Qarabag Media
Haqqımızda Əlaqə

Mənim gözlədiyim Yeni İl möcüzəsi


Tarix:29-12-2017, 00:17 Kateqoriya:Manşet / Yazarlar

Mənim gözlədiyim Yeni İl möcüzəsiQönçəgül Kamalqızı

Yeni ili harda qarşılamaq istərdiniz?
Hər gün dünyanın bir çox yerlərinə səyahət turları təşkil edən elanlarla çox qarşılaşıram. Amma təəssüf ki, mənim getmək istədiyim məmləkətin adı yoxdur o siyahıda.


Sən heç nağıl ömrü yaşadınmı, əziz oxucu? Mən yaşadım. Həm də dünyanın heç bir yerində görülməyən, unudulmayan bir nağılın qəhrəmanı oldum. Hər il dekabr ayı gələndə hiss etdiyim həyəcan, sevinc bir ömürboyu yetərdi mənə...

Qışda ağappaq qara bürünən dağların əhatəsində gözəl bir şəhər düşünün. Gözoxşayan bu təbiət mənzərəsində yaşayanlar, soyuq havanı ciyərlərinə çəkənlər, dizə qədər qarlı yollarda yeriyənlər daha yaxşı bilər o yerin gözəlliyini.

Üzəri bəyaz qarla örtülən evlərdə yanan sobalardan çıxan tüstü qoxusu, isti çörək, təzəcə dəmlənən çay ətri insanı valeh edərdi.

Soyuqdan donan əllərini, qarda islanan üst-başını qurutmaq üçün evə tələsib ana-atanın qucağına sığınmaq bir başqa aləm idi.

Gecələr qarın səsiz yağmasını küçə işıqlarının sarı şüaları altında izləmək, xizəklərdə sürüşən uşaqların, bəzən də böyüklərin qəhqəhəsini eşitmək bütün əyləncələrə dəyərdi. Bir də biləndə ki, hər bayram evimizdə bəzənən yolkanın fırlanmasını gecələr pəncərədən həvəslə izləyənlər var, onda sevincimin həddi-hüdudu olmazdı.

Atam mənə uşaqlığımın ən yaddaqalan günlərini yaşadıb. Yen il qabağı nə Şaxta baba gözləyirdim, nə də Qar qız. Mənim hədiyyəm atamdan gələrdi.

O, təzə ilə xüsusi təmtəraqla hazırlaşırdı. Yamyaşıl yeni il ağacı, rəngbərəng oyuncaqlar, nağıl qəhrəmanlarının şəkilləri olan bayraqlar, gözəl işıqlar gecədən qutularından çıxarılar, yerbəyer edilərdi. Bu işin ən gözəl tərəfi bilirsinizmi nə idi?

Atamın sehirli əlləri evimizdə gecə ilə möcüzələr yaradardı. Səhər oyanan kimi qaçıb sirli-sehirli, fırlanan yolkama baxardım. Düz bir ay bayram ab-havası evimizdən çəkilməzdi.

Atam yeni il bayramını bir başqa cür sevirdi.Təzə il sevincini təkcə mənə yox, ayrı uşaqlara da yaşadardı. Məktəbin həyətində quraşdırmaq üçün xüsusi zövqlə seçilmiş küknar ağacı gətirərdi. Həvəslə bəzəyərdi o ağacı....

Sonra şeirlər söylənərdi, mahnılar oxunardı. Məktəbin ən gözəl qızı Qar qız, ən yaraşıqlı oğlanı Şaxta baba seçilərdi. Beləcə nağıl olardı ömrümüz.

Hər nağılın bir sonu olur, yaxşı, ya da pis. Bizim nağılımzsa yarımçıq qaldı.

Biz köçkün düşdük, atam xəstələndi. Br gün bayram ərəfəsində balaca bir küknar ağacı tapıb gətirdilər onun üçün. Bacardığımız kimi yolka bəzədik. Amma nədənsə cəmi bir gecə saxladı onu. Səhəri günü istəmədi.

