Qarabag Media
Haqqımızda Əlaqə

"Azarkeşlərin sayından asılı olmayaraq, biz Azərbaycanı təmsil edirik" - Qurban Qurbanov


Tarix:17-10-2017, 16:03 Kateqoriya:Manşet / Müsahibə

 "Azarkeşlərin sayından asılı olmayaraq, biz Azərbaycanı təmsil edirik" - Qurban Qurbanov"Qarabağ"ın baş məşqçisi Qurban Qurbanov Çempionlar Liqasının qrup mərhələsinin üçüncü turunda "Atletiko" ilə oyun öncəsi mətbuat konfransı keçirib.

Karabakhmedia.az-ın məlumatına görə, o, əvvəlcə rəqib barədə fikirlərini bildirib.

- Rəqib haqda çox danışmağa ehtiyac yoxdur. Hamımız yaxşı tanıyırq. Son 4 ildə 2 dəfə ÇL-də final oynayıb. İspaniya çempionu olub. Son illər daha yaxşı çıxış edir. Özlərinə uyğun oyun tərzləri var. Rəqiblərə çətinlik yaradırlar. "Atletiko"nu analiz etmişik".

- "Atletiko"da hansı zəif cəhətlərini tapa bilmisiniz?

- Rəqibin çox güclü baş məşqçisi var. Ustalıq səviyyəsi yüksək olan oyunçulara malikdirlər. Onların səhv etməsi az olur. Həddindən artıq oyun intizamı yüksəkdir. Onların əsas üslubu odur ki, rəqibə öz futbolunu oyamağa imkan verməməkdir. Biz çalışacağıq öz oyunumu oynaq. Buna nə dərəcə nail olacağımızı görəcəyilk. Müdafiədə çox güclüdürlər. Bu baxımdan bir nömrədirlər. Əsas odur ki, top bizdə olsun. Çətin olacaq.

- Azərbaycan kimi ölkə üçün "Qarabağ"ın hədəfi hara qədərdir?

- Hədəfimiz yaxşı mübarizə aparmaqdır. Bu komandaya qarşı ilk növbədə, mübarizə aparmalıyıq. Öz azarkeşlərimiz qarşısında oynayırıq. Xal qazanmağa çalışacağıq. Əlbəttə, müqayisə aparsaq, rəqib bizdən üstündür. Lakin biz də hər matçda yaxşı nəticə əldə etmək inamı ilə çıxırıq.

- "İnter"lə görüşdə 2 qol vuran Dino Nlovu meydandan zədəli çıxdı. Onun durumu necədir?

- Dünən məşqi yarımçıq qoydu. Ağrılar hiss etdi. Sabah oynayıb-oynamayacağını hələ bilmirik.

- Uzun müddət Tofiq Bəhramov adına Respublika stadionunda oynamısınız. Bu, Olimpiya stadionunda ikinci oyununuz olacaq. Bu, amil komandaya nə dərəcədə təsir edəcək ?

-Artıq bu barədə düşünmürük. İstəmərəm ki, hər dəfə bu söhbətə qayıdam. Tofiq Bəhrəmov adına Respublika stadionunda çıxış etmək bizə rahatdır. Bakı Olimpiya Stadionunda isə "Roma" ilə görüşümüzə 58 min azarkeş gəldi. Yenə dolmasını istəyirik. Buranı öz doğma stadionumuz kimi hiss edirik.

- Dino Ndlovu sabahkı qarşılaşmada iştirak etməsə, onun mövqeyində Mahir Mədətova şans verəcəksiniz, ya Ramil Şeydayevə?

- Açığı, qərar verməmişəm. Sabahadək vaxtımız var. Oyun günü qərar verəcəyəm.

- "Atletiko” kimi titulu komandaya qarşı oynamaq gərginlik yaratmır?

- Avropada 7-8 komanda var ki, onlara qarşı oynamaq maraqlıdır. Bu komandalardan biri də "Atletiko"dur. Məndə gərginlik yoxdu. Əksinə, bu cür komandalarla oynamaqdan zövq alıram.

- "Atletiko” ilə "Real” və "Barselona”nı nə fərqləndirir?

-Futbolda fərqli oyun üslubuna malik 15-20 məşqçi və klub var. Hərəsi bir cür uğur qazanır. Heç kim istəmir ki, "Atletiko"ya qarşı oynasın. Çünki fərqli tərzləri var, rəqiblərə çətinlik yaradırlar.

- "Roma" ilə oyunda stadion tam dolsa da, azarkeşlər problem yaşadı. İndi isə maraq azdır. Azarkeşlərə hansıçağırışı edə bilərsiniz?

