Qarabag Media
Haqqımızda Əlaqə

"Görəsən, mənə də həsəd aparan olacaqmı?" - Bu gün Səxavət Məmmədovun amım günüdür


Tarix:30-09-2017, 23:24 Kateqoriya:Manşet / Mədəniyyət

"Görəsən, mənə də həsəd aparan olacaqmı?" - Bu gün Səxavət Məmmədovun amım günüdür...Məni hamı xanəndə kimi tanıyır. Əslində... mən oxumuram. Danışıram. Quş dilində. Bu dildə qeybət eləmək olmur. Yalan danışmaq, ara vurmaq, ev yıxmaq olmur. “Bu quş dilidi”... Yaxşı ki, bu dili təkcə Süleyman peyğəmbər bilmir. Ayağımın altında dəniz kimi dalğalanan torpaq bilir, qanadlarımla yelpiklədiyim göy üzü bilir. Deyəsən, özüm də bir az öyrənmişəm. Quş dilini yaxşı öyrənəndən sonra susmaq istəyirəm. Əlbəttə, quş dilində! Quş dilində susmaq sözləri köməyə çağırmadan oxumaqdı. Mən buna can atıram...

...İnsan bir neçə dəfə doğulur. Hərənin də öz missiyası. İşini vaxtında görənlər sınaqdan üzüağ çıxdıqları üçün bir də bu dünyaya ezam olunmurlar. Mən belələrinə həsəd aparıram. Görəsən, mənə də həsəd aparan olacaqmı?..

...Dünya zəhərlənib: yalanla, qarğışla, tüstüylə. Dünya boğulur. Amma qorxusu yoxdu. Dünyanın ayağı yeriməsə, gözü tutulsa, dili batsa da olar.Təki qulağı eşitsin! Onun havasını təmizləməyə, gözünü, ayağını, dilini açmağa bir quş səsi bəsdi...

...Vədə tamam olanda insanın ayağı yerdən üzülür, quşun göydən. Mən ayağımı uçduğum göydən üzə bilərəm, doğulduğum yerdən yox. Mən əlimi Allahdan üzə bilərəm, Qarabağdan yox.

Torpağa düşsəm də,

Bu gənc yaşımda...

Səxavət Məmmədov


Səxavət Məmmədov 1953-cü il oktyabr ayının 23-də Ağdam rayonunun Abdal-Gülablı kəndində anadan olmuşdur. Səxavətin də səsi "Segah"a yatımlı idi, ruhu "Segah"a bağlı idi. Oxuduğu mahnıların əksəriyyəti məhz "Segah" ladındadır. "Ay Bəri Bax", "Uca Dağlar", "Yar Bizə Qonaq Gələcək", "Ay Çiçək", "Sarı Bülbül" "Külək" və s.

1971-ci ildə Asəf Zeynallı adına Musiqi Texnikumununa daxil olan Səxavət ustad xanəndə, xalq artisti Hacıbaba Hüseynovdan muğamın sirlərini öyrənir. 1976-cı ildə “Hümayun” xalq ansmblının solisti olur. 1983-88-ci illərdə Dövlət İncəsənət İnstitutunda təhsil alan Səxavət Məmmədov Azərbaycan muğamını bir çox ölkələrdə təmsil edir. Yaratdığı “Qarabağ” instrumental ansamblı isə xanəndənin şah əsərlərindən biri kimi bu gün də yaşayır.

“Qarabağ” instrumental ansamblı Qarabağ hadisələrinin ilk illərində yarandı. Səxavət “Qarabağ”la təkcə Qarabağı deyil, SSRİ-ni, Avropa ölkələrini gəzib dolanır, muğamımızla yanaşı, Azərbaycan həqiqətlərini də dünyaya çatdırırdı.

Səxavət Məmmədov bənzərsiz səsə malik idi. Xanəndə 1991-ci il sentyabrın 30-da avtomobil qəzasına uğrayaraq dünyasını dəyişdi. Müharibə vəziyyətinə görə Səxavət Məmmədovun qəbri üzərinə qoyulmaq üçün Bakıda sifariş edilən məzar daşı kənddə gedən gərgin döyüşlər səbəbindən ünvanına çatdırıla bilmədi. Daha sonra isə kənd işğal olundu. Səxavət Məmmədovun üzərində şəkli, doğum və ölüm tarixi həkk olunmuş başdaşı Bakıdakı evinin həyətində qaldı


Karabakhmedia.az










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”