Qarabag Media
Haqqımızda Əlaqə

Ermənini 9 saniyəyə məğlub edən qəhrəman – MÜSAHİBƏ


Tarix:14-06-2017, 23:21 Kateqoriya:Manşet / Müsahibə

Ermənini 9 saniyəyə məğlub edən qəhrəman – MÜSAHİBƏ

Onun adını bu gün eşitdim. Bakının Yasamal rayonu ərazisindəki Şəfiqə Əfəndizadə adına 13 saylı orta məktəbindən Son zənglə bağlı reportaj hazırlayarkən. Məktəbin direktoru Yaqut Sadıqova təhsil ocağının builki naliyyətlərindən danışarkən dedi ki, onun 33 qızıl medalı var; Təbrik edək, alqışlayaq. Son zəng təbrikinə gələn hər kəs onu alqışladı, təbrik etdi.

Sonra sinif müəllimi cüdo üzrə dəfələrlə Azərbaycan çempionu olmuş həmin 7-ci sinif şagirdinin artıq qızıl medallarının sayını 40-a çatdırdığını dedi. Uşaqdakı fərasət məndə maraq oyatdı. Son zəng reportajını bir kənara qoyub düşdüm 13 yaşlı qəhrəmanın arxasınca. Uşaqlı-böyüklü izdihamın arasından çıxıb kənardan çalıb-oxuyanlara baxan bu toppuş oğlanı axır ki, tapdım.

Əvvəl razı olmaq istəmədi. Utandığını dedi. Kamera olmayacaq, hafta.az saytı üçün müsahibə aldığımı söylədim. Onu da vurğuladım ki, sadəcə söhbət edəcəyik. Razılaşdıq.

Əvvəlcə budəfəki qəhrəmanımı sizinlə tanış edim, keçək söhbətə. Orxan Məcidli 2004-cü il təvəllüdlüdür. Beş yaşından idmanla məşğul olur. İdmana həvəsi onda atası oyadıb. Atasının həvəskar kik-boksçu olduğunu deyir. Elə Orxan da ilk aylarda kik-boksla məşğul olub. Sonra cüdoya həvəsi olduğunu duyan 13 yaşlı qəhrəmanım elə üzünü bu idman növünə tutur. Kikboksda naliyyətsizliyini də adıçəkilən növə həvəssizliyi ilə əlaqələndirir.

-Orxan, nə vaxtdan yarışlara çıxmağa başladın?

- Cüdoya gedəndən 3 ay sonra “Bakı payızı” turniri keçirilirdi. Müəllimim məni də oraya yazdırdı. Üç döyüşün hamısını vaxtından əvvəl uddum. Qızıl medal qazandım. O yarışdan sonra hər bir yarışa qatılmışam, heç birini buraxmamışam. 6 yaşımdan yarışlara qatılıram.

-Neçə medalın var?

-Ümumilikdə 91 dəfə kürsüyə qalxmışam. Onlardan qırxı qızıl medaldır. 30-u gümüşdür, 21 isə bürünc medaldır. Cəmi bir yarışda medalsız qalmışam. O da diqqətsizliyim ucbatından oldu. Rəqibdən öndə idim. Dörd saniyə qalmış fənd işlətdi və 2 koka balı ilə uddu. O səhvdən sonra sona qədər döyüşməyi qərara aldım. Hakim fitini səsləndirməmiş rəqibin cidogisindən qolumu çəkmirəm. Ona görə də 13 yaşım və 40 qızıl medalım var (gülür).

-Naliyyətlərinin hamısı cüdodandır yoxsa...?

-Xeyr, təxminən 10 medal sambodandır. Cüdo ilə yanaşı məşq edib sambo yarışlarına da çıxıram. Sambo üzrə ölkə çempionu olmuşam. Elə həmin il yaşıdlarım arasında cüdo üzrə də Azərbaycan birincisi oldum.

-Neçə dəfə ölkə çempionu olmusan?

- Ümumilikdə beş dəfə. Onlardan dördü cüdodan, biri sambodandır. Üçqat Bakı birincisiyəm. Bir neçə ay əvvəl Təhsil Nazirliyinin təşkil etdiyi məktəblilər arasındakı cüdo birinciliyində ikinci yeri tutdum. Paytaxtda keçirilən bütün cüdo yarışlarına qatılıram. Hazırda Neftçi İdman Sağlamlıq Mərkəzinin cüdo zalında məşq edirəm. Şərait də yaxşıdır. Yaşım artanda çalışacağam cüdo üzrə milli komandamızın tərkibinə düşüm. Azərbaycan bayrağını beynəlxalq yarışlarda dalğalandırım, olimpiya çempionu olum.

-Heç yaşıdların arasında xarici ölkələrdə keçirilən yarışlara qatılmısanmı?

