Qarabag Media
Haqqımızda Əlaqə

“Ən böyük arzumuz oğlumun adının əbədiləşdirilməsidir” - Şəhid zabitimizin anası...


Tarix:19-01-2018, 13:53 Kateqoriya:Manşet / Qəhrəmanlar

“Ən böyük arzumuz oğlumun adının əbədiləşdirilməsidir” - Şəhid zabitimizin anası...

Aprel döyüşlərində qəhrəmancasına həlak Şəhid olan hərbçilərimizdən biri də leytenant Qabil Əbdüləli oğlu Orucəliyevdir. Qabil Şəhid olarkən ən çox ürəkləri sarsıdan bir hadisəylə yadda qaldı: Qabil Şəhid olmamışdan üç gün əvvəl dünyaya gələn ilk oğlan övladını görə bilmədi. Atasını uşaqkən itirən Qabil yeni doğulan körpəsinə atasının adını qoymaq istəyirdi, amma tale elə gətirdi ki, oğluna atasının adını yox, öz adını qoydular.

Karabakhmedia.az aprel Şəhidləri ilə bağlı növbəti yazını təqdim edir.

Anası Nuriyyə xanım:

“Qabil mənim nəfəsim idi. O, mənim həm oğlum, həm sirdaşım, həm evimin böyüyü, ailə başçısıydı. Qabil məni heç incitməzdi. Atası vəfat edəndən sonra hərdən gizlicə ağlayırdım. Qabil üzümə baxan kimi hiss edirdi. Məni ağlamağa qoymurdu. Amma bilmirdi ki, illər keçəcək və anası bir ömür boyu ağlar qalacaq. Qabil kimi övladı itirmək çox çətindir. Atası 2005-ci ildə, 41 yaşında vəfat edəndən sonra iki bacısı və bir balaca qardaşını himayəsinə aldı, işlədi, dolanışığımıza kömək elədi. Hər bir işimizi, problemimizi onunla məsləhətləşirdim. Bacılarını, qardaşını çox sevirdi; onların barmağına daş dəyməsinə beə razı olmazdı. Gündə bir neçə dəfə zəng edib kefimi-halımızı soruşurdu. O, əvəzsiz oğul idi. Bizə həqiqətən də böyüklük edirdi. Qarşısına hərbçi olmağı məqsəd qoymuşdu. Özü də bu arzusuna çatmaqda israrlı idi. Nənəsi onun hərbiyə getməsini istəmirdi, “deyirdi evin böyüyüsən, atan qabaqda yoxdur, qardaşın balacadır, bacıların ailə qurub gedib, ananla qardaşını tək qoyma. Hərbçi elədir ki, harada olacağı bilinmir.”

Amma Qabil bizimlə razılaşmadı, arzusunu reallaşdırdı, zabit oldu. Vətənini ailəsindən, anasından çox sevdi, sinəsini düşmənə sipər etdi ki, Vətən torpağını qorusun. Deyirdi ki, ana, hər zaman mənimlə fəxr edəcəksən. Başınızı aşağı edəcək hərəkət etməyəcəm. Qabil sözünü tutdu, bu gün doğulduğu Naxçıvan, bütün Azərbaycan xalqı onunla fəxr edir. Qabilin toyunun ab-havası hələ çəkilməyib evimizdən, həyətimizdən... Hələ toydan qalan izlər, xatirələr var evimizdə. Vağzalının səsi hələ də qulaqlarımdadır. Qabil özü sevib, seçmişdi. Elçi getdik, nişan qoyduq, sonra da toy elədik. Heç toyunun bir ili tamam olmadı balamın.
“Ən böyük arzumuz oğlumun adının əbədiləşdirilməsidir” - Şəhid zabitimizin anası...

Martın 29-da zəng eləyib ata olması münasibətilə təbrik elədim. Ən son aprelin 1-də Qabillə sonuncu danışığımız oldu. Telefonu açan kimi o, məndən qabağa danışdı: “Ay ana, necəsən? Təhminəyə demişəm, uşağa atamın adını qoyarsınız”, - dedi. Sonra ona zəng çatmadı. Televizordan eşitdik ki, Qabil olduğu istiqamətdə güclü döyüşlər başlayıb. Narahat olduq nə qədər zəng elədiksə, zəng çatmadı. Qohum-əqraba qonşularımız gəlib Qabildən xəbər bilmək istəyirdilər. Hamı Qabildən bir xəbər bilmək istəyirdi. Həyət hər gün adamla dolu olurdu. Sən demə Qabil aprelin 2-də şəhid olub. Öz-özümə deyirdim, Qabil harda olsa zəng edəcək, bizi nigaran qoymaz. Amma, Qabil bir də zəng etmədi, biz onun şəhid olması xəbərini aldıq. Sanki gözümün önündə dünya dağıldı. Qabilsiz bu həyat mənə çox mənasızdır. Qabildən sonra yaşamaq istəmirdim.

