Qarabag Media
Haqqımızda Əlaqə

SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO


Tarix:4-09-2017, 12:18 Baxış Sayı:497 Kateqoriya:Manşet, Araşdırma

SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO

Üç raket divizionu döyüş hazırlığı vəziyyətinə gətirilib.

1987-ci il mayın 28-də Moskvanın Qızıl meydanında 18 yaşlı almaniyalı gənc Matias Rust təyyarəsini endirdi. Bu, xüsusi xidmətlərin təxribatı, marketinq gedişi və ya xuliqanlıq idi? Bunlar hələ də sual olaraq qalır.

Matias Rust Helsinkinin “Malami” aerodromunu mayın 28-i səhər tərk edib. ABŞ istehsalı olan “Cessna” idman təyyarəsinin uçuş hədəfi olaraq Stokholm göstərilib. İsveçə qədər 1,5 saatlıq məsafə olduğu halda təyyarə çənləri tam dolu olub və bundan əlavə salonda çənlər quraşdırılıb. Matias təbii ki, İsveç paytaxtına uçmağı düşünmürdü. Məqsəd Moskvaya çatmaq idi. Uçuşun ilk 20 dəqiqəsində pilot marşrut üzrə hərəkət edir, daha sonra dispetçerlə əlaqə saxlayaraq hər şeyin yaxşı olduğunu söyləyərək vidalaşıb. Həmin gün bir daha əlaqə yaratmayıb.

Matias bütün rabitə vasitələrini söndürdükdən qısa müddət sonra onun təyyarəsi radiolokatorların ekranlarından itib. Sonuncu koordinatların qeydə alındığı yerə xilasetmə qrupu göndərilib. Qrup dəniz səthində böyük ölçülü yağ ləkəsi aşkarlayıb. Təyyarənin qəzaya uğradığını düşünüblər. Xilasedicilər hətta Matiası axtarmaları üçün dalğıcları çağırıblar.
SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO


Finlandiyalı xilasedicilər Rustu dənizdə axtardıqları zaman o, Estoniya ərazisindən SSRİ sərhədini keçirdi. Təyyarənin görünməz qaldığını söyləmək olmaz. Estoniya ərazisində həyəcan siqnalı üzrə havaya qalxan iki qırıcı təyyarə müəyyən müddət onu müşayət etsə də, vurma əmri almayıb, bir müddətdən sonra bazaya geri qayıdıb. Sovet İttifaqı Hava Hücumundan Müdafiə sistemi də təyyarəni qeydə alıb, 14:29-da “öz-özgə” çağırışına cavab verməyən “obyekt”ə 8255 nömrəsi verilib. Üç raket divizionu döyüş hazırlığı vəziyyətinə gətirilib. Lakin hədəfin məhvinə dair əmr verilməyib.

Rustun sadəcə bəxti gətirib. 1984-cü ildə ehtimalən SSRİ hərbçiləri tərəfindən Sakit okean üzərində vurulan “Boeing”lə bağlı hadisədən sonra idman və mülki təyyarələrə atəş açmağı qadağan edən əmr verilib.
SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO


Rust çətin ki, artıq Pskov rayonunda olduğu saat üç radələrində orada yerli aviapolkun təlim uçuşları keçirəcəklərindən xəbərdar ola bilərdi. Təyyarələrin bir qismi havaya qalxdığı halda digərləri eniş edib. Düz saat 15:00-da dövlət tanıma sistemi şifri dəyişdirilib. Bütün pilotlar eyni zamanda bu şifri dəyişməli idi. Lakin gənc “qartal”ların bir hissəsi bunu etməyib və sistem onları “özgə” kimi tanıyıb. Belə qarışıq vəziyyətdə nə baş verdiyini anlamayan komandirlərdən biri avtomatik olaraq bütün təyyarələrə “öz” adı verib.
SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO

Təyyarələrin arasında Rustun “Cessna”sı da var idi. Bu obrazla Rust Sovet hava məkanında səyahətinə davam edib. Rustun ikinci dəfə bəxti Torjok şəhəri yaxınlığında gətirib. Burada iki təyyarə toqquşduğundan “Cessna”nı Sovet axtarış vertolyotu olaraq qəbul ediblər.

Daha sonra Rust uçuşu ilə sülhə çağırış etmək istədiyini bildirib. “Ölkə şokdadır!”, “Hərəkəti ilə SSRİ-nin nəhəng müdafiə arsenalını nüfuzdan saldı, həm də sərhədçi günündə” başlıqları ilə qəzetlər çıxdı.
SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO

Rustun uçuşunun marketinq gedişi olduğu da söylənildi. Onun atası “Cessna”nın Qərbi Avropadakı dileri idi. Bu vaxt satış həcmi azalmışdı. Təbii ki, belə “reklam”dan sonra (“Sovet Hava Hücumundan Müdafiə sisteminə “qalib” gələn yeganə təyyarə”) şirkətin işləri yaxşılaşdı. Sovet hərbçiləri isə aksiyanın xarici xüsusi xidmətlərin əməli olduğundan əmin idi.

