Qarabag Media
Haqqımızda Əlaqə

Bu böhtanı yayanları kimlər maliyələşdirir?


Tarix:14-02-2018, 15:53 Kateqoriya:Manşet / Siyasət

Bu böhtanı yayanları kimlər maliyələşdirir?

Ümid edirəm ki, Volonte işi bundan sonrakı mərhələdə Azərbaycana qarşı aparılan uzunmüddətli qərəzli siyasətin sonu olacaq.

Bu sözləri Axar.az-a Azərbaycanla korrupsiya əlaqələrində ittiham olunan AŞPA-da Avropa Xalq Partiyası deputatlar qrupunun sədri olmuş Luka Volonte barədə İtaliyanın Milan məhkəməsinin bəraət qərarını şərh edən “Gündəlik Teleqraf” Media Qrupunun rəhbəri, əməkdar jurnalist Aynur Camalqızı deyib. A.Camalqızı bildirib ki, İtaliyanın Milan məhkəməsinin Luka Volonte ilə bağlı bəraət qərarı Azərbaycanın maraqlarını əks etdirməklə bərabər, korrupsiya işində ölkəmizin üzərindən bütün qondarma ittihamları birdəfəlik götürmüş oldu:

“Əslində, belə bir qərarın verilməsi gözlənilən idi. Nəhayət, Milan məhkəməsinin ədalətli qərarı nəticəsində Volontenin bəraəti ilə Azərbaycana qarşı olan bütün şübhələrin üzərindən xətt çəkildi. Volotenin məhkəmə prosesi ölkəmizə qarşı uzun müddət idi aparılan qərəzli siyasətin məhsulu idi. Bu prosesin yaranmasına səbəb olan da bir zamanlar guya “kürü diplomatiyası” adlı “araşdırmanın” ictimaiyyətə təqdim edilməsi idi və bunun özü çox məntiqsiz bir addım idi. Bu “araşdırmanı” hazırlayan qruplar vaxtilə ölkəmiz əleyhinə olan müxtəlif qüvvələrə xidmət ediblər. Ümid edirəm ki, Volonte işi bundan sonrakı mərhələdə Azərbaycana qarşı aparılan uzunmüddətli qərəzli siyasətin sonu olacaq. Çünki biz Azərbaycana qarşı tətbiq olunan bu kimi addımların adekvatlığını nə Ermənistana, nə də Avropa Şurasındakı digər ölkələrə qarşı müşahidə etmişik. Ən üzücü məqam isə Volonte işi zamanı daxilimizdə olan bəzi qüvvələrin dövlətlə eyni mövqedən çıxış etməməsi idi. Əslində, həmin qüvvələr bununla bir növ Azərbaycan dövlətinin maraqlarına qarşı çıxış etmiş oldular. Prezidentin İctimai-siyasi məsələlər üzrə köməkçisi Əli Həsənovun da dediyi kimi, Azərbaycan bu məhkəmə prosesindən sonra dayanmayacaq, adekvat addımlar ataraq öz haqqını sonuna qədər qoruyacaq”.

A.Camalqızının sözlərinə görə, Milan məhkəməsinin bu qərarı bütövlükdə Azərbaycanın apardığı şəffaf və ədalətli siyasətin təsdiqi olmaqla yanaşı, milli maraqlara söykənən siyasətə qarşı bəzi düşmən qüvvələrin vaxtaşırı olaraq göstərdiyi münasibətin məhz qərəzli, çirkin və qarayaxma olduğunu bir daha ortaya qoydu:

“Bu dövr ərzində Volonte ilə bərabər, iki millət vəkilimiz müxtəlif təzyiq və təhqirlərə məruz qaldı. Əslində, bu proses Milli Məclisin iki deputatı və ya AŞPA-nın hansısa mötəbər siyasətçilərinin nüfuzunu məhv etməyə yönəlməmişdi. Burada əsas hədəf Azərbaycan dövləti idi və dünəki qərarla dövlətin nüfuzuna vurulacaq zərbənin qarşısı uğurla alındı. Ona görə də hesab edirəm ki, Azərbaycan bundan sonra öz haqqını OCCRP-dən, Avropa Stabillik Təşəbbüsləri Qrupundan, ümumiyyətlə, ölkəmizə qarşı olan bütün qruplardan tələb etməyi bacarmalıdır. Bütövlükdə götürdükdə bu qərar nəinki Azərbaycanın növbəti uğuru, eyni zamanda, Avropada ölkəmizin əleyhinə olan qüvvələrlə Avropanı bir növ daxildən sarsıdaraq özünün ideallarından uzaqlaşdırmağa çalışanlar arasında aparılan bir savaş idi və Bakı bu savaşın ilkin mərhələsində qalib gəldi, sıra növbəti uğurlu mərhələlərdədir”.

