Qarabag Media
Haqqımızda Əlaqə

Moskvada Kərim Kərimovun 100 illik yubileyi qeyd olundu


Tarix:15-11-2017, 11:04 Kateqoriya:Manşet / Şəxsiyyətlər

Moskvada Kərim Kərimovun 100 illik yubileyi qeyd olundu

Moskvada məşhur sovet alim-mühəndisi, sovet kosmonavtikasının banilərindən biri olmuş general-leytenant Kərim Kərimovun 100 illik yubileyinə həsr olunmuş tədbir keçirilib.

APA-nın Moskva müxbirinin verdiyi məlumata görə, Ümumrusiya Azərbaycan Konqresinin təşkilatçılığı ilə paytaxtın Kərim Kərimov adına olan 1583 saylı gimnaziya kompleksində keçirilən yubiley tədbirində Azərbaycanın Rusiyadakı səfiri Polad Bülbüloğlu, ÜAK prezidenti professor Fazil Qurbanov, Kərim Kərimovun ailə üzvləri, rusiyalı kosmonavtlar, Azərbaycan diasporunun üzvləri və səfirlik nümayəndələri iştirak ediblər.

Tədbiri giriş sözü ilə Kərim Kərimov adına 1583 saylı gimnaziyanın direktoru Svetlana Dvoryantseva bu təhsil ocağının dahi Kərim Kərimovun adını daşıdığına görə kollektivin fəxr etdiyini bildirib. Kərim Kərimovun Azərbaycanın və Rusiyanın dahi oğlu olduğunu söyləyən S. Dvoryantseva onun həyat yolunun şagirdlərə örnək olduğunu vurğulayıb. Gimnaziya direktoru Kərim Kərimovun yubiley tədbirinin təşkilinə görə Ümumrusiya Azərbaycan Konqresinə təşəkkürünü də bildirib.

Azərbaycanın Rusiyadakı səfiri Polad Bülbüloğlu çıxışında Sovetlər İttifaqı kimi nəhəng bir ölkədə bu mövqeyə yüksəlməyin hər adama nəsib olmadığını, hər adamın bunu bacarmadığını söyləyib: "Kərim Kərimovun tutduğu mövqe çox yüksək mövqe idi. Böyük istedada malik Kərim Kərimov öz savadı və bacarığı hesabına bu mövqeyə qalxmışdı. Kosmonavtika Sovetlər İttifaqı üçün çox önəmli və prioritet sahə idi. Ona görə də, kosmosa ilk insan məhz Sovetlər İttifaqından uçmuşdu. Azərbaycanlılar Sovetlər İttifaqında kosmosa uçuş Dövlət komissiyasının sədrinin həmyerliləri olduğunu bilmirdilər. Biz bunu bilmirdik. Kərim Kərimovun şəxsiyyəti gizli saxlanılırdı. Ancaq Sovetlər İttifaqının dağılmasından sonra biz həmyerlimizin varlığından xəbər tuta bilmişik. Bu dahi insanın bütün həyatını Sovetlər İttifaqı kosmonavtikasına həsr etdiyini və bu sahəyə böyük töhvələr verdiyini bilmişik. Mənə onunla şəxsən tanış olmaq nəsib olub. Kərim Kərimov çox ciddi, təvazökar insan olub. Ona baxanda heç deməzdin ki, o, bu boyda mükafatların, rütbənin sahibidir.

Mənim Rusiyada səfir olduğum müddətdə isə bizim diasporun köməyi ilə Moskvada 157 saylı məktəbə bu dahi insanın adı verildi. Biz bu hadisəni çox böyük şadyanalıqla qeyd etdik. Moskvada təhsil sahəsində baş verən islahatlarla əlaqədar Kərim Kərimov adına məktəbin sahəsi daha da böyüyüb. O, artıq bir neçə təhsil kompleksini özündə birləşdirir. Bu çox sevindirici haldır. Bu təhsil ocağında təhsil alanlar Kərim Kərimovun kim olduğunu biləcəklər. Bu insandan nümunə götürmək olar, onunla fəxr etmək olar".

Səfir Azərbaycan prezidenti İlham Əliyevin Kərim Kərimovun 100 illik yubileyinin dövlət səviyyəsində keçirilməsi haqqında sərəncam imzaladığını da nəzərə çatdırıb: "Bu günlərdə yubiley tədbiri Bakıda da keçiriləcək.

ÜAK prezidenti professor Fazil Qurbanov isə çıxışında Kərim Kərimovun adını daşıyan gimnaziyada onun 100 illik yubileyinin keçirilməsinin əlamətdar hadisə olduğunu söyləyib: "Rusiya və Azərbaycan xalqlarını çoxəsrlik tarixi bağlar birləşdirir. Bu iki xalq dünya elminə bir çox alimlər, ictimai xadimlər bəxş edib. Mirzə Kazımbəy, Topçubaşov qardaşları, Əliağa Şıxlinski, Kərim Kərimov, Heydər Əliyev, Tahir Salahov və digərlərinin adlarını çəkmək kifayət edir. Bu gün Rusiyada yaşayan Azərbaycan diasporu belə oğulları ilə hər zaman fəxr edir".

