Qarabag Media
Haqqımızda Əlaqə

Xalqımız, Xalıq artistimiz və telekanallarımız


Tarix:16-05-2018, 02:11 Kateqoriya:Manşet / Yazarlar

Xalqımız, Xalıq artistimiz və telekanallarımızEtibar Cəbrayıloğlu

Bir xalq artistimiz telekanalların ünvanına bir daş atdı. Neçə gün, neçə gecədi xalqımız həmin daşı götürüb o yanına, bu yanına baxmaqla məşğuldu. İki Koreya dövlətinin barışması, Trampın "Ağ Ev"də oturub İranı ingiliscə hədələməsi, Putinin yenə vəzifədə qalması heç kimin umurunda deyil.

Paşinyanın Ermənistanı və erməniləri barmağına dolaması da kimsəni maraqlandırmır. Yeri gəlmişkən, hər çıxışında teletamaşaçıları xeyli güldürən politoloq necə demişdi? Paşinyan ermənipərəsti. Vallahi elə beləcə də demişdi...

Cəhənnəm olsun Paşinyan da, onun böyür-başındakılar da. Xalq artistimizdən yazırdım axı. Həmin Xalq artistindən ki, telekanallarımızı yaş yuyub, quru sərib. Əslində heç düz eləməyib, gül kimi TV-lərimizi yaş yuyub, quru sərməyə ehtiyac yox idi. Nə olub bizim telekanallara? Əli Mirəliyev Telli Borçalını çağırır, Tolik Samiraldonu, Zaur da bütün günü öz adaşını haylayır. Yeyib-içirlər, evlənib-boşanırlar, geyinib-soyunurlar, dalaşıb-döyüşürlər, fala baxırlar, cin çıxarırlar... Efirdə daha nə olmalıdı ki? Tənqid edən Xalq artisti ən yaxısı budu gedib öz işi ilə məşğul olsun, efirimizi göz bəbəyi kimi qoruyan Milli Teleradio Şurasının işinə qarışmasın. Xalq artisti MTRŞ-dan çox bilir bəyəm? Görün heç Milli Teleradio Şurası Xalq artistinin əvəzinə kinoya çəkilirmi?

Səhər-axşam xalqımız üçün dadlı-duzlu yeməklər bişirən, onu hər cür cin və həliyulalardan qoruyan telekanallarımızı bəyənməyən Xalq artistindən elə şeylər bilirəm ki... Həmin o Xalq artisti əslində "Babək prospekti" filmində baş rola çəkilməməli idi, Babəkin qohum-qardaşı da onun çəkilməsini istəmirdilər, elə hey yuxarılara şikayət məktubu yazırdılar. Amma sonda nə oldusa... Hələ mən "Dədə Qorqud Parkı", "Qatır Məmməd küçəsi", "Hüseyn Cavid prospekti" ilə bağlı bildiklərimi yazmıram...

Xalqımızın dürlü-dürlü telekanallarını bəyənməyən Xalq artisti deyir ki, guya əvvəllər efirdə nümunəvi adamları çıxarırmışlar. Guya indi efirdə görünənlər elə geyinir ki, sanki bunların yiyəsi-filan yoxdu. Birincisi, əvvəllər çox şeylər olub, əvvəllər camaat müharibədə qalib gəlirdi, kosmosa uçurdu. İkincisi, hələ Ulan-Bator Elmlər Akademiyası insanın nümunəvi olub-olmamasını müəyyənləşdirən aparat icad etməyib. Üçüncüsü, canım sənə desin, hardan bilirsiniz ki, efirdə hər gün görünən çılpaq bənövşələrin yiyəsi yoxdu? Yiyəsi var ki, TV-yə çıxır da... Saxlayanları var ki, tank boyda, Qrad qiymətinə maşın sürürlər də...