-Türkiyədə,Rusiyada,İranda, Gürcüstanda yarışlarda iştirak etmişəm. 45 medalı orada qazanmışam. Onlardan da 38-i qızıldır. İki dəfə erməni ilə döyüşüb udmuşam. Biri vardı onu məğlub etmək üçün əziyyət çəkmədim. 9 saniyəyə ipponla qalib gəlib fianal çıxdım. Finalda gürcü ilə döyüşüb çempion oldum. Ən çətin döyüşüm 2016-cı ildə elə həmin gürcü ilə idi. Vazari ilə udurdu məni, oyunun bitməyinə 20 dəqiqə qalmış ipponla- təmiz qələbə ilə onu uddum. Bir ay öncəki yarışda isə 40-cı medalımı qazandım.

- Orxan, dərslərini necə oxuyursan?

-Yaxşı. Dörd-beş alıram bütün dərslərdən. Direktorumuz Yaqut müəllimənin əməyi üzərimdə böyükdür. Yaxşı oxuduğumu nəzərə alıb məni yarışlara göndərir. Bütün yarışlardan medal gətirəcəyimə ümid etdiyini deyir. Mənə ürək-dirək verir. Gələcəkdə hüquqşünas olmaq istəyirəm. Eyni zamanda cüdoda peşəkar fəaliyyətimi davam etdirmək istəyirəm.

-Sinif yoldaşların səndən çəkinirmi? Dalaşmısınızmı heç onlarla, sözünüzün çəpləşdiyi olubmu?

-Xeyr, dalaşmamışıq. Hamısını çox istəyirəm. Məşqçilərim deyir ki, idmançı gücünü rinqdə göstərməlidir, bayırda yox. Məncə də düz deyir. Uşaqların hamısı ilə dostluq edirəm.

-Bəs evdə səndən başqa idmanla məşğul olan varmı?

-Həvəsi olan qardaşım var, amma hələ balacadır. Məşğul olmur.

Tural Turan










SON XƏBƏRLƏR
Qəhrəmanlıq tariximizin 20 Yanvar səhifəsi
20 Yanvar faciəsindən 2 gün öncə nə baş vermişdi? - Xaçmazdakı olayın şok DETALLARI
20 Yanvar hadisələrindən 30 il ötür
Ölkəyə qanunsuz dərman gətirənlər saxlanıldı - FOTO
Hindistanda K-4 ballistik raketi sınaqdan keçirilib
Ömrünü vətəni üçün fəda edən, mis kasa ilə başlayıb milyonluq miras qoyan Qərib
Deputatlığa namizəd polkovnik Mehdi Mehdiyev Ceyranbatan qəsəbəsində şəhid ailələrini ziyarət edib
İran Ukraynanın xahişini yerinə yetirdi – Qara qutu göndərildi
Prezident İlham Əliyevin rəsmi "Facebook" səhifəsində 20 Yanvar faciəsinin 30-cu ildönümü ilə bağlı paylaşım edilib - VİDEO
Rusiyadan anası tərəfindən zorla Bakıya gətirilən 18 yaşlı qız ölkəsinə yola salınıb
MSK DSK-nın qərarını ləğv edib
Polkovnik Mehdi Mehdiyev seçki təşviqatına başladı - "VƏTƏNƏ XİDMƏT, XALQA SƏDAQƏT!
Mahir Abbaszadə Laçınlı seçicilərlə görüşlərə Sumqayıtdan start verdi - FOTOLAR
BQXK nümayəndələri Dilqəm Əsgərov və Şahbaz Quliyevə baş çəkib
Abşeron Gənclər Şəhərciyində yanğın başlayıb
Bu gün Milli Qəhrəman Mətləb Quliyevin doğum günüdür - VİDEO
MSK ödənişli təşviqat aparacaq KİV-lərin siyahısını AÇIQLADI
HAVA XƏBƏRDARLIĞI: 5 dərəcə şaxta olacaq, yollar buz bağlayacaq
Almaniya Bundestaqının deputatı: "Qarabağ Azərbaycana aiddir"
Kürdlər 34 İŞİD üzvünü sərbəst buraxıblar
Putin və Ərdoğan İstanbulda danışıqlara başlayıb
Qudasını qaçıran Rizvanın arvadı: "Ərimə yalvardım ki, balamın üstündən oyun oynama"
İlham Əliyev iranlı və ukraynalı həmkarlarına başsağlığı verdi
Xamneyi: “Axşamkı hücumla amerikalılara yalnız şillə vurduq, intiqam qarşıdadır”
ABŞ Ağ Evin təhlükəsizliyini gücləndirib
Nərminin başına açılan dəhşət - Başını əzib, dırnaqlarını kəsiblər
Şəhid hərbçimiz torpağa tapşırıldı – FOTO
Ruhani: “Regiondan amerikalıların ayaqları kəsiləcək”
Sabaha olan hava proqnozu açıqlanıb
Çavuşoğlu İraqa danışıqlara gedir