Qarabag Media
Haqqımızda Əlaqə

"Almaniya futbolçuları ilə bizim heyəti müqayisə etmək yersiz olar" - Mahmud Qurbanov


Tarix:7-10-2017, 17:13 Kateqoriya:Manşet / Müsahibə

"Almaniya futbolçuları ilə bizim heyəti müqayisə etmək yersiz olar" -  Mahmud Qurbanov

Azərbaycan millisinin məşqçisi Mahmud Qurbanov apasport.az saytına müsahibə verib.
Karabakhmedia.az həmin musahibəni təqdim edir:

- Yığmamız DÇ-2018-in seçmə mərhələsində evdə Çexiyaya məğlub oldu (1:2). Komandada nə çatmadı?

- Ümumiyyətlə, yığmaların oyununda ola bilər ki, 90 dəqiqə ərzində bir şans əldə edə bildin. Gərək ondan da istifadə edəsən. Mən deməzdim ki, biz lap yaxşı oynadıq. Amma əlimizdən gələni etdik. Rəqib güclü idi. Etiraf edək ki, Çexiya millisi bizə oynamaq imkanı vermədi. Həmçinin qol vəziyyətləri də onlarda çox idi. Hesab 1:2 olarkən Ramil Şeydayevə bərabərlik qolu üçün yaxşı imkan düşsə də, istifadə edə bilmədi. İstəyirdik ki, seçmə mərhələnin evdəki son görüşündə ən azı məğlub olmayaq. Amma olmadı. Buna çox üzüldük.

- Bəzi futbolçular klublarında müntəzəm oynamasalar da, Çexiya ilə görüşdə meydana çıxdılar ki, bu da birmənalı qarşılanmadı...

- Bizdə geniş seçim imkanı yoxdu. Ola bilər ki, bir mövqe üçün 3-4 namizəd var və onlardan 2-si çağırılır. Robert Prosineçki artıq 3 ildi ki, yığmadadı. Həmin futbolçular əvvəllər klublarında da çıxış edirdilər və yığmaya çağırılırdılar. Onlar yığmanın oyun üslubunu yaxşı başa düşürlər. Baş məşqçi də həmin futbolçulara etibar etdi. Heç bir baş məşqçi yaxşı oyunçunu kənarda saxlamaz. Çünki o da nəticə qazanmaq istəyir. Bizdə fərdi şəkildə seçilən bir futbolçu yoxdu. Həmişə komanda şəklində mübarizə aparmışıq. Avropa arenasında da yalnız bu yolla uğur qazana bilərik.

- Almaniya ilə sabahkı görüşə hazırsınızmı?

- Almanlarla bir neçə dəfə üz-üzə gəlmişik. Onların gücündən danışmağa ehtiyac yoxdu. Dünyanın ən güclü komandalarından biridi. Qrupda keçirdikləri 9 matçın hamısında qələbə qazanıblar. Almanlar üçün evdə və ya səfərdə oynamağın fərqi yoxdu. Rəqibin Şimali İrlandiya ilə son görüşünü izlədik. Çox rahatlıqla qalib gəldilər. Çalışacağıq bacardığımız qədər mübarizə aparaq.

- Möcüzə ola bilərmi?

- Məncə, möcüzə gözləməyə dəyməz. Onların futbolçuları ilə bizim heyəti müqayisə etmək yersiz olar.

- AÇ-2020 ilə bağlı hədəf bəllidi. Rəşad Sadıqovun gedişindən sonra komandanı meydanda kim toparlayacaq?

- Bizdə başqa təcrübəli futbolçular da var. Düşünürəm ki, kimsə bu vəzifəni öz öhdəsinə götürəcək. Belə qala bilməz. Rahid Əmirquliyev, Riçard Almeyda, Bədavi Hüseynov, Cavid Hüseynov kimi oyunçularımız var. Onlardan hansı oynasa bu işi üzərinə götürməyə qadirdi.

- Robert Prosineçkinin müqavilə müddəti bitmək üzrədi. Kənardan elə təəssürat yaranır ki, "Bursaspor" məsələsi ortaya çıxdıqdan sonra Prosineçki beynində milli ilə vidalaşıb...

- Mən belə şey hiss etmirəm. Əvvəl necə idisə, indi də elədi. İstəyində, çalışqanlığında dəyişiklik yoxdu. Əlbəttə ki, qalmağını istəyərdim. Amma bizdən asılı olan şey deyil. DÇ-2020-yə də az zaman qalıb. Yeni baş məşqçiyə həmişə öz sistemini qurmaq üçün vaxt lazım olur. Azarkeşlərimiz isə gözləmək istəmirlər.

- Bəlkə elə komanda daxilində olan biri təyin olunsun? Məsələn, siz...

- Yox. Prosineçki müqavilə müddətini uzatsa, daha yaxşı olar. Uşaqlar onun meydanda nə istədiyini yaxşı bilirlər. Məncə, dəyişməyə ehtiyac yoxdu.

- Qarşıdakı dünya çempionatı ilə bağlı qoyulan hədəfə çatmaq mümkündümü?

- Mümkünsüz heç nə yoxdu. Qrupumuza düşəcək rəqiblərdən çox şey asılıdı. Bunu kağıza yazmaq asandı. Məşqçilər, futbolçular çox çalışmalıdılar. Bunu sözlə yox, işlə göstərmək lazımdı.

- Rəşad Sadıqova millidən getməsi üçün kənardan çox təzyiqlər oldu. Vaxtilə sizin də başınıza gələn bir hadisədi. Bu amil onun qərarına təsir edibmi?

- Bizdə pasporta baxırlar. Yaşın 30-u keçdisə və hansısa matçı bir az zəif keçirdinsə, müəyyən qrup insan deyir ki, artıq vaxtıdı. Gün keçdikcə bu cür düşünənlərin sayı artır. 35 yaşa gələndə hamı deyir ki, niyə getmir? Düzgün yanaşma deyil. Tələsdirmək olmaz. Futbolçu özü nə qədər gücünün olduğunu bilir. Komandaya xeyir verirsə, yaşının bir fərqi olmamalıdı. Bu cür suallar futbolçunun özünə pis təsir edir. Təbii ki, bu, təzyiq yaradır. Bizdə yaşlı oyunçu zəif çıxış edəndə, siyahıdan silirlər. Amma gənc futbolçu zəif oynayanda, deyirlər ki, yəqin gecəni yaxşı yatmayıb, formada deyil. Sanki hamı harasa tələsir.

Karabakhmedia.az










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”