Qarabag Media
Haqqımızda Əlaqə

Vətənin müdafiəsinə hazıram!


Tarix:28-12-2017, 22:04 Kateqoriya:Manşet / Təhsil

Vətənin müdafiəsinə hazıram!

Səbail rayonundakı 162 № li orta məktəbdə Səbail Rayon İcra Hakimiyyəti və Səfərbərlik və Hərbi Xidmətə Çağırış üzrə Dövlət Xidməti ilə birgə “Vətənin müdafiəsinə hazıram!” adlı tədbir keçirilib.

Rayon icra hakimiyyətinin nümayəndələri, hüquq mühafizə orqanlarının rəhbərləri, SHXÇDX-nin rayon şöbəsinin şəxsi heyəti, idarə, rayon ictimaiyyətinin təmsilçiləri, şəhid ailələrinin üzvləri, müharibə veteranları, rayondakı hərbi hissələrin əsgərlərinin və məktəblilərin iştirak etdiyi tədbirdə əvvəlcə Azərbaycan Respublikasının Dövlət Himni səsləndirilib, torpaqlarımızın bütövlüyü uğrunda şəhid olan Vətən oğullarının müqəddəs xatirəsi yad olunub. Səbail Rayon İcra Hakimiyyətinin başçısının müavini Eldar Ağayev gənclərin üzərinə məsuliyyətli vəzifələrin düşdüyünü qeyd edərək, tarixin bütün mərhələlərində dövlətçiliyimizin qorunması, torpaqlarımızın düşmən tapdağından azad edilməsi, ərazi bütövlüyümüzün və müstəqilliyimizin qorunub-saxlanılmasında onların əvəzsiz rolunun olduğunu bildirib. Eldar Ağayev Azərbaycan xalqının müharibə arzulamadığını, həmişə sülhün, əmin-amanlığın tərəfdarı olduğunu, lakin sülh istəyən xalqın həmişə hərbə də hazır olmasının vacibliyini diqqətə çatdırdı.

Qeyd olundu ki, keçən ilki aprel döyüşlərində Səbailli gənclər də yaxından iştirak etmiş, 2 gəncimiz bu döyüşlərdə yaralanıb. Eldar Ağayev tarixə “dördgünlük müharibə” adı ilə düşən aprel döyüşlərinin gənclərin hərbi vətənpərvərlik ruhunu daha da yüksəltdiyini, qazanılan qələbənin xalqımızın orduya olan inamını ikiqat artırdığını ifadə edib. SHXÇDX-nin şöbə rəisi, polkovnik Rasim Şirinov çıxışında vətənpərvərlik hissinin yüksəldilməsi üçün Xidmət tərəfindən silsilə tədbirlərin keçirildiyini vurğulayıb. Şöbə rəisi təmsil etdiyi qurum tərəfindən bütün rayonlarda gənclərin vətənpərvərlik tərbiyəsi və səfərbərliyə hazırlığı, çağırışçılarda vətənpərvərlik hissinin yüksəldilməsi ilə bağlı tədbirlərin keçirildiyini bildirib. O, Vətən uğrunda canlarını fəda edən oğulların heç vaxt yaddan çıxmayacağını bildirərək, bu gün ordu sıralarına göndərilən gənclərin əvvəlcə mütəxəssis hazırlığı məktəblərinə cəlb edildiklərini və artıq onların orduya gedərkən hazırlıqlı olduqlarını qeyd edib. Tədbirdə çıxış edən 162 №-li məktəbin hərbi hazırlıq rəhbəri Sərvan Şirinov, Qarabağ müharıbəsində şəhid olmuş Etibar Əliyevin atası Allahverdi Əliyev və başqaları Ümummilli Lider Heydər Əliyevin təməlini qoyduğu dövlət gənclər siyasətinin bu gün Prezident İlham Əliyev tərəfindən uğurla davam etdirildiyini bildirib, dövlətimizin başçısının Azərbaycan gəncliyinə göstərdiyi diqqət və qayğıdan danışıblar.