- Asan heç nə yoxdur. Həmişə çətinlik olan yerdə uğur daha çox olur. Bu yerə gəlib çıxana qədər nələrdən keçmişik. Birdən-birə 60 min adama nəzarət etmək də asan iş deyil. Özü də "Roma” ilə oyun günü yağışlı hava hökm sürürdü. Mən çətinliklərdən sonra nəsə əldə edəndə zövq almışam. Klubun baş məşqçisi olaraq, heç bir azarkeşdən narazı deyiləm. Hər şeyi, o cümlədən ölkəmizdəki durumu nəzərə almalıyıq. Azarkeşlərin sayından asılı olmayaraq, biz Azərbaycanı təmsil edirik. Dünyanın hər yerində azərbycanlılar bu görüşü izləyəcəklər. Hamı bilməlidir ki, futbolçular daha çox azarkeş önündə oynayanda daha məsuliyyətli olurlar.

- "Qarabağ”ın heyətində "Roma” və ya "Atletiko”da çıxış edəcək səviyyədə futbolçu varmı?

- Gəlin, özümüzü aldatmayaq. Hazırda elə bir oyunçumuz yoxdur. Bu, təkcə futbolçularla bağlı deyil. Belə böyük klublar daha böyük çempionatlardan futbolçu axtarırlar. Bu gün bizim çempionatımız o səviyyədə deyil ki, onunla maraqlanıb, burdan futbolçu seçsinlər. "Atletiko” və "Roma” kimi komandalara qarşı illərlə oynasaq, mövsüm ərzində 50-60 belə oyun keçirsək, onda futbolçularımıza maraq daha çox olar. Bizdə futbol mentaliteti hələ o səviyyədə çatmayıb ki, ayrı-ayrılıqda hər oyunçumuz Avropada çıxış etmək istəsin. Kənara çıxan 1-2 futbolçumuz öz oyunu ilə diqqəti cəlb etməli, digər futbolçularımızın da yolunu açmalıdır.

Karabakhmedia.az










SON XƏBƏRLƏR
Davos Forumunda iştirak Azərbaycana nə verir? — Elmir Muradın şərhi
Ölkəyə külli miqdarda narkotik və silah gətirən iranlılar tutuldular
ABŞ İrana qarşı sanksiyalarını genişləndirib
Seçkiləri izləyəcək yerli və xarici müşahidəçilərin SAYI
Diaqnostik qiyməntləndirmə ilə sertifikatlaşdırma arasındakı fərq nədir?
Səfir: “Britaniya hər zaman Azərbaycanın ərazi bütövlüyünü dəstəkləyib”
26 il sonra nəşi məzardan çıxarılan şəhidin xanımı: “Bir axşam evdə tək idim...”
Mahir Abbaszadə Yeni Günəşli qəsəbəsində laçınlılarla görüşdü - FOTOLAR
Prezident İlham Əliyev Vaqif Şadlinskini təltif edib
Hacı Salayev namizədliyini geri götürdü: "İki dəfə deputat olmuşam, bəsdir"
Məzahir Pənahovdan namizədlərə ÇAĞIRIŞ - “Seçki Məcəlləsinin tələblərinə əməl edin”
Həkimlərə şad xəbər: MAAŞLARI ARTIRILIR
Suriyada döyüşən azərbaycanlılarla bağlı qərar elan edilib
Naməlum şəhidin nəşi şəhidlər xiyabanında dəfn olundu - FOTOLAR
Dolmabaxça sarayında tarixi tapıntı – Osmanlının ilk təyyarələri haqda faktlar ortaya çıxdı - FOTO
Dəhşətli virusun Azərbaycana keçməsi istisna edilmir - AÇIQLAMA
Azərbaycanda qəndə ağardıcı maddə qatan şəxs həbs edildi
Yazıçı Pərvanə Bayramqızının yeni kitabı çap olundu
“Şuşa qalasının Azərbaycana məxsusluğu bütün dünyaya məlumdur” - Musa Qasımlı
İçərişəhərdə iki bina restavrasiya edilir
İki uşaq bağçasının direktoru olan qadın məhkəmə zalında həbs edildi
İmişlidə şəhidin nəşi məzardan çıxarıldı – VİDEO
Ruhani nüvə silahı ilə bağlı söz verdi
İraq prezidenti ölkədəki etirazlarda 600 nəfərin öldüyünü bildirib
Azərbaycan Türk fəlsəfəsindən yarpaqlar: ƏLI BƏY HÜSEYNZADƏ (TURANİ) - II YAZI
Mehdi Mehdiyev Qobu qəsəbəsində seçicilərlə izdihamlı görüş keçirdi - FOTOLAR
Azərbaycan və Monqolustan prezidentlərinin görüşü olub
Qaradağda məskunlaşmış laçınlılardan Mahir Abbaszadəyə dəstək - FOTOLAR
Azərbaycanda soyad sonluğunu dəyişdirənlərin sayı AÇIQLANDI
Azərbaycan icması erməni təxribatı ilə bağlı Moskva hökumətinə müraciət edib