Qarabag Media
Haqqımızda Əlaqə

İNSANLIQ MİSSİYASI


Tarix:31-10-2017, 14:04 Baxış Sayı:256 Kateqoriya:Manşet / Yazarlar

İNSANLIQ MİSSİYASI “Ölümdən qorxmayın, diri ikən daxilinizdəki “insanlığın” ölməsindən qorxun!

Mən Səni tanıdım…
Amma tanıdığım o anı unutmaq və yaddaşımdan silmək istəyirəm.
Çünki sən mənə əzab verdin. İnsanlığın yaşaya bilməyəcəyi əzabı.

Özünü mənə ömürlük düşmən etdin. Əzablar içində qıvrılıram. Qıvrıldıqca canımdan can ayrılır. Həyata gəldiyimə nifrət edirəm. Axı insan bu qədərmi insana yamanlıq edər. İnsanın bu dünyada missiyası yamanlıqmı? İnsanlıq başqalarının üzünə dost görünüb, arxasından quyusunu qazmaqmı? Yoxsa insanların əldə etdiyi zəfəri qısqanıb onun daha çox müvəffəqiyyətə nail olmasını müxtəlif yollarla əngəlləməkmi? İnsanlıq hüzurun olduğu yerdə hüzursuzluq yaratmaqmı? Əlində heç bir sübut və səbəb olmadan başqasının üzərinə böhtan atmaqmı? İnsanlıq “düşənə bir də mən vurum” deməkmi? Yoxsa əlini uzatıb ona köməklik etməkmi?

İnsanlığımızı itirdiyimiz yerdə dostlarımızı, yaxınlarımızı, ya da bir sözlə həyatımızı itirmiş oluruq. Nə qədər bu həqiqətə razı olmasaq da, ətrafımızdakı insanlara zərər verdiyimizdə bütün dostlarımızı bir-bir itirdiyimizi görməməzlikdən gəlməyə çalışırıq. Bütün bu olanlar sadəcə qazanmaq hirsindən irəli gəlir. İnsanlara köməklik edərək onlara hüzur dolu bir həyat yaşamağa kömək etməklə ətrafımızdakı dostluq və yaxınlıq halqasını daha da genişləndirmək əvəzinə, bu yaxınlığı aradan götürüb hər şeyin tərsini eləmiş oluruq. Bəlkə də bununla özümüzə deyil, ətrafımızdakılara zərər vermiş oluruq. İndi isə dönün keçmişə baxın və düşünün… Nə vaxtsa etmiş olduğunuz “pislikləri” düzəltməyə çalışın. İnsanlığımızı, dostlarımızı və ən əsası da kənardan baxanların gözündə yüksəlişimizi bir anda itirməyək. İnsan olmaq o qədər asan iş deyil. İnsanlıq tamam başqa bir hissdir. Aramıza “insan” adı altında girən, əslində tək istədiyi sadəcə bizim qazandığımız qüruru tək bir hərəkətlə silib atmaq olan bu “məxluqları” dostlarımızdan və yaxınlarımızdan uzaq tutaq.

İnsanlıq səni digər varlıqlardan fərqləndirən dəyərdir. Hər bir varlıq digər varlıqlardan mahiyyətcə tam fərqlidir. Deməli, sən digərlərindən fərqlisən və səni fərqləndirən yeganə dəyər insanlığındır, yəni sənin düşüncə və təfəkküründür. Ona görə dəyər ki, belə bir şey səndən başqasına verilməmişdir, çünki başqa birinə verilsəydi, o da insan olardı. Bu dünya sizin üçün bir imtahandır. Kimi malı ilə, kimi canı ilə, kimi də övladı ilə imtahan olunar. Heç vaxt açılan əlləri boş qaytarmayın.