Bəziləri özlərini heç yormasın, xalqımız telekanallarımıza sevə-sevə baxır və baxmaqda davam etməkdədir. Elgizi, Toliki, Zay Zauru özünə nümunə sayır və saymaqdadı. Öz övladlarına populyar aparıcıların, oxuyan və rəqs edənlərin adlarını qoyan yüzlərlə ailə göstərə bilərəm. Sadəcə, göstərmirəm, elə Xalq artistinin acığına.

Mən xalqımızın gül kimi telekanallarını haqsız yerə tənqid edən Xalq artistinə qarşı belə mübarizə aparıram.

Əziz xalqım, sən də bu mübarizəyə daha əzmlə qoşul. Bütün günü efirdə yeyib-içənlərə, evlənib-boşananlara, soyunub-geyinənlərə, dalaşıb-döyüşənlərə, fala baxanlara, cin çıxaranlara baxmaqda davam elə. Heç bir Xalq artistinin səni bu kefdən ayırmağa haqqı yoxdur!

Karabakhmedia.az










SON XƏBƏRLƏR
Rüstəm İbrahimbəyov üçün filmin sonu...
Cümhuriyyətin maarif və dini etiqad naziri Nurməmməd bəy Şahsuvarov
Paşinyan kütləvi həbslərə başladı
Azərbaycan Xalq Cümhuriyyətinə aparan tarixi hadisələrin xronologiyası
Rəsulzadə və Şəfi bəy Rüstəmbəylinin düşmənçiliyi - TARİX
Bəzi müəllimlərin dərs yükü və əməkhaqqı artacaq
Türkiyədə Azərbaycan Xalq Cümhuriyyətinə dair nadir kitablar nəşr olunub
Türkiyənin müdafiə nazirinin müavini: “Babam bu dünyadan Azərbaycan həsrəti ilə köçdü”
Qanunla qadağan deyil, amma qadağandır: DYP-dən absurd tələb
Azərbaycan Türk fəlsəfəsindən yarpaqlar: MİR MÖHSÜN NƏVVAB
Azərbaycanda doğulmuş erməni Bakıya gəlib
Vətənpərvər və millətsevər Cümhuriyyət xadimi - Məmməd Yusif Cəfərov
Kənd Təsərrüfatı Nazirliyi fermerlərə 10 mln. kredit verəcək
Heydər Əliyev Fondu Parisdə Azərbaycan Xalq Cümhuriyyətinin 100 illiyini təşkil edib - FOTO
Ermənistan Silahlı Qüvvələri Baş Qərargahının rəisi vəzifəsindən azad olundu
Fuad Poladov - 70... - VİDEO
Lider TV-nin filmi Ankarada təqdim olundu — FOTOLAR
Kürdəmir, Kür və Salyan toponimləri — Süleyman peyğəmbər quşların dilini ona görə başa düşürdü ki, ...
“Bu gənc azərbaycanlı Rusiyanın ən varlı varisidir ­- 17 milyard dollar” – Forbes
Laçın koridoru: barıt qoxulu, erməniləşmiş torpaq...- FOTOLAR
Mnatsakanyan: "Həmsədrlərlə razılaşdıq ki, prosesi bərpa edək"
Türkiyəli spiker: Qarabağ bizim milli məsələmizdir
"Naxçıvana təhlükə yaranarsa, rəsmi Ankara prosesə qarışacaq" - QARS MÜQAVİLƏSİNİN ŞƏRTİ
"Paşinyan Qarabağda yeni savaşdan danışmağa başlayıb" - MÜHARİBƏ MÜMKÜNDÜRMÜ ?
Azərbaycan voleybolçuları Qızıl Avropa Liqasında ikinci qələbəsini qazanıb
Rusiya Ermənistana müasir silah verəcək
Şah İsmayıl əslində necə öldü? – Şok versiyalar
“Babamın qanlı köynəyini anama veriblər" — MÜSAHİBƏ
Hadi Rəcəbli: "Nikahların pozulmasına çox vaxt "Facebook" səbəb olur"
Putinin möhtəşəm silahı yerə çırpıldı – Şok