Qarabag Media
Haqqımızda Əlaqə

Türk qatili “Yəhudi ovçusu”na necə çevrildi?


Tarix:22-08-2017, 21:46 Baxış Sayı:189 Kateqoriya:Manşet / Yazarlar

Türk qatili “Yəhudi ovçusu”na necə çevrildi?O, diaspor erməniləri arasında “general Dro” ləqəbi, ermənilər arasında “milli qəhrəman” kimi məşhurdur, hərb tarixçilərinin əsərlərində isə “ömrünü türklərin kökünü kəsməyə həsr etmiş əqidəli faşist” adlandırılır.

Əslində isə Dro ləqəbi altında Faşist Almaniyasının 114 saylı abverqrupunun rəisi Drastamat Martirosoviç Kanayan gizlənir. 1884-cü ildə Çar Rusiyasında anadan olan Drastamat Kanayan uşaqlıqdan müsəlmanlara nifrət ruhunda böyüdülmüşdü. Türk köklü soyadına uyğun şəkildə qan içində bir həyat yaşadı. Birinci Dünya müharibəsi zamanı Ərzurum, Qars, Ərzincan və Van vilayətlərində bir-birindən iyrənc, insanlığa layiq olmayan qətllər törətdi. Hesablamalara görə, 200 min müsəlmanın qətlinin səbəbkarıdır.

ABŞ-ın Osmanlı dövlətindəki səfiri Mark Bristolun müharibə gündəliyində Dro belə xatırlanır: “Müharibə dövründə general Dronun yaxınlığında olan səfirlik nümayəndəsinin hazırladığı raportlardan onun müdafiəsiz müsəlman kəndlərini işğal etdiyini, bir nəfəri belə sağ buraxmadan kəndliləri vəhşicəsinə öldürdüyünü yaxşı bilirəm. Dro və adamları girdikləri kəndlərdə evləri yağmalayır, heyvanları müsadirə edir, insanları toplu halında qətlə yetirir, işini bitirdikdən sonra isə kəndi yandırırdı. Bu, heç şübhəsiz ki, həmin bölgədə müsəlmanlara qarşı yürüdülən etnik təmizləmə əməliyyatı idi”.

Rəhbəri olduğu qatillər ordusu Kazım Qarabəkir Paşanın birləşmələri tərəfindən Anadoludan qovulduqda Rusiya ərazisində peyda oldu. 1918-1920-ci illərdə “hərbi bacarıqları”na görə Ermənistan Respublikasının müdafiə naziri işlədi. Bu dəfə Dronun qətliamlarını Qarabağda və Zəngəzurda azərbaycanlılar öz üzərlərində hiss etdilər.
Ermənistan bolşeviklər tərəfindən işğal ediləndə Rusiya məhkəmələrindən qorxaraq gizlicə Almaniyaya qaçdı. Almaniyada olduğu dönəmdə nasizmin yüksəlişini diqqətlə izləyirdi, Nasional Sosialist Fəhlə Partiyası hakimiyyətə gələn kimi isə Hitlerlə tanış olmağa can atdı. Yabançı irqlərdən olan şəxslərə güvənməyən Hitler qətliam törətmək sahəsində zəngin təcrübəsi ilə tanış olduqdan sonra, onu general rütbəsinə layiq gördü və SS qoşunlarına bağlı “812-ci erməni batalyonu”nu qurmağa təşviq etdi. Ermənilərdən ibarət olan, sonralar isə “erməni legionu” kimi məşhurlaşan bu batalyonun ilk vəzifəsi Almaniya daxilində yəhudiləri və qaraçıları qırmaqdan, növbəti mərhələdə isə Şərq cəbhəsində ruslara qarşı vuruşmaqdan və Bakı uğrunda döyüşlərdə azərbaycanlılara qarşı döyüşlərə hazırlaşmaqdan ibarətdi.

Birinci Dünya müharibəsində işgəncə və kütləvi qətliam törətməkdə ad çıxaran bu erməni faşisti az müddət ərzində “məharəti” ilə nasistləri də özünə heyran etdi və SS-çilər arasında “Yəhudi ovçusu” adı ilə şöhrət qazandı. Almaniya daxilindəki etnik təmizlik əməliyyatını başa çatdırandan sonra Dro, Krım və Şimali Qafqazın işğal edilmiş bölgələrində qətliamlar düzənlədi.

1945-ci ildə Faşist Almaniyası təslim olunca, minlərlə insanın qətlində bilavasitə iştirak edən Dro yeni vətən axtarışına çıxdı. SSRİ onu vətən xaini elan etmişdi və müharibə canisi hesab olunurdu. Amma bunlar Dronu bir o qədər də narahat etmirdi, çünki o, yaşadığı bütün ölkələrə xəyanət etməyi həyat tərzinə çevirmiş insandı.
Həm SSRİ, həm İsrail, həm də ABŞ xüsusi xidmət idarələri müharibə canisi kimi axtarsalar da, bu əliqanlı qatil erməni diasporunun yardımı ilə bütün maneələri aşaraq ABŞ-da “qaçqın” kimi yaşamağa başladı. Müharibə dövründə qəsb etdiklərini də götürərərək Massaçusets ştatında məskunlaşdı.

