azad, hürdü artıq, demirsiniz xalqla dövlət birdi artıq?.. Elə isə yetər artıq boş danışmaq... İndi nəyi gözləyirik, xalqdan nəyi gizləyirik, Qərbdən, Şərqdən gələnləri boş-boş nəyə izləyirik?.. Silah verin hamımıza! Dayaq duraq ordumuza! Lap yarımız qoy bu yolda şəhid olaq - qalanımız şərəf ilə sahib olaq yurdumuza!.. Sahib olaq yurdumuza!..

Sultan Laçın










SON XƏBƏRLƏR
Azərbaycan şahmatçısı erməni rəqibini məğlub edib
39 şəhər və rayon büdcədən dotasiya almayacaq
Qorbaçov Rusiya prezidentinə müraciət etdi
Çində hərbçilərimizin iştirak etdiyi VII Dünya Oyunlarının açılış mərasimi keçirilib
Gömrük Komitəsi xətti ilə dövlət büdcəsinə nə qədər vəsait daxil ola bilər ?
Ərdoğan Trampı buna da məcbur etdi
Paşinyanın saytı dağıdıldı – “Qarabağ Azərbaycandır və nida işarəsi!” yazıldı – FOTO
Leyla Abdullayevadan ermənistanlı həmkarlarına cavab: "Yaddaşınızı yeniləyin"
“Qarabağ alınmayınca, biz hamımız qarabağlıyıq”- Sankt – Peterburqdan Qarabağ mesajları - FOTOLAR
Bəsirə Məmmədli Laçın məktəbinə direktor təyin edildi - FOTO
“Bu köç Qaradağa gedir - Bu köç Qarabağa getmir...”
18 oktyabr - Azərbaycanın Dövlət Müstəqilliyi Günüdür
Dünya çempionatında 7 medal qazanan cüdoçular vətənə qayıdıblar
Nursultan Nazarbayev Türk Şurasının adının dəyişdirilməsini və “Türk Baxışı 2040” proqramının hazırlanmasını təklif edib
"Atamız Dədə Qorqud deyib ki…" - Ərdoğan 300 milyonluq Türk dünyasına SƏSLƏNDİ
Bakı metrosuna yeni vaqonlar gətiriləcək
Şenol Günəşdən fransız müxbirə ibrətamiz cavab: “Bu mənim işim deyil, Trampın, Makronun işidir”
"Qarabağ məsələsinin həlli üçün əlimizdən gələni edəcəyik" – Ərdoğan
Türkiyədə təyyarə qəzaya uğradı
Ermənilər Şuşa məscidinin “açılışını” etdilər - FOTOLAR
Bakıda Türkdilli Dövlətlərin Əməkdaşlıq Şurasının 7-ci sammiti başlayıb
Həmsədrlər sabah Xankəndinə səfər edəcəklər
Ermənistan Suriyaya qoşun göndərdi
Bakıda 10 məktəb direktoru işdən çıxarılıb
Türkiyənin qarşısını almaq üçün daha bir addım atıldı
MTRŞ süni mayalanma reklamları ilə bağlı televiziya yayımçılarına məktub göndərib
Azərbaycanın internet sürətinə görə yeri açıqlandı
Çavuşoğludan Bakıda bəyanat: Qarabağdan PKK-yadək...
İlham Əliyev dövlət və hökumət başçıları ilə birgə şam edib
Erməni batalyonu Türkiyə Ordusu ilə döyüşə yollandı