Qarabag Media
Haqqımızda Əlaqə

Erməni politoloq: "Rusiya Bakının Dağlıq Qarabağ siyasətini müdafiə edəcək"


Tarix:15-02-2018, 16:04 Kateqoriya:Manşet / Qarabağ

Erməni politoloq: "Rusiya Bakının Dağlıq Qarabağ siyasətini müdafiə edəcək"Rusiyada keçiriləcək prezident seçkilərində Vladimir Putinin qalib gəlməsindən sonra Azərbaycan Dağlıq Qarabağ probleminin həlli istiqamətində ciddi tədbirlər görəcək və Moskva onun bu siyasətini dəstəkləyəcək.

Karabakhmedia.az xəbər verir ki, bu fikirlər İranın ANAJ informasiya ağentliyindəki məqalədə yer alıb.

Erməni politoloq Graçiya Qalosetyanın fikrincə, Azərbaycanda erkən prezident seçkisinin elan olunması yerli və regional KİV-də şərh edildiyi kimi, heç də ölkədəki iqtisadi vəziyyətlə bağlı deyil. “Erməni analitiklər seçki tarixinin dəyişdirilməsilə bağlı təhlillərdə tələskənliyə yol verir. Başqa sözlə, bizim siyasi şərhçilərimiz Azərbaycanı istədikləri kimi təsvir etmək istəyir. Halbuki, vəziyyət tamamilə fərqlidir”, - deyə o, bildirib: “Azərbaycanda xüsusi iqtisadi böhran yoxdur. Əksinə iqtisadi inkişafla bağıə müsbət göstəricilər var. Azərbaycan Ermənistanın uzun illərdir müttəfiq gözü ilə baxdığı ölkələrlə yaxşı münasibətlər qurub və bu əlaqələrdə ticarət, iqtisadiyyat əhəmiyyətli paya malikdir”.

Qalosetyan Tehran, Bakı və Moskvanın ən böyük regional nəqliyyat layihəsi olan “Şimali-Cənub” dəhlizinin yaradılmasında əməkdaşlıq etdiklərini xatırladıb: “Martda Astara-Astara dəmir yolu xətti İran və Azərbaycan prezidentlərinin iştirakı ilə fəaliyyətə başlayacaq. İran rəsmiləri bu layihəni Fars körfəzi ilə Qara dənizi birləşdirən ən vacib marşrut kimi xarakterizə edir. Bu layihənin həyata keçirilməsilə Azərbaycan iqtisadi nailiyyətlərlə yanaşı, mühüm siyasi mövqe də əldə edəcək”.

Politoloq fikrini belə davam etdirib: “Bütün sadalananlardan sonra, Azərbaycanda iqtisadi böhran haqda danışmaq yersizdir. Avropanın hər imkanda Azərbaycanın əhəmiyyətini vurğulaması da bu ölkənin avropalıların yanında güclü mövqeyə sahib olduğunu təsdiqləyir. Bütün bunlarla yanaşı, İlham Əliyevlə Vladimir Putinin münasibətləri çox yaxşıdır. Rusiya telekanallarında Ermənistana qarşı efirə verilən xəbərlər, hətta təhqirlər də bunu təsdiqləyir. Həmin kanallarda Azərbaycanla bağlı heç bir tənqidə yol verilmir”.

Erməni analitik Aleksandr Duqinin, Solovyovun, Proxanovun Azərbaycana səfər etdiklərini xatrladıb, onların işğal olunmuş torpaqların Azərbaycana qaytarılmasını müdafiə etdiklərini söyləyib. “Üstəlik, Kreml Sarqsyanın fəaliyyətindən narazılığını heç vaxt gizlətməyib. Görünür, Rusiyada prezident seçkilərindən sonra rəsmi Bakı Dağlıq Qarabağ probleminin həlli istiqamətində bir sıra addımlar atacaq, Rusiya isə bu işdə Azərbaycanı dəstəkləyəcək”.

Daha bir erməni siyasi şərhçisi Naira Ayromyan isə Rusiyanın qarşıdan gələn prezident seçkisindən sonra Yerevanın işlərinə müdaxilə edəcəyini düşünür. “Bu, daha çox Yerevanın Moskva ilə münasibətdə mərkəzdənqaçma hərəkətlərinə yol verməsilə bağlıdır”, - deyə o, qeyd edib.

Məlum olduğu kimi, son günlərdə Ermənistanda NATO hərbi təlimlərinin təşkililə bağlı xəbərlər yayılıb. Düzdür, Ermənistan hakimiyyəti xəbəri təkzib edir. Amma görünən odur ki, Ermənistanda Kremlin ürəyincə olmayan pərdəarxası hadisələr baş verməkdədir və bunun mənfi nəticələri Rusiyada keçiriləcək seçkidən sonra ortaya çıxacaq./www.worldmedia.az/

Karabakhmedia.az










SON XƏBƏRLƏR
Bu gün "Qurd Cəbrayıl"ın anım günüdür - FOTO
Fəxri Xiyabanda Cümhuriyyət izləri - FOTOLAR
Evli qadınların Facebook sevgiləri
Mediada uşaq hüquqlarının qorunması mövzusu müzakirə edilib
Vikipediyada Raquf Orucov haqqında məqalə yaradılıb
Vladimir Putin Bakıda dünya çempionatını izləyəcək
Qaçqınların və Məcburi Köçkünlərin İşləri üzrə Dövlət Komitəsində kadr dəyişiklikləri olub - SİYAHI
Azərbaycanlı zabit Amerikada nüfuzlu medala layiq görüldü- FOTO
İlbər Ortaylı: “Güney azərbaycanlılar oğuz qruplarına aid türklərdir, onlar azəri deyil...” - MÜSAHİBƏ
Səhradakı türklərin son komandiri: Fəxrəddin paşa
Səudiyyə Ərəbistanında qadınlarla bağlı daha bir ilk
Bacı-qardaş dünya çempionu oldu
"Dağlıq Qarabağ heç vaxt Azərbaycanın suverenliyindən kənarda status almayacaq"
Mahir Abbaszadə: "Azərbaycanın regiondakı təşəbbüsləri beynəlxalq müstəvidə yüksək dəyərləndirilir"
Salahlıdan Amasyaya - polkovnik Məmməd Qazaxın izi ilə
Bu gün Azərbaycanda Neftçilər günüdür
Sevil Nuriyevanın həyat yoldaşı İstanbulda güllələnərək qətlə yetirilib
Bu gün Aşura günüdür
İdlib razılaşması: Putin Ərdoğanın arqumentlərini qəbul etdi
Qurban Qurbanov: Üstünlük “Sportinq”dədir
Azərbaycan Türk fəlsəfəsindən yarpaqlar: NƏCƏF BƏY VƏZİROV - III YAZI
Azərbaycan sevdalı Yavuz Akpınar
"Heydər Əliyev ciddi hərbi təlimlər keçir, hamı kimi ona da güzəşt olunmur" — Ayaz Mütəllibovdan AÇIQLAMA
Rasim Balayev: "Bu gün kinolar seçilir, ancaq səviyyəsiz seriallar ilə"
Tanınmış idmançıya idman ustası adı verildi
Daha bir azərbaycanlı xanım deputat seçildi
LEYSAN ÖZLƏMİ
Ermənistan Dağlıq Qarabağa dair "qırmızı xətti" keçir
Məhərrəmliyin mahiyyəti
Tramp Paşinyanla görüşə razılıq verməyib