Qarabag Media
Haqqımızda Əlaqə

Rusiya İctimai Palatasında ADR-in 100 illiyinə həsr olunan tədbir keçirilib


Tarix:4-03-2018, 14:10 Kateqoriya:Manşet / Gündəm

Rusiya İctimai Palatasında ADR-in 100 illiyinə həsr olunan tədbir keçirilib

Rusiya İctimai Palatasında Azərbaycan Demokratik Respublikasının (ADR) 100 illiyinə həsr olunan tədbir keçirilib.

APA-nın Moskva müxbirinin verdiyi məlumata görə, Azərbaycan-Rusiya Mədəniyyət və Həmrəylik Mərkəzi təşkilatçılığı ilə keçirilən "Azərbaycan Demokratik Respublikasının tarixi: 100 ildən sonra baxış 1918-2018" mövzusunda Dəyirmi Masada Rusiya Dövlət Dumasının, Azərbaycanın Rusiyadakı səfirliyinin nümayəndələri, iki ölkənin tanınmış elm adamları, tarixçilər, hüquqşünaslar, jurnalistlər və diaspor nümayəndələri iştirak ediblər.

Tədbiri giriş sözü ilə açan Mərkəzin icraçı direktoru Mehman Şükürov Azərbaycan Demokratik Respublikasının 100 illiyinin Rusiya İctimai Palatasında qeyd olunmasının əhəmiyyətindən danışıb. O, bu tarixin Azərbaycan hüdudlarından kənarda yaşayan hər bir azərbaycanlının qürur mənbəyi olduğunu söyləyib: "Bugünkü tədbirin keçirilməsində məqsəd həm ADR-in 100 illiyi ilə bağlı bu il ərzində keçiriləcək tədbirlər silsiləsinə töhfə vermək, həm də tarixçilər və ictimaiyyət nümayəndələrinin 100 ildən sonra bu möhtəşəm tarixə baxışını müəyyən etməkdir".

Azərbaycanın Rusiyadakı səfirliyinin humanitar məsələlər üzrə müşaviri Vüqar İmaməliyev çıxışında prezident İlham Əliyevin 2018-ci ili Azərbaycanda "Cümhuriyyət ili" elan etdiyini xatırladıb: "Bu il Şərqdə ilk demokratik dövlət olan Azərbaycan Demokratik Respublikasının yaradılmasının 100 illiyidir. Azərbaycan prezidenti bu möhtəşəm tarixi hadisənin yubileyi ilə bağlı tədbirlərin keçirilməsi ilə bağlı sərəncam imzalayıb. Həm Azərbaycanda, həm də ölkədən kənarda ADR-in 100 illiyi ilə bağlı tədbirlər keçiriləcək".

Diplomat bugünkü tədbirin keçirilməsinə görə, Azərbaycan-Rusiya Mədəniyyət və Həmrəylik Mərkəzinə təşəkkürünü bildirib.

Tədbirdə çıxış edən Rusiya-Azərbaycan Parlamentlərarası dostluq qrupunun həmsədri Dmitri Savelyevin köməkçisi Sergey Qolubev ADR-in Şərqdə ilk yaradılan demokratik respublika olduğunu söyləyib. O, Rusiya Dövlət Dumasının deputatı D. Savelyevin tədbir iştirakçılarına müraciətini oxuyub. Müraciətdə ADR-in qurucusu olan Məhəmməd Əmin Rəsulzadə kimi şəxslərin hər bir dövlət üçün böyük dəyər olduğu vurğulanıb. O cümlədən bu tarixin Azərbaycan üçün əhəmiyyəti qeyd edilib, M.Ə. Rəsulzadənin Rusiyaya, rus dilinə münasibəti, bu dili yüksək səviyyədə bilməsi, eləcə də Maksim Qorkinin əsərlərini rus dilindən Azərbaycan dilinə tərcümə etməsi xatırladılıb.

Daha sonra çıxış edən keçmiş diplomat, publisist, cümhuriyyət tarixinin araşdırmaçılarından biri olan Ramiz Abdutalıbov ADR-in qurucularının mühacirət dövründəki həyat və fəaliyyətindən danışıb. R. Abdutalıbov həm M.Ə. Rəsulzadənin, həm də ADR-in parlamentinin ilk sədri olan Əlimərdan bəy Topçubaşovun mühacirət dövründəki fəaliyyətinin daim Azərbaycanla bağlı olduğunu söyləyib: "Onlar son nəfəslərinə kimi "Azərbaycan" deyə-deyə yaşayıblar".

Tarix elmləri namizədi Eldar Abbasov "Oktyabr inqilabından Azərbaycan Demokratik Respublikasının yaradılmasına qədər" adlı məruzə ilə çıxış edib. Məruzədə ADR-in yaranmasını şərtləndirən tarixi və siyasi şəraitdən danışılıb. Tədbirdə çıxış edən Moskva Dövlət Universitetinin Postsovet ölkələrini öyrənən informasiya-analitik Mərkəzinin direktor müavini, tarix elmləri namizədi İsmayıl Ağakişiyev, jurnalist-publisist Azər Cahangirov, Rusiya Jurnalistlər İttifaqının üzvü, jurnalist-publisist Cəfər Sadıx, Rusiya XİN-in Diplomatiya Akademiyasının aspirantı Loğman Məmmədov, hüquqşünas Elman Paşayev və digər natiqlər Azərbaycan Demokratik Respublikasının yaranmasında iştirak edən şəxslərin hər birinin xatirəsinin Azərbaycan xalqı üçün əziz olduğunu bildiriblər.

Dəyirmi masa çərçivəsində qısa metrajlı "Parisdən məktublar" filmi nümayiş olunub.
Rusiya İctimai Palatasında ADR-in 100 illiyinə həsr olunan tədbir keçirilib

Rusiya İctimai Palatasında ADR-in 100 illiyinə həsr olunan tədbir keçirilib

Karabakhmedia.az










SON XƏBƏRLƏR
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"
Mnatsakanyan Məmmədyarovla danışıqların detallarını açıqladı
Toyu olacaqdı, özünü asdı
Urmiya gölünün qurumasını önləyən İLGİNC PLAN: Türkiyədən…
Ağ dəvə düzdə qaldı - II HİSSƏ
Azərbaycan istehsalı olan "Tufan" gəmisinin nümayişi olub
"Bunu etsək, Paşinyan bir də qələt edib, "Qarabağ Ermənistandı" deməyəcək..."
Azərbaycanlı general ABŞ donanmasında komandan təyin olundu
Məşhur “Adidas” şirkəti “Traxtur”a sponsor oldu
ABŞ Asiyada yeni raketlər yerləşdirəcək
Rusiya, Azərbaycan və İran yeni enerji layihəsinin icrasına dair saziş imzalayıb
Qırğızıstan: keçmiş prezident Almazbek Atambayev qətldə ittiham olunur
“Yeni Gundem” saytı 2 yaşında
Bölgələrə yağış yağacaq, dolu düşəcək – Sabahın HAVASI
Bu şəxslərə 50 avtomobil hədiyyə edildi – PREZİDENTİN TAPŞIRIĞI İLƏ
Xocalı soyqırımına həsr olunan filmin çəkilişi başa çatır
Ali məktəblərə boş qalan yerlərin sayı açıqlandı
Türkiyə və ABŞ arasında tarixi anlaşma – Detallar