Qarabag Media
Haqqımızda Əlaqə

MEK-də AZƏRBAYCANIN ƏN QƏDİM KİTABLARININ SAXLANILDIĞI FONDUN TƏQDİMATI KEÇİRİLDİ


Tarix:3-03-2017, 21:55 Kateqoriya:Manşet / Təhsil

MEK-də AZƏRBAYCANIN ƏN QƏDİM KİTABLARININ SAXLANILDIĞI FONDUN TƏQDİMATI KEÇİRİLDİ

AMEA Mərkəzi Elmi Kitabxanasında (MEK) “Nadir kitab fondunun inciləri”nin təqdimatı keçirilib.

Karabakhmedia.az xəbər verir ki, AMEA Mərkəzi Elmi Kitabxanasının direktoru Leyla İmanova Nadir fondun təqdimatının əhəmiyyətindən danışdı. L.İmanova bildirdi ki, təqdimatları keçirməkdə məqsəd Mərkəzi Elmi Kitabxanada mühafizə olunan zəngin ədəbiyyatı, faktları, Azərbayacan haqqında həqiqətləri geniş ictimaiyyətə çatırmaqdır. O, 2016-ci ildə məhz MEK Vahid İdarəetmə Sistemini hazırlayıb istifadəyə verdikdən sonra, ənənəvi (rutin) və elektron axtarış zamanı bu fondda Azərbaycanın 17 ən qədim kitabının üzə çıxdığını vurğuladı. Direktor kitabxanaya daxil olan ədəbiyyatların rəqəmsallaşdırılaraq Milli Rəqəmsal Yaddaş (MRY) bazasına yerləşdirilməsini və dünya informasiya məkanına qovuşmaq üçün MRY-da formalaşan ilk məhsulumuzun elektron versiyasının hazır olduğunu tədbir iştirakçılarının diqqətinə çatdırdı. "Azərbaycan tarixi dünya rəssamlarının əsərində" albomunun bir neçə ay ərzində istifadə oluna biləcəyini qeyd etdi. Ənənə halı alan tədbirlərin həftədə bir dəfə keçirilməsinin kifayət etmədiyini, buna görə də həftədə iki dəfə bu təqdimatların keçirilə biləcəyini və hər dəfə tədbirlərdə qonaqların ixtisas dairəsinin genişləndiyini bildirdi.

MEK-in Beynəlxalq və İctimaiyyətlə Əlaqələr şöbəsinin müdiri Mübariz Göyüşlü ənənə halını almış təqdimatların elmi, ictimai, mədəniyyət sahəsini təmsil edən şəxslər tərəfindən böyük marağa səbəb olduğunu bildirdi. O, qeyd etdi ki, görülən işlər, təqdimatlar operativ şəkildə mek.az saytında, kitabxanaya məxsus sosial şəbəkələrdə və mediada paylaşılmaqla ictimaiyyətə çatdırılır.

Nadir kitab fondunun rəhbəri Gülarə Xələfova hazırda Nadir fondda 15037 nüsxə ədəbiyyat qorunub saxlandığını, bunlardan 759 nüsxəsinin XX əsrin 30-cu illərində nəşr olunmuş Azərbaycan dilində ədəbiyyat olduğuna diqqət çəkdi. Xarici ədəbiyyatın əsasən ingilis, alman, fransız, ispan, italyan, latın dillərində 981 nüsxə ədəbiyyatla təmsil olunduğu, 8759 nüsxənin isə rus dilində kitablar olduğu vurğulandı. Fondun tərkibini nəşr tarixinə görə, ölçülərinə görə incilər sayılan xarici ədəbiyyata aid olan kitablar təşkil edir. Bunlardan nəşr tarixinə görə ən qədim kitab - 1508-ci ildə qədim latın dilində nəşr olunmuş “Aristotelin iqtisadiyyatına dair Leonardo Aretininin fikirləri” adında ədbiyyatdır. Müəllifi – Leonardo Bruni (Aretini – Aretiyadan olduğunu göstərir) – Florensiya Respublikasının kantsleri olub. Nadir fondun həcmcə ən iri kitabı (54x64 sm) – Edwart Stebbinqin “The Holy Carpet of the Mosque at Ardebıl – London, 1893” kitabıdır. Bu əsər ingilis dilindədir, Moskva şəhərində saxlanılan Ərdəbil namazlıq xalçaları haqqındadır. Ən balaca kitab (3,5x4,5 sm) – Belarus şairi Yanka Kupalanın şeirlər məcmuəsidir. Fondda tərtibati ilə xüsusi olaraq seçilən ədəbiyyat firüzə qaşlarla bəzədilmiş Ebers G. Aegypten: İm Bild und Wort. – Stutgart; Leipzig, 1879 kitabıdır. Burada əsər Napoleon Bonopartın “Misir ekspedisiyası” adı altında Misirə daxil olması ilə bağlıdır.

Nadir kitab fondunun əməkdaşı Leyla Ələkbərli Azərbaycan fondunun incilərindən bəhs edərək bəzi kitabları xüsusi vurğuladı. 1980-cı ildə nəşr olunmuş K.Kərimovun “Azərbaycan miniatürləri” kitabı, Azərbaycan numiznatikasına aid ilk kitablardan olan “Azərbaycan tarixi muzeyinin sikkə kolleksiyası” (1928), “Azərbaycanın sikkələri” (1959), ayrıca nəşr olunmuş Sabirabadda (1926), Çaykənddə (1935), Bərdədə (1940), Maştağada (1952) aşkar olunmuş sikkələr haqqında elmi əsərlər kolleksiyanın incilərindən sayıldığına diqqət çəkdi.

Daha sonra Nadir kitab fondunun ilk rəhbəri, AMEA Ədəbiyyat İnstitutunun əməkdaşı, filologiya üzrə fəlsəfə doktoru Zakirə Əliyeva fondun Mərkəzi Elmi Kitabxananın keçmiş direktoru Əmin Əfəndiyevin səyləri ilə yarandığını bildirdi. AMEA Memarliq və İncəsənət İnstitutunun əməkdaşı, sənətşünaslıq üzrə elmlər doktoru Cəmilə Həsənzadə, AMEA Arxeologiya və Etnoqrafiya İnstitutunun “Müasir Etnoqrafiya” şöbəsinin müdiri, tarix üzrə fəlsəfə doktoru Emil Kərimov, AMEA Tarix İnstitutunun “Azərbaycanın yeni tarixi” şöbəsinin əməkdaşları, tarix üzrə fəlsəfə doktoru Fuad Tağıyev, tarix üzrə fəlsəfə doktoru Ənvər Məmmədov, tarix üzrə fəlsəfə doktoru Ramil Niftəliyev MEK-in onların elmi yaradıcılıqlarında xüsusi rol oynadığını, kitabxandan müntəzəm olaraq istifadə etdiklərini, buradakı şəraitdən razı qaldıqlarını, təqdimatın Nadir kitab fondunda keçirilməsinin maraqlı ideya olduğunu vurğuladılar.
MEK-də AZƏRBAYCANIN ƏN QƏDİM KİTABLARININ SAXLANILDIĞI FONDUN TƏQDİMATI KEÇİRİLDİ

Karabakhmedia.az










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”