Matias Rust saat 19:10-da təyyarəni Qızıl meydanda endirib, Vasili Blajennı məbədinə qədər gəlib. Təyyarəni tək edərək avtooqraf verib və fotolar çəkdirib. Bütün bunlar qısa davam edib: Matias Rust həbs edilib.

O, iyunun 1-də ad gününü həbsxanada keçirdi. Məhkəmə onu 4 il müddətinə azadlıqdan məhrum etsə də, növbəti il avqustun 3-də əfv edilərək ölkə ərazisindən çıxarılıb.
SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO


Ümumilikdə Rust Moskvada 433 gün keçirib. Almaniyaya qayıtdıqdan sonra “psixi cəhətdən qeyri-sağlam” şəxs kimi təyyarə idarə etmək hüququndan məhrum edilib. Bu öz təsdiqini tapdı: bir dəfə bıçaqla tibbi bacısına hücum çəkib, daha sonra supermarketdə sviter oğurlayarkən tutulub.

Hadisə ilə əlaqədar bir sıra hərbçilər vəzifəsindən kənarlaşdırıldı. Müdafiə naziri Aleksandr Koldunov vəzifədən azad edildi. Onu bu vəzifədə Dmitri Yazov əvəzlədi. Hava Hücumundan Müdafiə komandanı da istefaya göndərildi.
SSRİ sərhədlərinin sarsılmazlığına son qoyaraq Kremli fəth edən 18 yaşlı alman - FOTO/VİDEO

Xalq hətta zarafatyana Qızıl meydanı “Şeremetyevo-3” adlandırdı (Şeremetyevo-1 və Şeremetyevo-2 Rusiyanın həqiqətdə mövcud hava limanlarıdır).

Ceyhun Nəzərov




loading...




SON XƏBƏRLƏR
SAZIN MƏHƏMMƏD PEYĞƏMBƏRİ – ŞƏRİF AĞAYAR YAZIR
Tramp İrana və Şimali Koreyaya sərt mesaj verdi
Qənirə Paşayevanın Türkiyədə çıxan 2 yeni kitabının imza mərasimi keçirilib
İlham Əliyev bu gün BMT-də çıxış edəcək
«Xocalı soyqırımı» sənədli filmi Stokholmda təqdim olunub
Laçın rayonunda iki qüllə - piramida aşkar edilib
Nüvə müharibəsinin qarşısını alan zabit vəfat edib
Sevdiyim üçün dua edirəm
“Gürcü Arzusu” partiyası Bolnisin Faxralı kəndindən namizədi, Dostu Aşırov
Azərbaycan 200 manatlıq əsginas buraxa bilər
"Kürdlərin referendumu gərginliyə səbəb olacaq" - Ərdoğan
Dilqəm Əsgərovun oğlu ATƏT-in Varşava sammitində KÖMƏK İSTƏDİ
Pakistan Hərbi Hava Qüvvələrinin komandanı Bakıya gəlir
Bakının 7 rayonunda köhnə binalar sökülür
"Qarabağ atı“ abidəsi önündə Azərbaycanın təbliğatı - Foto/Video
Yeni silahlarımız Ermənistanı qorxuya saldı - İrəvandan Qarabağla bağlı SENSASİYALI BƏYANAT
“Riza Moridi şəxsiyyətini satmış adamdır" - Skandinaviya Türk Federasiyasının başqanı
İlk dəfə Avropa çempionu olan Azərbaycanın cüdo yığması Vətənə qayıdıb
“İraq türkmənləri vətənin bölünməsində iştirak etməyəcək” - Kərkük əyalət məclisinin üzvü
Azərbaycan Çexiyadan yeni artilleriya qurğusu alıb
Azərbaycanın gələcək inkişaf strategiyası yolunda atılmış mühüm addım
Azərbaycan əsilli alman həkimi Merkellə görüşdə nələr danışdı?
Milli Məclisin komitəsi bəzi qanunlara dəyişiklik edib
Adil Şirinlə məhbəsdə görüş – İlham Qəhrəman yazır...
Türk ordusu əməliyyatlara başladı - Bərzaniyə mesaj
"Qərar verəndə də heç kimə açıqlamıram" - Qurban Qurbanov
İstiqlal Bəyannaməsinə imza atan 26 nəfərdən biri – Bir cümhuriyyətçinin taleyi
"Qarabağ" "Milan"ı qabaqladı
Zülfüqarov ifadə verdi: “Ölümə mən səbəb olmamışam"
Sabiq xarici işlər naziri qəza törədib - Piyada ölüb