Qarabag Media
Haqqımızda Əlaqə

"Dərdin biri gedir, biri qayıdır" - Tahir Talıblı


Tarix:8-09-2017, 12:17 Baxış Sayı:86 Kateqoriya:Manşet, Yazarlar

"Dərdin biri gedir, biri qayıdır" - Tahir Talıblı[/thumb] Nə var ki, ölməkdən asan
Nə də yaşamaqdan usan
Uca dağ başınnan aşan
Günüm yol elədi məni.

Elə beləsə də qulam
Lələ bələsə də qulam
Ağa eləsə də qulam,
Başdan qul elədi məni.

Nə fərqi lap güllələyin,
Ya başıma gül ələyin.
Hamınıza əl eləyən-
Tanrım,əl elədi məni.

2014, sentyabr

Gəmisi qayıtmaz liman kimisən…

Sənnən gələn hoşdur bana
Ya gül göndər, ya da tikan.
Mehrin də hoş, qəhrin də hoş
Ya xalat ver, ya da kəfən.
Ahmet Yasəvi

Deyəsən zənglərim sənə xoş olmur
Sənin susmağınnan çox xoş oluram.
Mən göz düzəldirəm, üstə qaş olmur,
Gözümü tökürsən bihuş oluram.

Asıla qalmısan kipriklərimnən
Gözümdə sıxılmış bir damcı yaşsan
Ağrı göyərəcək, dərd cücərəcək
Qəfil tufan kimi haraya düşsən.

Bitər gözlərində ayrılıq, bitər
Yoxsa bir lal-dibsiz güman kimisən.
Limanlar ağlayar, gəmilər gedər
Gəmisi qayıtmaz liman kimisən.

12 iyun 2016

******

İçimə çən düşən kimi
Özümnən gen düşən kimi
Yadıma sən düşən kimi
İt kimi, qurd kimi qəribsəyirəm.

Ölüsüz qəbirlər çökük
Daş evləri uçuq-sökük
Qaşı batıq, qəddi bükük
Yurd kimi qəribsəyirəm.

Atlar çapışır yüyənsiz
Barrar-bacalar iyəsiz
Bir kimsəsiz, bir yiyəsiz
Dərd kimi qəribsəyirəm.

Bilgə 08.05

******

Bu ömrə biçilən bir yazıdımı,
Yazıla-yazıla ayazıdımı?!
Dünya tərs dəyirman boğazıdımı,
Ölü atılan var, diri qayıdır.

Arşınçı arşında bezini görür.
Əyrilik əyridə izini görür.
Hər kəs gəlib məndə özünü görür
Hər kəs dəyib mənə geri qayıdır.

İçim gennən gəzən qıraqlar kimi
Başımnan tökülür qınaqlar kimi
Üzünə baxılan qonaqlar kimi
Dərdin biri gedir, biri qayıdır.

Dekabr 2015

DƏRD

Ayrılıq elə dərd deyil
Ayrılıq ağrıdı, gülüm.
Ayrılıq can almasa da
Ayrılıq ağrıdır,gülüm.

Çeşid-çeşid dərdlər varsa
Gəlib də qəsdinə dursa
Sən allahın altında durr
Allahın üstündə dursun.

İçimdə dərdlər ağrıyır,
Gözümdə dərdlər səyriyir
Məni sizdən ayırırsa
Çəkdiyim dərdlər ayırır.

2010

QURBƏT

Uzaqda yurd qoxusu var.
Neçə bələn, dağ ayırır
Təzə qürbət qorxusu var.
Gözlərim qürbət səyriyir.

Yanır, yanır…
İçim qürbət havasına.
Yenə içimə çəkilləm,
Çıxıb göyümə çəkilləm
Yenə məni qınasalar.

Qat-qat qürbətlər görünür,
Durub göz-gözə qalalı.
Nə var ağrıdan anarı,
Nə var qürbətdən bəlalı.

Gəldi,bu da son, çatdı
Qürbət çıxmadı içimnən.
Keçdi karvannar da getdi
Tək mənmi qaldım köçümnən?

