Qarabag Media
Haqqımızda Əlaqə

MEK Coğrafiya İnstitutu ilə birgə vikipediyada “Coğrafiya ayı”nın yekun nəticələrinə həsr olunmuş tədbir keçirib


Tarix:16-11-2017, 23:33 Kateqoriya:Manşet / Təhsil

MEK Coğrafiya İnstitutu ilə birgə vikipediyada “Coğrafiya ayı”nın yekun nəticələrinə həsr olunmuş tədbir keçirib

AMEA Mərkəzi Elmi Kitabxanası (MEK) və AMEA Coğrafiya İnstitutu “Coğrafiya ayı”nın yekun nəticələri ilə bağlı “Vikipediyada mövzulu ay və mükafatlandırma” adlı birgə tədbir keçirib.

Karabakhmedia.az xəbər verir ki, MEK-in direktoru Leyla İmanova Coğrafiya İnstitutu ilə əməkdaşlığın nəticəsinin səmərəli olduğunu vurğulayaraq, vikipediya qrupunun fəaliyyətini yüksək qiymətləndirib. O, vikipediyada Azərbaycan dilində məqalələrin kəmiyyət və keyfiyyət baxımından artmasını, ölkəmizin 57-ci pillədən 52-ə yüksəlməsini, kitabxanada AMEA- nın Coğrafiya İnstitutundan olan 17 nəfərə vikipediya təlimlərinin keçirilməsini görülən işlərin müsbət nəticəsi hesab edib. Leyla İmanova deyib: “Mərkəzi Elmi Kitabxananın vəzifələrindən biri informasiyanı idarəolunan, əlaqələndirilə bilən strateji resursa çevirməkdir. Bu səbəbdən 2015-ci ilin əvvəlində MEK sərbəst elektron resurslardan birincisi hesab olunan vikipediyanı öz maraq dairəsinə daxil etdi, bu istiqamətdə bir sıra fəaliyyətlər həyata keçirdi. Bu fəaliyyətlərin ictimaiyyətə bəlli olan hissəsi sistemli halda təlimlərin təşkil edilməsidir. MEK-də vikipediyada çalışmaq qaydaları ilə bağlı ölkə modeli hazırlandı və kitabxanada onun pilot layihəsi tətbiq edilməyə başlandı. Güman edirəm ki, bütün bunlarla biz viki icmanın daha mütəşəkkil şəkildə çalışmasına nail olduq”. Leyla İmanova tədbir iştirakçılarını paraleldə Googla alternativ axtarış sistemləri və vikipediyaya alternativ ensiklopedik resurslarla işə səfərbər olunmağa, Azərbaycan elmini bu resurslarda da təmsil etməyə çağırdı.
AMEA Coğrafiya İnstitutunun direktoru, akademik Ramiz Məmmədov vikipediyanı elektron ensiklopedik bilik bazası olmaqla yanaşı, həm də bir təbliğat mənbəyi adlandırıb. Bu yöndə ana dilimizdə məzmunlu, orijinal faktlara əsaslanan məqalə sayının çoxalması üçün bütün institutun səfərbər olduğunu bildirib.

MEK-in Sərbəst elektron resurslarla iş şöbəsinin müdiri Elnur Hüseynov vikipediya təlimlərinin əhəmiyyətindən və bununla bağlı görülən işlərdən danışıb. Qiymətləndirmə komissiyasının üzvü, aktiv istifadəçi Fəqan Orucov vikipediyada yerləşdirilən məqalələrin müqayisəli təhlilini verib və bu sahədə mövcud olan nöqsanları diqqətə çatdırıb. AMEA-nın Coğrafiya İnstitutunun vikipediya qrupunun rəhbəri Aida Aslanova “Coğrafiya ayı”nda görülən işlər barədə hesabat verib. Qeyd edib ki, "Coğrafiya ayı" çərçivəsində 2666 məqalə yazılıb, 251 kateqoriya və 272 şəkil yüklənib. MEK-in Təlimlər bölməsinin rəhbəri Günay Məmmədova ay ərzində vikipediyada işlənən mövzuların statistikasını açıqlayıb. Qeyd olunub ki, 2014-cü ildən “Azərbaycan Vikimedia Könüllüləri” İctimai Birliyinin təşkilatçılığı ilə vikipediya istifadəçilərinin müxtəlif mövzularla bağlı məqalələr üzərində birgə iş layihəsi olan mövzulu ay təşkil edilir. 2017-ci ildən Mərkəzi Elmi Kitabxana mövzulu aylar üzrə 5 tədbirdə daha fəal iştirak edib. Mövzulu aylar çərçivəsində Azərbaycan dilli vikipediyada 1782 məqalə və 10 kateqoriya yaradılıb, 658 məqalə isə redaktə olunub.

