Qarabag Media
Haqqımızda Əlaqə

"Qərar verəndə də heç kimə açıqlamıram" - Qurban Qurbanov


Tarix:18-09-2017, 15:44 Kateqoriya:Manşet / Müsahibə

"Qərar verəndə də heç kimə açıqlamıram" - Qurban Qurbanov

"Qalib gəlmək istəyirdik. Futbolçularda psixoloji yorğunluq var idi. Buna baxmayaraq, qələbəyə nail olduq".

Karabakhmedia.az "Report"a istinadən xəbər verir ki, bunu "Qarabağ"ın baş məşqçisi Qurban Qurbanov evdə "Kəpəz"ə 2:0 hesabı ilə qalib gəldikləri Azərbaycan Premyer Liqasının V tur matçından sonra deyib. Daha sonra 45 yaşlı mütəxəssis jurnalistlərin suallarını cavablandırıb:

- İbrahim Şehiçin əvəzedici heyətə göndərilmə xəbəri nə dərəcədə doğrudur?

- İbrahim Şehiç əsas komandadadır. Qərar verəndə də heç kimə açıqlamıram. Əvəzedici heyətə göndərilməyib.

- Çempionlar Liqasında "Çelsi"yə məğlubiyyətdən sonra "Kəpəz", "Sumqayıt" və "Roma" ilə matçlar... Premyer Liqa matçlarından sonra Çempionlar Liqasındakı oyuna hazırlaşmaq çətin olmayacaq?

- Futbolçularımın oyunundan razı qala bilmərəm. Gərək bir neçə oyun keçirsinlər ki, uyğunlaşsınlar. Çempionlar Liqasındakı mübarizə, sürət və aqressiya ilə Premyer Liqa arasında böyük fərq var. Belə oyunlardan sonra futbolçuları kökləmək və "Roma" kimi komandaya qarşı oynamaq çətindir. Rəqiblərimiz hazırda daha çox müdafiəyə oturur və əks-hücumlara üstünlük verirlər. Bu mənada Çempionlar Liqasında oynamaq çətindir.

- Dani Kintana 37 gündən sonra meydana qayıtdı və qol vurdu. Onun oyunundan razı qaldınız?


- Şadam ki, Dani Kintana qol vurdu. Bu, düşünürəm ki, formaya düşməsinə təkan olacaq. Amma fevraldan bəri oynamadığından, formaya düşməsinə vaxt lazımdır. Hələlik tam razı deyiləm. Amma bu gün təcrübəsi hesabına qol vurdu və kollektivə uyğunlaşdığını göstərdi.

- "Azərsun Arena"da çempionat matçını keçirməməyiniz U-19 komandanızın UEFA Gənclər Liqasındakı oyunu ilə əlaqədar idi?

- Daha çox U-19 komandasının oyununa görə belə qərar verdiik. "Azərsun Arena"nın istirahətə vaxtı olmamışdı. Çünki məşqləri də orda edirdik. Amma ola bilər ki, gələcəkdə orda da çempionat oyunlarını orda keçirək.

- Bakı Olimpiya Stadionunun durumu sizə problem yarada bilər?

- Hələ deyə bilmərəm. Futbolçu üçün meydanın durumu vacibdir. Ola bilsin, çətinliklər olsun. Amma oyundan sonra deyə bilərəm.

- Ansi Aqollinin "Sumqayıt"la oyunda meydana çıxacağı gözlənilir?


- "Sumqayıt"la oyuna yox, "Roma" ilə qarşılaşmaya hazır ola bilər. Tez hazır olsa belə, çempionat qarşılaşmasında risk etmək istəməzdik.

- Ağabala Ramazanovun 23-lükdən kənarda qalması nə ilə bağlı idi?

- Ağabala zədəli idi. Ona görə 23-lükdən kənarda qalmışdı. Amma zədəsi ciddi deyil və tezliklə meydana çıxacağına ümid edirik.

- Yakub Jezniçak sol cinahda çıxış edirdi. Bu mövqedə onun oyunundan nə dərəcədə razı qaldınız?

- Jezniçak verilən tapşırığı daha çox təcrübə hesabına yerinə yetirdi. Çətin olsa da, pis təsir bağışlamadı. Oyunun gedişində 3 müdafiəçiyə də keçirdik. Bu zaman o, Rəşad Sadıqov və Bədavi Hüseynovla yanaşı çıxış edirdi.

Karabakhmedia.az










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”