A.Camalqızı xüsusilə vurğulayıb ki, bu qərar Mütəşəkkil Cinayətkarlıq və Korrupsiyaya Qarşı Jurnalistika Layihəsi ilə bağlı müxtəlif vaxtlarda səsləndirilən iddiaları yenidən gündəmə gətirir:

“OCCRP çərçivəsində böyük qrantlar alıb, guya araşdırma aparanların əslində o araşdırmalardan xəbərlərinin olmadığı, bu “araşdırmaların” Layihəyə qrant ayıran bəzi şübhəli mənbələrin sifarişi əsasında hazırlandığı və altında imzası qoyulan şəxslərə hazır şəkildə ötürüldüyü haqda vaxtaşırı tutarlı faktlarla iddialar səsləndirilib. İndi bu iddialar bir daha gündəmə gəlir: o araşdırmaları hansı mənbələr maliyələşdirir; o mənbələrin erməni diasporları və bu diasporların təsirində olan şəxslərlə əlaqələri necədir və s. suallara cavab verilməlidir. Dünya mediasında sürətlə tirajlanan və artıq qarayaxma kampaniyası olduğu Milan məhkəməsi tərəfindən təsdiqlənən bu materiallara görə “araşdırmaçılar” və bu araşdırmanı dəstəvuz edib, böyük proses başladanlar hansı arqumentlə öz əməllərinə haqq qazandırmağı düşünürlər?”

Qeyd edək ki, Milan Məhkəməsində 2 ildən çoxdur, şər və böhtan kampaniyasının qurbanına çevrilmiş Avropanın tanınmış siyasətçilərindən olan Luka Volontenin çirkli pulların yuyulması ilə bağlı məhkəmə prosesi ötən gün başa çatıb. Luka Volonte uzun sürən təhqir və mənəvi əzablardan Milan Məhkəməsinin qərarı ilə bəraət alıb.

L.Volonte Azərbaycan hökumətindən 2 milyon 390 min avro miqdarında rüşvət almaqda ittiham olunurdu.

Aygün Yusibova










SON XƏBƏRLƏR
Bakıda BakuBus-un 3 avtobusu toqquşdu
Qarabağ qazisi Etimad Əsədov vəfat etdi  
Ağcabədidə Təhsil Mərkəzi fəaliyyətə başladı
Qurban Qurbanov: "Bu, bizim üçün çox vacib qələbə idi"
Qaçqınların və Məcburi Köçkünlərin İşləri üzrə Dövlət Komitəsində geniş iclas keçirilib
Millimizdən ilk qələbə
ABŞ və Türkiyə razılığa gəldi — Keşiş Branson azad ediləcək
Laçında tapşırın torpağa məni...
Bu bədxahlar “kəşflərimizi” görməzdən gəlirlər
Yenə leysan xəbərdarlığı edildi
İlham Əliyev şimal bölgəsinə səfər edib
Şəhidlik ömrü ilə dünya ömrü tən oldu...— Uğrunda şəhid olduğu torpaq hələ də düşməndə...
Prezidentdən işğalçı ölkəyə növbəti mesaj
Məmmədyarov ABŞ Dövlət Departamentinin rəsmisi ilə görüşdü
Azərbaycan və Ermənistan üçün həssas dönəm: Sanksiyalar müəllifi gəlir
Qeysəriyyə əməliyyatı etdirən qadınların sayı pik həddə çatıb
Qarabağ münaqişəsinin həllində beynəlxalq hüquqa riayət olunmur
Sürücülərə ŞAD XƏBƏR - Bu vəsiqə ilə xaricdə maşın sürə biləcəksiniz
Qusarda "Kənd təsərrüfatında intensiv inkişafın əsası" mövzusunda tədbir keçirilib - FOTO
Ərşad Hüseynov sosial şəbəkələrdə yayılmış qəribə fotoya aydınlıq gətirib
Hüseyn Cavid insan haqqında
Qarabağ probleminin həllində irəliləyiş əldə olunub - ABŞ-dan ŞOK AÇIQLAMA
İmtahanlarda ingilis dilindən dinləmə bacarığı mütləq yoxlanılacaq - RƏSMİ
Adım məlumat bazasında varsa, sürücülük vəsiqəmi üzərimdə niyə gəzdirim - ZİDDİYYƏT
Himnimizə münasibət – FLƏŞMOB
““Dövlətqaçqınkom”un yeni rəhbərliyi şəffaflığı təmin edib” - Məcburi köçkün rayonunun DEPUTATI
Sahibkarlığın İnkişaf Fondu iş adamlarına güzəştli kredit verməyə başlayıb
Lukaşenko Belarusun Rusiyanın tərkibinə qatılması haqqında
Həbibi məğlub edən yeganə döyüşçü AZƏRBAYCANLIDIR - FOTO
Trampın Qarabağla bağlı fikirlərinə aydınlıq gətirildi