General-leytenant Kərim Kərimovla eyni adı daşıyan nəvəsi Kərim Kərimov yubiley tədbirinin keçirilməsinə görə ailəsi adından Ümumrusiya Azərbaycan Konqresinə və Azərbaycanın Rusiyadakı səfirliyinə təşəkkürünü bildirib. Kərim Kərimovla bağlı xatirələrini bölüşən nəvəsi onun bütün həyatını işinə həsr etdiyini söyləyib: "Mən və qardaşım babamla bir evdə yaşamağımıza baxmayaraq onu gec-gec görürdük. O, çox vaxt ezamiyyətlərdə olurdu. Biz onun kosmonavtika ilə məşğul olduğunu bilirdik. Lakin onun nə vəzifə tutduğunu və işinin detallarını bilmirdik. Evimizdə kosmonavtlar qonaq olurdular. Onların danışdıqlarını böyük maraqla dinləyirdik. Bu tarix heç zaman bizim yaddaşımızdan silinməyəcək".

Tədbirdə çıxış edən məşhur kosmonavt-konstruktor Sergey Korolyovun qızı Natalya Korolyova Kərim Kərimovla bağlı xatirələrini bölüşüb. O, Kərim Kərimovun da atası kimi şəxsiyyətinin gizli saxlanıldığını vurğulayıb: "Bizim ailəvi dostluğumuz vardı. Atam öləndən sonra Kərim Kərimov hər il 12 yanvar tarixini bizdə qeyd edirdi. Çünki həmin gün əfsanəvi Sergey Korolyovun doğum günü idi. Kərim Kərimov ölənə kimi bu tarixi bizdə qeyd etdi".

Yubiley tədbiri konsert proqramı ilə davam etdirilib. Gimnaziyanın musiqi kollektivi və "Odlar yurdu" rəqs ansamblının ifasında musiqi və rəqs nömrələri nümayiş olunub.
Moskvada Kərim Kərimovun 100 illik yubileyi qeyd olundu

Moskvada Kərim Kərimovun 100 illik yubileyi qeyd olundu

Karabakhmedia.az










SON XƏBƏRLƏR
Müdafiə Nazirliyinin rəhbər heyətinin toplanışı keçirilib
Faiq Ələkbərli İstanbulda Uluslararası simpoziuma qatılıb - FOTOLAR
“Polislər bizi şərlədi, onlara cinayət işi açıldı” – Həmyerlilərimizin başına iş gəldi
Ermənilər tərəfindən bir gündə vurulan Azərbaycan və Yuqoslaviya təyyarələri
Makedoniyalı siyasətçi: ”Şəhid Mübariz İbrahimov Balkan türklərinin qəhrəman oğludur”
94 YAŞLI FENOMEN — Bu gün Şirməmməd Hüseynovun doğum günüdür
Qarabağ bəylərbəyliyi: ETİMOLOGİYASI, ƏRAZİSİ VƏ SƏRHƏDLƏRİ
Qənirə Paşayeva himn müzakirələrinə etiraz etdi
Oqtay Əsədov jurnalistlərə çağırış edib
Ərdoğan Suriya ilə bağlı sensasion bəyanat verdi
Prezident şəhid vərəsələrinə verilən 11 mindən danışdı
Qarabağda erməni əsgər minaya düşdü
Rusiya Ermənistanda zirehli texnikaların dağlıq relyefdə təlimlərini keçirdi
Angela Merkel Avropa Birliyi ölkələrindən səfirlikləri Qüdsə köçürməməyi xahiş edib
"Sultan Inşaat MMC "- endirimli qiymət paketləri təkilif edir
Prezident Mingəçevirə yeni icra başçısı təyin etdi
Gürcüstan müxalifəti növbədənkənar parlament seçkiləri tələbi ilə fasiləsiz aksiyalara başlayır
Nazirlikdən xəbərdarlıq: Yollar buz bağlayacaq
Şəhid qızından millət vəkilinə MÖHTƏŞƏM CAVAB: "İçində atamın nəfəsi var" - FOTO
Türkiyədə böyük əməliyyat: 4328 nəfər tutuldu
Qaxda yol qəzası olub, xəsarət alan var - FOTO
ABŞ kilsə zəngini 100 ildən sonra Filippinə qaytardı
Sabahın HAVASI: Yağış və qar yağacaq
Maksim Şevçenko: "Ermənistan Laçın, Cəbrayıl, Fizuli və başqa rayonları Yeltsin rejiminin dəstəyi ilə işğal edib"
Ehtiyatlı olmaq lazımdı
Dərdin çiçəkləmə dövrü - Rüstəm Kamal yazır
Dərdin çiçəkləmə dövrü - Rüstəm Kamal yazır
Avstraliya Qüdsü rəsmən İsrailin paytaxtı kimi tanıdı
"Nərmin Şahmarzadəni cinayət məsuliyyətinə cəlb etmək lazımdır"- Millət vəkili
Ramiz Rövşənin doğum günüdür - "Bağışla, bağışla, məni bağışla"