Qarabag Media
Haqqımızda Əlaqə

Düşmən səngərinin bir addımlığında möcüzə - FOTO


Tarix:7-06-2017, 07:20 Baxış Sayı:2325 Kateqoriya:Manşet / Maraqlı

Düşmən səngərinin bir addımlığında möcüzə - FOTO

"Mərmi yağış kimi tökülürdü. Ağaca qəlpə dəyən kimi qurudurdu..."

Goranboy rayonunun Tapqaraqoyunlu kəndi cəbhə xətti yaxınlığında yerləşən iri yaşayış məntəqələrimizdən biridir. Bu kənd 26 ildir Ermənistanın ölkəmizə qarşı apardığı işğalçı müharibədən əziyyət çəkir.

Lakin buna baxmayaraq, döyüşlərin ən qızğın vaxtlarında belə, kənd əhalisindən bir nəfər də olsun, evini tərk etməyib. Hətta, kənddən köçüb digər yerlərdə yaşayan insanlar da, müharibə başlayandan sonra yurdlarına dönərək onun qorunmasında qəhrəmanlıqla iştirak ediblər.

Elxan Həsənov yaratdığı "Baba-Cənnət bağı"nda
Düşmən səngərinin bir addımlığında möcüzə - FOTO

Həmsöhbətim olan Elxan Həsənov da müharibədən əvvəl Gəncə şəhərində yaşayıb. Ermənistanın torpaqlarımıza qarşı təcavüzündən sonra şəhərdəki işini ataraq doğma kəndinə dönüb və onun müdafiəsinə qoşulub. Burada həm yaşayıb, həm də döyüşüb. İki dəfə yaralansa da, sağaldıqdan sonra təkrar silaha sarılıb.

Elxan kişi müharibənin od-alovu içərisində atılmaqla yanaşı, kənddə babasından qalan torpaq sahəsində, adını "Baba-Cənnət bağı" qoyduğu möhtəşəm bir bağ salıb. Döyüşdən imkan tapan kimi, çiynində avtomat, əlində bel, mərmi yağışı altında bu bağı becərib. Dəfələrlə düşmən səngəri qarşısından kəndə su xətti açıb, torpaqlar suvarılır.

Bağda 100 növdən olan 700-ə yaxın ağac var
Düşmən səngərinin bir addımlığında möcüzə - FOTO

Hazırda E. Həsənovun 0.45 ha (45 sot) ərazini əhatə edən bağında, 100 növdən olan 700-ə yaxın ağac var. Bu ağacların bir çoxunun adları eyni olsa da, hər biri müxtəlif vaxtlarda bar verir.

Onun bağında həm də bölgə üçün xas olmayan ağaclar — yapon əzgili, ağ zoğal, kivi, portağal, naringi, dəfnə ağacı kimi müxtəlif bitkilər və gül-çiçəklər yetişir. Elxan Həsənovun yaratdığı "Baba-Cənnət bağı" Tapqaraqoyunlu camaatının doğma torpağına bağlılığının əyani bir nümunəsidir.

Bağban müharibə dövründə bağı saxlamaq üçün xeyli çətinliklər yaşadığını deyir: "Mərmi, qəlpə yağış kimi tökülürdü kəndə. Ağaca qəlpə dəyən kimi qurudurdu. Əvəzinə yenisini basdırırdım".

"Bağda elə ağac var ki, 5 dəfə təzələmişəm. Dəfələrlə, ölümü gözə alıb düşmən səngərinin qarşısında arxı açıb, kəndə su gətirmişəm. Bağı qurumağa qoymamışam" – həmsöhbətimiz bildirir.

Elxan kişinin bağında bölgəyə xas olmayan ağaclar da var
Düşmən səngərinin bir addımlığında möcüzə - FOTO

O, bununla yanaşı, silahı da çiynindən yerə qoymadığını diqqətə çatdırır: "Birinci dəfə güllə yarası aldım. Sağalan kimi yenə gəldim cəbhəyə. İkinci dəfə tank əleyhinə minaya düşdüm. Neçə ay müalicə olundum. Sağlamlığımı itirdim, amma ruhdan düşmədim".

Elxan kişi fəxr edir ki, hər zaman övladlarının, nəvələrinin gözünə dik baxa biləcək: "Onlar biləcəklər ki, mən döyüşmüşəm, qaçmamışam düşmən qabağından. O şəraitdə də bu bağı yetişdirmişəm, saxlamışam onlar üçün".

Bu mərd adam bağının məhsullarını heç vaxt satmayıb. Hər zaman qohum-əqrəbaya, dost-tanışa, ehtiyacı olanlara pay verib…

İlham Mustafa, Sptnik Azərbaycan




loading...




SON XƏBƏRLƏR
Müsəlmanların Qüds fiaskosu - ŞƏRH
Kreml Ərdoğanın Qüds təklifinə qarşı çıxdı
Fazil Mustafa: "İran bu məsələdə Azərbaycana müsəlman dövləti kimi davranmır, daha çox erməni təəssüfkeşliyini çəkir"
İsrailin Bakıdakı səfirliyindən çağırış: “Məsul liderlər...”
Trampdan xüsusi tapşırıq: Rus proqramına qadağa
Səudiyyə Yəmənə hücuma keçdi: Onlarla ölən var
Ermənistan Türkiyə ilə razılaşmaları ləğv edir
“Məhəmməd peyğəmbər epilepsiya xəstəsi olmayıb” - QEYRİ-ADİ MÜSAHİBƏ
İlham Əliyev Qüds Zirvə toplantısında iştirak edir
Azərbaycanda birdən-birə varlanan adamın ŞOK CİNAYƏTLƏRİ - FAKTLAR
Ərdoğan dünyanı Qüdsü Fələstinin paytaxtı kimi tanımağa çağırdı
Azərbaycan 3 türk ölkəsi ilə ortaq ordu qurur
Müğənni Fədayə Məmmədova həbsdə qaldı - Yenilənib
İsrail qırıcıları Qəzzanı bombaladı
Günel onu tərk edən sevgilisi Rza Zərrabdan YAZDI: “Gülək, ya ağlayaq, kaş ki, məni...”
İstanbuldakı ermənilər və nə qədər gec deyil...
Türkiyə parlamentində dava - Foto
Bir günə məşhurlaşan ağdamlı müəllim-tələbə - Video
Bu qərarlar İsraili məhv edə bilər - Siyahı
Rəşad Sadıqovun təyinatı rəsmiləşdi
Millət vəkili türkman rəhbəri Bakıya dəvət etdi
Qətlə yetirilən icra başçısının oğlu illər sonra danışır: `Qatillə görüşmək istərdim`- FOTOLAR
Ucuzlaşmalı olan yağ niyə bahalaşdı? - Video
Qasım Süleymani: "İran Fələstindəki bütün qruplara dəstəyə hazırdır."
Vəkilindən Fədayə ilə bağlı - Yeni xəbər
Qarabağda erməni əsgər yoldaşını güllələdi
AB-dən Putinin qərarına reaksiya: Savaş bitməyib
Cahangir Hacıyevlə həbs olunanlar məhkəməyə müraciət etdi
Vergilər Nazirliyində bütün əməliyyatlar dondurulub
İlham Əliyev Heydər Əliyevin məzarını ziyarət etdi