Qarabag Media
Haqqımızda Əlaqə

Akif Əlinin və Lütfü Zadənin başı...


Tarix:9-09-2017, 18:48 Kateqoriya:Manşet / Yazarlar

Akif Əlinin və Lütfü Zadənin başı... Baş həmişə strateji orqandır. Adama fiziki yox mənəvi başına gələcəkləri xatırladır. Sən də seçimi özün eləyirsən. Yəni ya başına gələ biləcəkləri gözə alıb mənəviyyatının da, həyatının da başına daş salırsan, ya da düşəcək daşları fərq edib dayanırsan. Beləcə, təhlükə soyuyub gedir. İstədim əvvəlcə başımızın mahiyyətini söyləyim ki, dəyərini həmişə bilək. Bu günlərdə dəyərli başlardan birini itirdik, Lütfü Zadəni, başımız sağ olsun. Azərbaycan Respublikasının prezidenti səviyyəsində alimin ailəsinə başsağlığı verilib. Onun Azərbaycanda, VƏTƏNində dəfn edilməsi üçün bütün tədbirlər görülməkdədir.

Bu arada baxırsan, xəbər portalları Nazirlər Kabinetinin mətbuat xidməti rəhbərinin olaya münasibətini yaylıb. Xidmət rəhbəri Akif Əli müəllim ölüm xəbərlərinə reaksiyasında deyib ki, “mən o, fındıqbaş kişinin ölümünə münasibət bildirmək istəmirəm” . Düzü, ciddi dövlət qurumlarında çalışan nüfuzlu adamların protokol qaydalarını, prosesləri, kimin sözündən sonra nə danışmalarını bilməmələri, ya da biilə-bilə belə elədiklərinə dair gördüklərim media adamı olaraq məni də narahat edir. Yəni olduğun yerin mahiyyəti və nufuzunu necə başa düşməmək olar?!.. Bəlkə də bu şəxsiyyətə yox, hadisəyə yəni ölümə reaksiyadır Akif Əlinin.

Çünki hər birimiz müəyyən yaş dövründən sonra ölümdən qorxuruq. Əslində nəyinsə yarıda qalacağından, nəyisə eləyə bilməməkdən qorxudur bu. Bir də bu adını ilk dəfə eşitdiyin, sorğu sualının olub-olmadığı və necə baş verdiyi, ağrılı, yoxsa əzablı olması bilinməyən vahiməli prosesdir. O üzdən Akif müəllimin yaşını nəzərə alıb yanaşmasını normal olmasa da, anlayışla qəbul elədim.

Eyni cürə mən Akif Əlinin Lütfü Zazdənin ölümünə nə dərəcədə dəxli olduğu sualı ətrafında da baş “sdındırmaqdayam”. Düzü, lap bir balaca da sevindim, yaxışı ki, adam Lütfü Zadəyə dediyi sözü mediaya yönəltməyib. Bəlkə bu daha böyük rezonans yaradardı. Nə isə ömründə bir dəfə ictimai yükü olan, illərdir görünən, gözəl bir işi var Akif Əlinin - “Tütək səsi” filmindəki obrazı. Mən bu adamı o rola bağışladım mənəvi olaraq, vətəndaş kimi. İndi Lütfü Zadənin ruhu bağışlayacaqmı, ya da ölkə başçısının ailəsinə başsağlığı verdiyi dünyaca nufuzlu bir adamı təhqir eləməsini dövlət qulluqçusu olaraq ona bağışlayacaqlarmı, bunu deyə bilmərəm?!.. Bir bildiyim o ki, bağışlayıb şans verdiyimiz hər şey, hər kəs cəmiyyət və dövlət olaraq sonra yenə üzümüzə ağır sillə kimi qayıdıb həmişə. Bu arada Lütfü Zadənin adının önündə və sonunda Azərbaycan, azərbaycanlı yazılması da qürurverici olaydır. Necə ki, eyni duyğunu Rastropoviçlə yaşamışdıq. Bunu anlamaq üçün çox yox, bircə damcı vətənpərvər, gen düşüncəli, bir də həm milliyyətinə, həm də mənəviyyatına görə azərbaycanlı olmaq yetərlidir.

Qaldı fındıqbaş məsələsinə, bu sözü Akif müəllim o yana dursun, heç özümün də dilimdən eşitmək məcburiyyətində olduğum xoşuma gəlmədi. Əslində hər iki baş haqda təssəvvür və təəssüratlarım var. Amma Akif müəllim olmadığım üçün bunu dilimə gətirə də, yaza da bilmədim...
/Musavat.com/

Jalə Mütəllimova

P.S. Qeyd edək ki, A.Əli artıq bu mövzuda xüsusi status yazaraq, “yerinə düşməyən sözlər olubsa, üzr istəyirəm” deyə açıqlama verib.










SON XƏBƏRLƏR
Təhsil Nazirliyinə yeni Aparat rəhbəri təyin edilib
Altayda iki min il yaşı olan qeyri-adi türk mumiyası tapılıb
Elmar Məmmədyarov Belarusa gedib
900 manatdan çox maaş alan müəllimlərin sayı açıqlandı
Hafiz Hacıyevin şortikli kişilər dərdi
Yevlaxda bir tona yaxın narkotik aşkarlandı
Şou ruhu ilə Qarabağ olmaz
Türkiyə seçkilərindən sürpriz gözləməyə dəyərmi?
Azərbaycan yeni hərbi helikopterlər əldə edib - VİDEO
Mahir Abbaszadə Milli Məclisdə seçicilərlə görüşüb – FOTOLAR
Trampı oğlunu oğurlayacaqları ilə hədələdilər
“Laçında “sənölümüz“, “mənölümüz”, “çörək haqqımız” qaldı” — Azər Məmmədov
Quran dilinin statusu haqqında
İbtidai sinif müəllimləri şagirdlərə özgüvən necə yaratmalı? - Gənc müəllim öz metodundan danışdı-VİDEO
Laçınlılar Mübariz Mənsimovun müdafiəsinə qalxdı — FOTO
İŞİD Suriyada əsas istinadgahını itirib
Milli qəhrəman Mübariz İbrahimovun şəhid olduğu gündür
XİN-dən azərbaycanlı əsirlərə işgəncə verən erməni generalın həbsinə MÜNASİBƏT
AHİLİK– ƏXİLİY NƏDİR?! — Unudulmuş bir Türk gələnəyinin bilinməyənləri...
Türkiyə Antarktikada elmi baza yaradacaq
Bu gün tibb işçilərinin peşə bayramı günüdür
Tərtərdə pambıq sahəsində 14 nəfər zəhərləndi
Azərbaycan Türk fəlsəfəsindən yarpaqlar: MIRZƏ ŞƏFİ VAZEH
Əfqanıstanda partlayış nəticəsində 35 nəfər ölüb, 65 yaralanıb
"Bizim ailədə 5 nəfər SSRİ maarif əlaçısı olub" — Şəbnəm Uğurlu
DÇ-2018: Bugünkü oyunlar – CƏDVƏL
Mübariz Mənsimov Eynulla Fətullayevə cavab verdi: “Siz nə yazsanız da, nə etsəniz də, hansı dona girsəniz də…”
Putin Paşinyanı İlham Əliyevlə tanış edib
Azərbaycanın ən görkəmli yerlərində Nadir şahın xatirəsinə abidə ucaldılmalıdı
Azərbaycanda Ramazan bayramı qeyd olunur