Amma Qabilin həyat yoldaşı, yenicə doğulan körpəsi, Qabilin 11 yaşlı balaca qardaşı İsa mənə əmanət qalmışdı. Gücümü topladım. Qabilin cənazəsi gələcəkdi, onu qarşılamaq, bir şəhid anası kimi dəfnə gələnləri, başsağlığı verənləri qəbul eləmək lazım idi. Amma cənazə gecikdi və mən ikinci bir zərbə aldım. Qabilin nəşi düşmən tərəfdə qalmışdı. Səkkiz gündən sonra cənazəni bizə verdilər. Qabilin tabutunu çiynimdə daşıdım, göz yaşlarımı ürəyimə axıtdım. İstəmədim ki, şəhid anasını düşmən ağlayan görsün. Qabilin dəfnindən bir neçə gün sonra oğluna Qabilin öz adını qoyduq. Qabildən sonra qardaşı İsa ikinci dəfə yetim qaldı. Qabil İsanın həm böyük qardaşıydı, həm də ata əvəzi idi. İsa atasını görməmişdi, ona görə də Qabilə “dədə” deyirdi. Tez-tez zəng edib dərslərini soruşurdu. İsaya “dərslərini yaxşı oxu, ananı incitmə, nə istəsən, alacağam sənə”, - deyirdi həmişə. Həmişə də məzuniyyətə gələndə İsaya, bacılarına, mənə mütləq nəsə hədiyyə alıb gətirirdi.

Oğlum bizi qorudu, Vətənini qorudu, dümənə zərbə vurdu. Amma olmur, oğul dərdinə dözmək olmur. Hər cümə günü məzarını ziyarət edirik. Elə olur ki, hər gün qəbiristanlığa gedirəm. Tez-tez oğlunu da aparıram. Şəhid ata Qabillə oğul Qabilin görüşü hər dəfə ürəyimi yandırır. Balam övladının başını bir dəfə sığallaya bilmədi, balasını bir dəfə qucağına almaq qismət olmadı.

Şəhid anası olduğum üçün, Qabilin anası olduğum üçün fəxr edirəm. İstərdim ki, ona Milli Qəhrəman adı verilsin. Çünki Qabil əsl qəhrəmanlıq nümayiş etdirdi. Onun vətənpərvərliyi hamıya örnək oldu. O, başsız qalan ailəsini, yeni doğulan övladını, balaca qardaşını, anasını, bacılarını düşünmədən özünü Vətənə qurban verdi. Bugün Qabilin ailəsi olaraq bizim yeganə arzumuz odur ki, Qabilə Milli Qəhrəman adı verilsin. Adı məktəbə, küçəyə verilib, əbədiləşsin. Gələcək nəsil Qabilin igidliyini, qəhrəmanlığını bilsin, yaddaşlarda yaşasın oğlum. Bəlkə bunlar edilsə, heç olmasa ürəyimizə su səpilər”./Moderator.az/

Yazının davamı var...

Vasif Əlihüseyn










SON XƏBƏRLƏR
Azərbaycanla Türkiyənin hərbi əməkdaşlığı yeni mərhələdə
Zakir Həsənov Putinlə görüşə və “qırmızı ordu”nun yubileyinə getmədi
Berlində Xocalı soyqırımının 26-cı ildönümü ilə əlaqədar simpozium keçirilib
Makedoniyalı siyasətçi: "Xocalı soyqırımı Ermənistana ləkədir"
Abırsızlıqları izləməkdəyik
Rusiyada yaşayan azərbaycanlı jurnalist vəfat edib
Çağdaş Azərbaycan Türk fəlsəfəsinin başlıca problemləri
Əlimərdan bəy Topçubaşovun qayınanasına məktubu – Sizin qızınızı sevirəm…
Fizuli Məmmədov İtaliya mətbuatında Xocalı soyqırımından yazdı
"Yollar uzanan gün..." filminin təqdimatı oldu - FOTO
Qazaxıstan “Barıs” zirehli maşının qış sınaqlarına başlayıb
"Hamilə qadınların qarnına biz soxdular, içalatlarını çıxartdılar" — Xocalı şahidi
Fəxri adlara görə aylıq təqaüd artırıldı
Azərbaycanda "Youtube" kanalı bağlanmalıdır? – EKSPERTLƏRİN RƏYİ
"Xəcalət" dramı bu dəfə Ağdam səhnəsində — FOTO
Türk ordusu 3 kəndi azad etdi
Prezident vəkilliyin inkişafı ilə bağlı sərəncam imzaladı
“Qarabağ” heç vaxt bir futbolçudan asılı olmayıb" — Rəşad Sadıqov
"Azərbaycanlı terminator": Biz pul üçün döyüşmürük
Atatürkün dəfnində iştirak edən sabiq nazir — Azərbaycan Cümhuriyyəti - 100
“Video Vəkillik Bacarıqlarının Artırılması” layihəsi çərçivəsində növbəti təlim keçirmişdir
“İraqda valideynlərini itirmiş 15-ə yaxın azərbaycanlı uşaq var”
Qarabağda erməni əsgər məhv edildi
İzmirdə Xocalı Soyqırımının qurbanları anılacaq
Azərbaycan XİN Eduard Nalbandyana cavab verib
Azərbaycanın müdafiə naziri Belarusa gedib
Türkiyə Silahlı Qüvvələri: "Afrinə tərəf hərəkət edən bütün qüvvələr məhv ediləcək"
İngiltərədə yaşayan azərbaycanlı vəkildən Qarabağ qazisinə dəstək
3 Milli Qəhrəmanın doğum günüdür
Nəsib bəy Yusifbəylinin dünyagörüşündə Azərbaycan türkçülüyü ideyası - V Yazı