Tədbirdə AMEA Coğrafiya, Tarix institutlarının, həmçinin Tarix Müzeyinin əməkdaşlarına “Mövzulu ay” ərzində səmərəli çalışdıqlarına görə sertifikat və kitablar hədiyyə olunub. I yerə Qiymətləndirmə Komissiyasının üzvü, aktiv istifadəçi Fəqan Orucov, II yerə Rəşid Nurməmmədov, III yerə Coğrafiya İnstitutunun əməkdaşı Aida Aslanova, IV yerə Həlimə Əhmədzadə layiq görülüblər. Dörd mövzulu ayın mükafatına isə AMEA Tarix İnstitutunun əməkdaşı Elnur Nəciyev layiq görülüb. Mövzulu ayın qaliblərinə MEK rəhbərliyi tərəfindən “Təşəkkürnamə” və kitabxananın oxucu kartı da verilib.

Sonda Kanadada keçirilən “Vikimaniya 2017” adlı beynəlxalq tədbirdə Azərbaycanı təmsil edən MEK-in Sərbəst elektron resurslar şöbəsinin Koordinasiya bölməsinin rəhbəri Nihat Vəlizadə tədbir haqqında və ümumlikdə vikipediya haqqında fikirlərini bölüşüb.

Karabakhmedia.az










SON XƏBƏRLƏR
Polkovnik Mehdi Mehdiyev seçki təşviqatına başladı - "VƏTƏNƏ XİDMƏT, XALQA SƏDAQƏT!
Mahir Abbaszadə Laçınlı seçicilərlə görüşlərə Sumqayıtdan start verdi - FOTOLAR
BQXK nümayəndələri Dilqəm Əsgərov və Şahbaz Quliyevə baş çəkib
Abşeron Gənclər Şəhərciyində yanğın başlayıb
Bu gün Milli Qəhrəman Mətləb Quliyevin doğum günüdür - VİDEO
MSK ödənişli təşviqat aparacaq KİV-lərin siyahısını AÇIQLADI
HAVA XƏBƏRDARLIĞI: 5 dərəcə şaxta olacaq, yollar buz bağlayacaq
Almaniya Bundestaqının deputatı: "Qarabağ Azərbaycana aiddir"
Kürdlər 34 İŞİD üzvünü sərbəst buraxıblar
Putin və Ərdoğan İstanbulda danışıqlara başlayıb
Qudasını qaçıran Rizvanın arvadı: "Ərimə yalvardım ki, balamın üstündən oyun oynama"
İlham Əliyev iranlı və ukraynalı həmkarlarına başsağlığı verdi
Xamneyi: “Axşamkı hücumla amerikalılara yalnız şillə vurduq, intiqam qarşıdadır”
ABŞ Ağ Evin təhlükəsizliyini gücləndirib
Nərminin başına açılan dəhşət - Başını əzib, dırnaqlarını kəsiblər
Şəhid hərbçimiz torpağa tapşırıldı – FOTO
Ruhani: “Regiondan amerikalıların ayaqları kəsiləcək”
Sabaha olan hava proqnozu açıqlanıb
Çavuşoğlu İraqa danışıqlara gedir
“Bu adamlara izah olunmalıdır ki, siz belə avtomobillərlə yola çıxarkən böyük təhlükə doğurursunuz...”
Pensiya almaq istəyənlərə şad xəbər: Yaş həddində dəyişiklik
Azərbaycanda keçiriləcək parlament seçkiləri AŞPA Bürosunun iclasında müzakirə ediləcək
ATƏT DTİHB-nin uzunmüddətli müşahidəçi missiyası Azərbaycana gəlib
“Hamıdan kömək istəyirəm, ürəyim doludur” - Şəhid pilotun anasından gəlininə ittiham
Süleymaninin dəfn mərasimində 35 nəfər ölüb, 48 nəfər xəsarət alıb
Tovuzda qızın vəhşicəsinə öldürülməsi: Hədəf qohumları göstərilir
"Bizim yaşamağa da vaxtımız olmadı" — "Arzular bağı" yenidən səhnədə
Akademik Bahadır Tağıyev vəfat edib
Almaniyada azərbaycanlının şikayəti əsasında erməni avtobusdan düşürülüb
Paşinyan növbəti dəfə pərt oldu və Azərbaycanla bağlı səhvini etiraf etdi...