ABŞ-da kral kimi yaşadığı 11 il boyunca keçmiş “Yəhudi ovçusu” bütün dünyada Xolokost canilərini axtaran yəhudi agentləri tərəfindən bir dəfə də narahat edilmədi və 1956-cı ildə 72 yaşında gəbərdi və Bostonda basdırıldı.

1990-cı illərin sonlarında Ermənistan dövləti “bu böyük milli qəhrəmanın məzarının ABŞ-da olmasının bütün vətənpərvərləri ağrıtdığını” bildirərək, erməni diasporunu yardım göstərməyə çağırdı. ABŞ erməniləri iki gün içərisində bu məqsəd üçün bir milyon dollar topladı. Dronun sümükləri 29 may 2000-ci ildə təntənəli dövlət mərasimi ilə doğulduğu Aparan kəndində piramida formasında inşa edilmiş məqbərədə basdırıldı. Elə buradaca başqa bir faşistin- Qaregin Njdenin də sümükləri çürüyür. O Njdenin ki, NKVD əməkdaşlarına istintaqda söyləmişdi: “… Mən vətən xaini Dronun Ermənistana qarşı bütün pis işlərinin qarşısını almışam. Mən onu hazırladığı təxribatçıları Sovet Ermənistanına göndərilməsi fikrindən daşındırmışam”. Erməni “qəhrəmanları” belədir: quyruqları qapı arasında qalan kimi bir-birilərini keçi qiymətinə satırlar.

P.S. Dro və Njdenin “xatirələrini” yad etmək üçün Rusiya nümayəndələrini, Böyük Vətən müharibəsində nasistlərlə döyüşmüş insanların nəvə-nəticələrini də buraya gətirirlər. Tarixin ironiyasıdır: Faşizmdən ən çox zərər çəkmiş və ona qalib gəlməyi bacarmış Rusiyada faşizm haqqında məlumatsızlığa təsadüf etmək təəccüblüdür.

Gündüz Nəsibov




loading...




SON XƏBƏRLƏR
Mühacir Azərbaycan Türk aydınlarının milli tarixi-fəlsəfi irsi - (III YAZI)
"Hoçaz çayının səsi indi də qulağımdadır" - Ərşad Hüseynov
Bir gecədə məşhurlaşan müğənnidən daha bir maraqlı mahnı: "Qaytar qoyunları..." - VİDEO
Araz Türk Cümhuriyyəti hansı zərurətdən yarandı?
"Beşikdaş"ı qardaş klub seçib, onun izi ilə gedəcəyik" - QURBAN QURBANOV
AzTU-da Milli Qəhrəmanın anım tədbiri keçirilib
“Hərbi xidmətdə olmamışam” – Əli Həsənovun nəvəsinin məhkəməsi
İranlı xanəndə Azərbaycan türklərini təhqir etdi - VİDEO
Xəyal Əhmədov: "Yarışlarda Azərbaycanın bayrağını ucaltdığım üçün qürur duyuram"
MTN GENERALI MƏHKƏMƏDƏ ELDAR MAHMUDOVUN ŞOK CİNAYƏTİNİ AÇIQLADI
Nazir: “Niyə əlillərin deputatlığa namizədliyi irəli sürülmür?”
Qarabağ əlili nazir müavini təyin edilsin! - Deputatdan təklif
Fransa Xarici İşlər Nazirliyi Azərbaycanın etirazına cavab verib
Yağış və qar yağacaq, bəzi yollar buz bağlayacaq -XƏBƏRDARLIQ
Jurnalist Natiq Qədimov dəfn olunub - FOTO
Gələn il orta aylıq əməkhaqqı 4 faizədək artacaq - NAZİR MÜAVİNİ
Prezident NATO-da Qarabağ problemini qaldırdı
Azərbaycan professional musiqisinin banisi Üzeyir Hacıbəylinin anım günüdür
"Qarabağ"ın əziyyətinə heyfim gəldi" - Elmar Məmmədyarov
RUSİYA, İRAN VƏ TÜRKİYƏ LİDERLƏRİ SURİYA İLƏ BAĞLI BƏYANAT QƏBUL ETDİLƏR
"Qırmızı vərəqə çox vaxt hansısa oyunçunu sındıranda verilir" - Qurban Qurbanov
Şenol Günəş “Qarabağ”ın oyununa gəlib
Azərbaycanda neçə min erməni yaşayır? - RƏSMİ RƏQƏM
İşləməyən köçkünlərin pulu niyə kəsilib? - Rəsmi açıqlama
Bəşşar Əsəd Rusiyada 9 maddəlik təkliflər paketini qəbul edib
Ərdoğan: "Qarabağ münaqişəsini yalnız Rusiya həll edə bilər"
İlham Əliyev Brüsseldə NATO-nun baş katibi ilə görüşəcək
Fransalı mer Alfortvile və işğal altında olan Laçın şəhəri arasında qardaşlaşmanı pisləyib
Böyük turançı: İsmayıl Ənvər Paşa — Bu gün onun doğum günüdür
Niderlandda Qarabağa səfərlər təşkil edən Booking.com saytına qarşı kampaniya başlayır