Qarabag Media
Haqqımızda Əlaqə

Xanəndə Aydın Niftalıoğlunun 70 yaşı qeyd olundu


Tarix:20-12-2017, 12:30 Kateqoriya:Manşet / Mədəniyyət

Xanəndə Aydın Niftalıoğlunun 70 yaşı qeyd olunduAzərbaycanın tanınmış xanəndələrindən olan, muğam ifaçılığı sənətimizin dəyərli nümayəndəsi Aydın Niftalıoğlunun 70 illik yubileyi qeyd edilib. Yubileydə ölkənin tanınmış mədəniyyət xadimləri, ictimaiyyət nümayəndələri, muğam sənitinin vurğunları iştirak ediblər.

Aydın Niftalıoğlunun doğma torpağı olan Ağdam rayonun ictimaiyyət nümayəndələri və rayon icra hakimiyyətinin təmsilçiləri söz alaraq yubilyarı təbrik edib, ona xoş arzularını bildiriblər. Çıxışlarda xanəndənin regionda muğam sənətinin təbliğində, yeni nəsil muğam ifaçılarının yetişdirilməsindəki önəmli rolu, bu sahədə əvəzsiz fəaliyyəti xüsusi vurğulanıb və yüksək dəyərləndirilib.

Tədbirdə Ağdam ziyalılarından QHT-lərə Dövlət Dəstəyi Şurasının üzvü Emin Həsənli, “525-ci qəzet”in baş redaktor müavini Seyfəddin Hüseynli çıxış edərək Aydın Niftalıoğlunun müasir muğam sənətimizdəki mövqeyini, gənc nəsildə muğama marağın oyadılması və cavan xanəndələrin yetişməsindəki əməyini, muğam sənətinə verdiyi töhfələri təqdirəlayiq cəhətlər kimi diqqətə çatdırıblar. Bildirilib ki, A.Niftalıoğlu paytaxtda yaşamasa da, bütün ölkədə, xüsusən Qarabağda və Abşeronda tanınan, sayılıb-seçilən xanəndələrdəndir. O, uzun müddətdən bəri muğam sənəti sahəsində pedaqoji fəaliyyətlə də məşğul olaraq, gənc ifaçıların yetişməsində özünəməxsus rol oynayıb. A.Niftalıoğlu hər zaman muğamlarımızı, o cümlədən, “Şahnaz”ı, “Segah”ı çox böyük şövqlə, ürəklə ifa edib, onun səsi gücü və əzəmətilə indi də seçilir. Çıxışlarda xanəndənin bu yubiley gecəsinin əsl muğam bayramı kimi yaddaşlarda qalacağına əminlik ifadə olunub.

Tədbir muğam ifaları ilə davam edib. Yeni nəsil xanəndələr arasında xüsusilə fərqlənən Əməkdar artistlər Səbuhi İbayev, Babək Niftəliyev, Opera və Balet Teatrının solisti Elnur Zeynalov, yubilyar xanəndənin sənətini uğurla davam etdirən övladı Elşad Aydınoğlu, eləcə də digər ifaçılar istedadlı tarzən Altay Niftəliyev və kamançacı Araz Ağaverdiyevin müşayiətilə bir-birindən gözəl çıxışlarla məclis iştirakçılarına xoş saatlar yaşadıblar.

Aydın Niftalıoğlu özü də cavan həmkarlarıyla bərabər muğamların ən mürəkkəb, zil şöbə və guşələrini elə məharətlə oxuyub ki, məclisdəki gənc xanəndələr bu ifaların onlar üçün növbəti bir dərs olduğunu dilə gətiriblər.

Biz də, öz növbəmizdə, Aydın Niftalıoğlunu 70 illik yubileyi münasibətilə təbrik edir, ona möhkəm cansağlığı, yaradıcılığında yeni-yeni uğurlar arzulayırıq!

Xanəndə Aydın Niftalıoğlunun 70 yaşı qeyd olundu



Şahanə MÜŞFİQ










SON XƏBƏRLƏR
Davos Forumunda iştirak Azərbaycana nə verir? — Elmir Muradın şərhi
Ölkəyə külli miqdarda narkotik və silah gətirən iranlılar tutuldular
ABŞ İrana qarşı sanksiyalarını genişləndirib
Seçkiləri izləyəcək yerli və xarici müşahidəçilərin SAYI
Diaqnostik qiyməntləndirmə ilə sertifikatlaşdırma arasındakı fərq nədir?
Səfir: “Britaniya hər zaman Azərbaycanın ərazi bütövlüyünü dəstəkləyib”
26 il sonra nəşi məzardan çıxarılan şəhidin xanımı: “Bir axşam evdə tək idim...”
Mahir Abbaszadə Yeni Günəşli qəsəbəsində laçınlılarla görüşdü - FOTOLAR
Prezident İlham Əliyev Vaqif Şadlinskini təltif edib
Hacı Salayev namizədliyini geri götürdü: "İki dəfə deputat olmuşam, bəsdir"
Məzahir Pənahovdan namizədlərə ÇAĞIRIŞ - “Seçki Məcəlləsinin tələblərinə əməl edin”
Həkimlərə şad xəbər: MAAŞLARI ARTIRILIR
Suriyada döyüşən azərbaycanlılarla bağlı qərar elan edilib
Naməlum şəhidin nəşi şəhidlər xiyabanında dəfn olundu - FOTOLAR
Dolmabaxça sarayında tarixi tapıntı – Osmanlının ilk təyyarələri haqda faktlar ortaya çıxdı - FOTO
Dəhşətli virusun Azərbaycana keçməsi istisna edilmir - AÇIQLAMA
Azərbaycanda qəndə ağardıcı maddə qatan şəxs həbs edildi
Yazıçı Pərvanə Bayramqızının yeni kitabı çap olundu
“Şuşa qalasının Azərbaycana məxsusluğu bütün dünyaya məlumdur” - Musa Qasımlı
İçərişəhərdə iki bina restavrasiya edilir
İki uşaq bağçasının direktoru olan qadın məhkəmə zalında həbs edildi
İmişlidə şəhidin nəşi məzardan çıxarıldı – VİDEO
Ruhani nüvə silahı ilə bağlı söz verdi
İraq prezidenti ölkədəki etirazlarda 600 nəfərin öldüyünü bildirib
Azərbaycan Türk fəlsəfəsindən yarpaqlar: ƏLI BƏY HÜSEYNZADƏ (TURANİ) - II YAZI
Mehdi Mehdiyev Qobu qəsəbəsində seçicilərlə izdihamlı görüş keçirdi - FOTOLAR
Azərbaycan və Monqolustan prezidentlərinin görüşü olub
Qaradağda məskunlaşmış laçınlılardan Mahir Abbaszadəyə dəstək - FOTOLAR
Azərbaycanda soyad sonluğunu dəyişdirənlərin sayı AÇIQLANDI
Azərbaycan icması erməni təxribatı ilə bağlı Moskva hökumətinə müraciət edib