Mirzə Əlkbər Sabirin bu misralarını xatırlamamaq mümkün deyil:

“Niyə biz insanlara insanlığına görə deyil, varına, dövlətinə, vəzifəsinə görə qiymət veririk? Axı insanlıq pulnan ölçülmür, axı insanlıq vəzifə ilə də ölçülmür. İnsanlıq elə insanlıqnan ölçülür, insanlıq səmimiyyətlə ölçülür. İstər vəzifədə ol, istər fəhlə ol, istər dövlətli ol, istərsə də kasıb ol, əsas odur ki, İNSAN ol və insan olduğunu heç vaxt unutma”

Ey insan! Sənə ona görə “insan” deyə müraciət edirəm ki, sənin yeganə ayrılmaz, zati dəyərin insanlığındır. Sahib olduğun bütün digər şeylər, istisnasız heç də sənin deyil. Bu mənada ki, həqiqətin zatının nə tərkib hissəsidir, nə də onun ayrılmaz xassəsi. Doğulduğun kimi dünyanı tərk edəcəksən; əliboş gəlib, əliboş da gedəcəksən, bəlkə də yeganə dəyərin olan insanlığını belə, itirəcəksən…

İdeal insanlığı qazanmaq lazımdır, bunun üçün isə düşünmək, bilik qazanmaq gərəkir. Unutma ki, sən ilk növbədə insansan və bu insanlıq sabit və qalıcı deyildir.

Həyatda bəzi həqiqətlər sənin barəsində məlumatın olub-olmamağından asılı olmayaraq, qaçılmazdır. Gün gələcək, ömrünün son anlarını yaşayacaqsan. Bəlkə də həmin anlarda həyatın bir film kimi sürətlə gözünün önündən gəlib keçəcək. O zaman nə qazandığın və ya nə itirdiyin tam aydın olacaq. Yəqin ki, isnanlığını itirdiyindən dolayı çox peşiman olacaqsan. Yaxud, “niyə daha yaxşı insan olmadım”, deyə təəssüflənəcəksən.

Bəşər tarixinin ən müdrik filosoflarından olan çinli Konfutsi insanlıq və insan haqları haqqında dərin mənalı fikirlər söyləyib: İnsanilikdən məhrum insan səadətə də dözə bilməyəcək – quduracaq. Səadətini öz başına uçuracaq.

Bu gün insan kimi mənəvi aşınmamızın ən həssas nöqtələrindən biri də ağsaqqal, ağbirçəklərlə, valideynlərlə rəftarın, davranışın zəif olmasıdır, daha doğrusu, onlara qarşı laqeydliyimiz, biganəliyimizdir. Bəlkə elə bunun nəticəsidir ki, bu gün qocalar evi dolub-daşır, hələ bəlkə neçə-neçə bu cür evlər tikilsə yenə tələbatı ödəməyəcək, yəni ora müraciət edənlərin sayı qat-qat çox olacaq. Bax bu fakt insan olaraq mənəvi aşınmamızın ən aydın göstəricilərindəndir. Əgər bir övlad öz valideynini küçəyə atırsa, onun haqqında yaxşı nəsə söyləmək çətindir. Valideyni evdən qovmağa, istədiyimiz kimi rəftar etməyə heç birimizin haqqı yoxdur.

Xalq şairimiz Bəxtiyar Vahabzadə şerlərinin birində çox gözəl bildirmişdir:

Ulu Tanrı, köməyim ol,
Arzuma adaxla məni.
Məni insan yaratmısan,
İnsan kimi saxla məni.

Yüksək mədəniyyət, mənəviyyat, xeyirxahlıq, alicənablıq hər bir insana məxsusdur. İnsan ağlını inkişaf etdirib sağlam düşünmək qabiliyyətinə yüksələrsə, heç şübhəsiz ki, mənəvi kriteriyalarla yaşayıb həyatdan, təbiətdən və hər ikisinin gözəlliklərindən zövq alacaq. Doğrudan da ayrı-ayrı insanlar sağlam düşüncə nəticəsində mənəviyyatın yüksək və faydalı olduğunu dərk edərək xeyirxahlığı, alicənablığı həyat devizinə, həyat tərzinə çevirirlər. Əlbəttə, imkan daxilində. Heç kim başqasının xilası naminə ozünü oda atmaz və bu heç lazım da deyil. Çünki hamının ailəsi, məsuliyyəti və planları vardır. Lakin mənəviyyatlı, namuslu olmaq, imkan olarsa nəfsini və tamahını saxlamaq, başqalarından tələb etdiyinə özünün də əməl etməsi, addımbaşı çətin situasiyalarda belə, abir-həya gözləmək, varınsa, səxavət göstərmək, əlindən gəlirsə, xeyirxahlıq etmək – minlərlə insanın içindən seçilmək deməkdir.