İndi düşünürəm ki, atam təmtəraqla, həvəslə bəzədiyi ağacın əvəzini qaytara bilmədiyi üçün küsdü təzə ildən. İsti evimizdə yaşanan o əsrarəngiz bayram sevincini yataqxananın soyuq divarları arasına sığışdıra bilmədi.

O, öləndən sonra biz daha heç vaxt yeni ilə hazırlaşmadıq. Çünki nə atam vardı, nə evimiz, nə də bəzəkli yeni il ağacımız.

Bacılarımdan biri atam kimi həvəslidir. Bəzən evində bayrama hazırlaşır, yolka bəzəyir. Amma bilirəmki o içindəki yarımçıq bayram sevincini tamamlamağa, itirdiklərini geri qaytarmağa çalışır.

İndi o illərdən məni çox uzun bir zaman ayırır. Hələ də hər ilin sonuncu günü saatın əqrəbləri 12-ni göstərəndə elə bilirəm ki, atam gələcək. Bizi nağıl dünyamıza geri qaytaracaq. “Hazırlaşın, gedirik”, deyəcək. Qış möcüzələrinin yaşandığı diyara...

Ora nə Laplandiyadı, nə də başqa bir yer... Ora Laçındır.
Yolu həsrət qoxulu, gözü nisgil yuxulu diyar, təzə ilin mübarək!

Karabakhmedia.az










SON XƏBƏRLƏR
“Araz Əlizadənin deputat olması şərəfimə toxunur” - Xeyrəddin Qoca
Xəncərli qatil Şəmkirdə öldürüldü – VİDEO
İlham Əliyev: “Son hadisələr göstərir ki, onların əlində terrordan başqa heç bir vasitə qalmayıb”
Ərdoğan Makronun dəvətini rədd etdi: “İşim var…”
İtaliya Trampın çağırışına qarşı çıxdı
“Sosial şəbəkələrdə normal adamlar olmur” — Araz Əlizadə
“Neftçi”dən əzmkar qələbə
Tanınmış şair məzarı başında anıldı
Binəli Yıldırım Türkiyə parlamentinin sədri seçilib
Tarixin gedişatını dəyişən Malazgird döyüşü — TURAN TAKTİKASI
Dünyanın ən güclü orduları açıqlandı – SİYAHI
Hikmət Hacıyev: “Azərbaycan və Ermənistan XİN rəhbərlərinin görüşü 4 saata yaxın davam edib”
Prezident İlham Əliyev NATO ölkələri başçıları üçün təşkil olunan qəbulda iştirak edib
Adnan Oktarın əmlakı müsadirə edildi - “Kediciklər” ac qalacaq
Avropa İttifaqından Qarabağ məsələsində ermənilərə növbəti zərbə
"Qarabağ" mübarizəyə qələbə ilə başladı
NATO-dan Rusiya açıqlaması: “Soyuq müharibə istəmirik”
Elxan Şahinoğlu: "Dövlətimizi qorumaq üçün bütün imkanlar səfərbər edilməlidir"
Qurban Qurbanov: "Vacib oyunlar ilk mərhələnin qarşılaşmalarıdır"
İlham Əliyev Belçikaya gedib
Fazil Mustafa: "Gəncəni sınaq poliqonuna çevirməsinə imkan verilməyəcək"
"Suriyaya gedən Azərbaycan vətəndaşlarının sayı 1000-dən çox olub"
“Köçəryan Moskvaya qaçıb” – Keçmiş prezidentə korrupsiya ittihamı
Azərbaycanın daha 13 idmançısı dopinq-testdən keçə bilmədiyi üçün cəzalandırılıb
Prezidentlər dünyaya Qarabağla bağlı mesaj verdilər
Nazirlikdən isti hava şəraiti ilə bağlı XƏBƏRDARLIQ
Duqin Qarabağla bağlı Paşinyan hökumətini şoka saldı
İran neft ixracını rekord həddə qaldırır - ABŞ-a cavab
Azərbaycan və Türkiyə prezidentlərinin təkbətək görüşü olub
Rusiya Ermənistandakı hərbi bazasına iki ədəd yeni nəsil “MiQ-29” qırıcıları göndərib