2010

******

Canımızdan şirə çəkir
Əcəl dartıb gora çəkir
Bu yol bizi hara çəkir
Şah olub onda bilərsən.

Gedə-gedə heçə çıxır
Öcəşikdi öcə çıxır
Can boğazdan necə çıxır
Ah olub onda bilərsən.

Tək çəkilən,dərdə nə var,
Ta qalmağa yerdə nə var.
Bilməzsən göylərdə nə var
Ruh olub onda bilərsən.

2010

******

Bəxtində bir kişi vardı,
O kişini sən öldürdün
Bilmədim billə-biləmi,
Bəlkə bilmədən öldürdün?!

Günü ölümə açılar
Kişi ölümnən asılar
Məni içimnən acılar
Yoxsa,sən genən öldürdün?

Tanrım,adamı dərd oyar,
Dərdin özü də bir boya
Sənin adına dünyaya
Gəldiyim günnən öldürdün.

Noyabr 2016

******

(Nazim Hikmətə nəzirə)

Dərd-dərdnən unudular,
Kadın-kadınnan.
Seni unutamadım ama
Unuturamadı heç bir kadın
Seni bana.
Gerçekler-
Yalanlar kadar unudular
Yalanlar unudular gerçekler
Kadar
Ölümlə gerçəkləşər sonda
Bütün yalanlar.

Mart 2016

Karabakhmedia.az




loading...




SON XƏBƏRLƏR
SAZIN MƏHƏMMƏD PEYĞƏMBƏRİ – ŞƏRİF AĞAYAR YAZIR
Tramp İrana və Şimali Koreyaya sərt mesaj verdi
Qənirə Paşayevanın Türkiyədə çıxan 2 yeni kitabının imza mərasimi keçirilib
İlham Əliyev bu gün BMT-də çıxış edəcək
«Xocalı soyqırımı» sənədli filmi Stokholmda təqdim olunub
Laçın rayonunda iki qüllə - piramida aşkar edilib
Nüvə müharibəsinin qarşısını alan zabit vəfat edib
Sevdiyim üçün dua edirəm
“Gürcü Arzusu” partiyası Bolnisin Faxralı kəndindən namizədi, Dostu Aşırov
Azərbaycan 200 manatlıq əsginas buraxa bilər
"Kürdlərin referendumu gərginliyə səbəb olacaq" - Ərdoğan
Dilqəm Əsgərovun oğlu ATƏT-in Varşava sammitində KÖMƏK İSTƏDİ
Pakistan Hərbi Hava Qüvvələrinin komandanı Bakıya gəlir
Bakının 7 rayonunda köhnə binalar sökülür
"Qarabağ atı“ abidəsi önündə Azərbaycanın təbliğatı - Foto/Video
Yeni silahlarımız Ermənistanı qorxuya saldı - İrəvandan Qarabağla bağlı SENSASİYALI BƏYANAT
“Riza Moridi şəxsiyyətini satmış adamdır" - Skandinaviya Türk Federasiyasının başqanı
İlk dəfə Avropa çempionu olan Azərbaycanın cüdo yığması Vətənə qayıdıb
“İraq türkmənləri vətənin bölünməsində iştirak etməyəcək” - Kərkük əyalət məclisinin üzvü
Azərbaycan Çexiyadan yeni artilleriya qurğusu alıb
Azərbaycanın gələcək inkişaf strategiyası yolunda atılmış mühüm addım
Azərbaycan əsilli alman həkimi Merkellə görüşdə nələr danışdı?
Milli Məclisin komitəsi bəzi qanunlara dəyişiklik edib
Adil Şirinlə məhbəsdə görüş – İlham Qəhrəman yazır...
Türk ordusu əməliyyatlara başladı - Bərzaniyə mesaj
"Qərar verəndə də heç kimə açıqlamıram" - Qurban Qurbanov
İstiqlal Bəyannaməsinə imza atan 26 nəfərdən biri – Bir cümhuriyyətçinin taleyi
"Qarabağ" "Milan"ı qabaqladı
Zülfüqarov ifadə verdi: “Ölümə mən səbəb olmamışam"
Sabiq xarici işlər naziri qəza törədib - Piyada ölüb