“Mükəmməl insan ” və ya “kamil insan” məfhumu nəzərə alaraq digər insanlar üçün meyar və nümunə olmalıyıq. İnsan bütün bu kainatla müqaisədə bir zərrə qədər də görünən bir şey deyil. Amma ruhu və mənəviyyatı ilə o insan, kainatın ən dəyərlisidir.

Allah insanı elə ucaltmış, ona elə dəyər vermişdir ki, ona nə qədər yaxın olduğunu, vasitəsiz hər zaman Özünə yaxınlaşa biləcəyini, hər yerdə, hər an istədiyini bildirmə imkanı vermişdir. Buna görədə biz insanlar hər zaman dəyərimizi, mənəviyyatımızı uca tutmalıyıq.

Müstəqil araşdırmaçı
Rövşən Əvəzoğlu




loading...




SON XƏBƏRLƏR
Mühacir Azərbaycan Türk aydınlarının milli tarixi-fəlsəfi irsi - (III YAZI)
"Hoçaz çayının səsi indi də qulağımdadır" - Ərşad Hüseynov
Bir gecədə məşhurlaşan müğənnidən daha bir maraqlı mahnı: "Qaytar qoyunları..." - VİDEO
Araz Türk Cümhuriyyəti hansı zərurətdən yarandı?
"Beşikdaş"ı qardaş klub seçib, onun izi ilə gedəcəyik" - QURBAN QURBANOV
AzTU-da Milli Qəhrəmanın anım tədbiri keçirilib
“Hərbi xidmətdə olmamışam” – Əli Həsənovun nəvəsinin məhkəməsi
İranlı xanəndə Azərbaycan türklərini təhqir etdi - VİDEO
Xəyal Əhmədov: "Yarışlarda Azərbaycanın bayrağını ucaltdığım üçün qürur duyuram"
MTN GENERALI MƏHKƏMƏDƏ ELDAR MAHMUDOVUN ŞOK CİNAYƏTİNİ AÇIQLADI
Nazir: “Niyə əlillərin deputatlığa namizədliyi irəli sürülmür?”
Qarabağ əlili nazir müavini təyin edilsin! - Deputatdan təklif
Fransa Xarici İşlər Nazirliyi Azərbaycanın etirazına cavab verib
Yağış və qar yağacaq, bəzi yollar buz bağlayacaq -XƏBƏRDARLIQ
Jurnalist Natiq Qədimov dəfn olunub - FOTO
Gələn il orta aylıq əməkhaqqı 4 faizədək artacaq - NAZİR MÜAVİNİ
Prezident NATO-da Qarabağ problemini qaldırdı
Azərbaycan professional musiqisinin banisi Üzeyir Hacıbəylinin anım günüdür
"Qarabağ"ın əziyyətinə heyfim gəldi" - Elmar Məmmədyarov
RUSİYA, İRAN VƏ TÜRKİYƏ LİDERLƏRİ SURİYA İLƏ BAĞLI BƏYANAT QƏBUL ETDİLƏR
"Qırmızı vərəqə çox vaxt hansısa oyunçunu sındıranda verilir" - Qurban Qurbanov
Şenol Günəş “Qarabağ”ın oyununa gəlib
Azərbaycanda neçə min erməni yaşayır? - RƏSMİ RƏQƏM
İşləməyən köçkünlərin pulu niyə kəsilib? - Rəsmi açıqlama
Bəşşar Əsəd Rusiyada 9 maddəlik təkliflər paketini qəbul edib
Ərdoğan: "Qarabağ münaqişəsini yalnız Rusiya həll edə bilər"
İlham Əliyev Brüsseldə NATO-nun baş katibi ilə görüşəcək
Fransalı mer Alfortvile və işğal altında olan Laçın şəhəri arasında qardaşlaşmanı pisləyib
Böyük turançı: İsmayıl Ənvər Paşa — Bu gün onun doğum günüdür
Niderlandda Qarabağa səfərlər təşkil edən Booking.com saytına qarşı kampaniya başlayır