Qarabag Media
Haqqımızda Əlaqə

Laçından məktub var…


Tarix:14-02-2018, 13:40 Kateqoriya:Manşet / Yazarlar

Laçından məktub var…Salam Fidan!

Necəsən, atangil, qardaşların necədir?


Bilirsən indi biz hardayıq? Laçındayıq. Anam Laçında anadan olub. İşğaldan azad olandan sonra babamgil bura köçüblər, öz evlərinə. Nənəm deyir ki, onların evlərini ermənilər yandırmışdı. Amma indi onlara təzə ev tikiblər. Hamı artıq geri qayıdıb. Köhnə qonşularından çoxusu rəhmətə gedib. Bizim kimi onların da nəvələri Bakıdan qonaq gəlmişdilər. Atam bizi Mİnkənd İstisuyuna apardı. Orda alaçıq qurduq. Qonşular da atama kömək etdilər. Alaçıq bilirsən nədir? Bura dağ kəndidir. Evlər çox azdır. Adamlar çadır qurub yaşayır. Bura Azərbaycanın hər yerindən istirahətə gəlirlər. Onlar da bizim kimi çadırda yaşayırlar.

Bura çox gözəldir, havası təmiz, suyu saf. Əsl cənnət diyarıdır. Burada müalicəvi sular çoxdur.

Atam, Əli, Hümbət çayda balıq tutur, doyunca çimirlər. Nənəm sacda yuxa bişirir. Anam da bizə yemək hazırlayır. Bizim alaçığa yaxın bulaq var.Mən nənəmin balaca səhəngi ilə su gətirirəm. Burada bir su var, müalicəvidir, babam ora tez-tez çimməyə gedir. Hər dəfə gedəndə bizi də aparır. Deyir nə qədər ki, burdasınız, bu gözəlliklərdən doyunca görün.Bir də Allah bilir nə vaxt gələcəksiniz. Neçə ildir Bakının tozlu-dumanlı havasını udmuşuq. Allah ermənilərə min lənət eləsin. Neçə ildir bizi bu gözəllikdən uzaq qoymuşdu. Babam atama deyir ki, vallah ay bala, məndən olsa siz də köçüb bura gələrsiniz.

Atam bizi meşəyə, talaya gəzməyə aparmışdı. Anam çoxlu kəklikotu, qantəpər, gülxətmi yığmışdı. Anam deyir ki, Bakıda Sevil xalaya da bundan pay verəcəm. Burada hər addımda bulaq var. Suyu da buz kimi.

Fidan, burda bizim kimi alaçıqda yaşayan çoxlu ailələr vardı. Özümə çoxlu dost da tapmışam. Söz vermişik ki, hamımız öz evimizə qayıtsaq da, əlaqəmizi kəsməyək. Beş gün Minkənddə qalandan sonra Laçına qayıtdıq. Babam bizi Laçın Diyarşünaslıq muzeyinə, Laçın şəhidlərinin xatirəsinə tikilmiş mərkəzə, Bayraq Meydanına da apardı.

Babam deyir ki, Laçın çox dəyişilib. İşğaldan azad olunduğu az müddət olsa da, təzə parklar salınıb, yeni binalar, evlər, otellər tikilib. Fidan, sənə hər gün xatirələrimi yazdım. Bakıya qayıdandan sonra hamısını danışacam. Çoxlu şəkillər də çəkdirmişik. Bilirəm ki, sən də mənim üçün çox darıxmısan. Gələn il yay tətilində səni də özümlə Laçına aparacam. Öpürəm, sağ ol!

İmza: Xədicə...










SON XƏBƏRLƏR
İlham və Fərizə: əsl sevgi və sədaqət salnaməsi
20 Yanvar şəhidlərinin 29-cu ildönümü anılır
Həcərin nəticəsi: "Nənəm erməniyə ərə gedə bilməzdi..."
“Dövlətqaçqınkom”un 100-ə yaxın əməkdaşı qan verdi - FOTOLAR
“Vətənin ən qəhraman övladları və onların ailələri qarşısında baş əyirəm” - Amerika ordusunun azərbaycanlı polkovniki
Heçmi əlləri titrəmədi?
İranın Qarabağ məsələsinə yanaşması dəyişir?
Günay Rəhimbəylidən Qarabağ atları ilə bağlı - SOS
Ukrayna Rusiya ilə 49 sənədi ləğv etdi
Deputat: Ölümə ən çox ürək-damar xəstəlikləri səbəb olur
“Gördün... Elmira Qafarova kişi qızıdır”
Şəhid Fərid Əhmədovun doğum günüdür
Artıq müalicə üçün İrana getməyə ehtiyac yoxdur! - VİDEO
Polad Bülbüloğlu: "Bu il Qarabağla bağlı konkret addımlar atılacağına ümidvarıq"
Rüstəm Kamalın ədəbiyyat dili - Elnarə AKİMOVA yazır
Muğam sənətinin inkişafı ilə bağlı addım atılacaq
Dörd saat söhbət, dörd kəlmə söz, dörd qəpiklik inam
OPEC Azərbaycanda 2019-cu ildə neft hasilatına dair proqnoz dərc edib
Yaxın Şərqdə xain plan: "Böyük Ermənistan", "Böyük Kürdüstan" və "Böyük İsrail"
Qasırğa və çovğun hanı? – Nazirlik vaxt dedi
Xəzərdə dalğanın hündürlüyü 5,3 metrə çatıb
Bakı Nəqliyyat Agentliyində TƏYİNAT
Ramil Usubov daha bir rəisin yerini dəyişdi
Skiflər, saklar, massagetlər, talışlar və azərilər
Azərbaycanla Rusiya arasında bir sıra ikitərəfli sənədlər təsdiqləndi
Həmsədrlər bəyanat yaydı: “Əhalinin sülhə hazırlanması üzrə razılığa gəlinib”
Sergey Lavrov Azərbaycan-Rusiya münasibətlərinə dair mühüm mesajlar verdi
Suriyanın paytaxtı Dəməşqə güclü qar yağıb
Putinə qarşı sui-qəsdin qarşısı alındı
"Struktur islahatları idarəetmədə çevikliyin daha da artırılmasına xidmət edir"