Tədbirdə SHXÇDX-nin təsis etdiyi “Hərbi vətənpərvərlik tərbiyəsində xidmətlərinə görə” mükafatları məktəbin məzunu, şəhid Etibar Əliyevin atası Allahverdi Əliyevə və Qarabağ müharibəsi veteranı İlham Əliyevə təqdim edilib. Eləcə də, çağırışaqədərki hazırlıq fənninin tədrisində və hərbi vətənpərvərlik işinin aparılmasında səmərəli fəaliyyətinə görə 162 №-li orta məktəbin hərbi rəhbəri Sərvan Şirinov, gənclərin çağırışaqədərki hazırlığı fənnində yüksək nailiyyətlərə görə həmin məktəbin X sinif şagirdi Əlizamin Quliyev SHXÇDX tərəfindən mükafatlandırılıb. Bədii hissədə vətənpərvərlik mahnılarının mahir ifaçısı Şəmistan Əlizamanlı və 162 №-li orta məktəbin özfəaliyyət kollektivləri vətənpərvərlik mövzusunda tərtib edilmiş proqramla çıxış ediblər.

Karabakhmedia.az










SON XƏBƏRLƏR
Aqil Məmmədov Daşkəsən və Göygöldə məskunlaşan seçiciləri ilə görüşüb
Rusiyada yeni hökumətin tərkibi bəlli oldu - TAM SİYAHI
Cavid Qurbanov Qazaxıstanda bu razılaşmanı imzaladı
Rövşən Rzayev köçkünləri qəbul etdi
“Mən bu “əyilə-əyilə” fikrini aprel döyüşlərindən sonra səsləndirmişəm” – Elman Nəsirov
Rusiyanın yeni hökümətində iki müsəlman da təmsil olundu
Rəsulzadə və Nuru Paşa adına banknot buraxıldı-10 min... - FOTO - VİDEO
Dünya İqtisadi Forumunun Azərbaycanda regional mərkəzi yaradılır - Protokol imzalandı
Mahir Abbaszadə Abşeronda seçiciləri ilə görüşüb - FOTOLAR
Prezident İlham Əliyev Mixail Qusmanı təbrik etdi
Bu gün Zəlimxan Yaqubun doğum günüdür
Axısqa türkü olan komandir dünyasını dəyişdi – Xocalı batalyonuna başçılıq etmişdi
Deputatlığa namizədlərin seçki dairələri üzrə siyahısı açıqlanıb
Hikmət Hacıyev NATO rəsmisi ilə görüşüb
Türkiyədə böyük əməliyyat – Beş minə yaxın adam tutuldu
22 yaşlı gənc Fərid Məmmədovun UĞURLARI
Şadlıq evində tavan uçdu, ölən var
Özbəkistan Prezidentindən Rusiyaya qəti mövqe: “Avrasiya İttifaqına üzv olmayacağıq”
Qorxmaz Hüseynov bu rayonların vətəndaşlarını qəbul edəcək
Zakir Həsənovun Gürcüstana rəsmi səfəri başlayıb
Mahir Abbaszadə şəhid ailələri və məcburi köçkünlərlə görüşüb - FOTOLAR
Ərdoğan Haftarla danışıqlardan imtina etdi – SƏBƏB
ABŞ yeni silahını nümayiş etdirdi – VİDEO
Deputatlığa namizəd polkovnik Mehdi Mehdiyev Qobu və Saray qəsəbəsində görüşlər keçirib - FOTO
Prezident İlham Əliyev “Carlyle Group” şirkətinin həmtəsisçisi Devid Rubinşteynlə görüşüb
Türkiyədə 20 Yanvar faciəsinin 30 illiyi ilə bağlı film çəkilib
Putin baş prokuroru istefaya göndərib
Məşhur rus generalı 20 yanvarda Bakını necə işğal etməsindən yazıb - I HİSSƏ
Siqaret çəkən futbolçular Azərbaycan millisindən qovuldu
Londonda 20 Yanvar faciəsinin 30-cu ildönümü qeyd edilib