Qarabag Media
Haqqımızda Əlaqə

Maşınlar yalnız bu hallarda cərimə meydançasına aparıla bilər - YENİLİK


Tarix:15-02-2017, 23:55 Kateqoriya:Manşet / Hüquq

Maşınlar yalnız bu hallarda cərimə meydançasına aparıla bilər - YENİLİK

Sürücüsü yanında olmayan avtomobilin evakuasiya edilməsi qaydası belə olacaq.

Bir neçə gün əvvəl İnzibati Xətalar Məcəlləsinə edilən və 1 iyul 2017-ci il tarixindən qüvvəyə minəcək dəyişikliklər dayanma-durma və parklanma qaydalarını pozmuş nəqliyyat vasitələrinin evakuasiya olunması məsələsində də ciddi dəyişiklik nəzərdə tutur. Məcəlləyə edilən dəyişikliyə əsasən, dayanma-durma və parklanma qaydalarının pozulduğu yalnız aşağıdakı hallarda sürücüsü yanında olmayan avtomobil DYP tərəfindən evakuasiya edilə bilər:

1) həmin nəqliyyat vasitəsi yol hərəkətinə maneə yaratdığı hallarda;
2) həmin nəqliyyat vasitəsi piyadaların hərəkətinə maneə yaratdığı hallarda;
3) həmin nəqliyyat vasitəsi ödənişli parklanma yerində 24 saaatdan artıq duracağa qoyulmuş olduqda.


Məcəllənin 124-cü maddəsinə əlavə edilən “Qeyd”də birinci iki hala anlayış verilməsinə cəhd də olunub. “Qeyd”də verilən anlayış belədir: “Yol hərəkəti və piyadaların hərəkətinə maneə yaratdığı hallar” dedikdə dayanma və ya durma qaydalarını pozmuş nəqliyyat vasitəsinin mühafizə olunan duracağa aparılmamasının tıxac yaranmasına və digər nəqliyyat vasitələrinin və piyadaların hərəkətini mühüm dərəcədə məhdudlaşdırılmasına səbəb olduğu hallar başa düşülür.

Yuxarıdakı iki halın kifayət qədər mücərrəd olduğu aydın şəkildə görünür. Çünki yol hərəkətinə və piyadalara mane olmanın meyarı kimi işlədilən ifadələr (tıxac yaranmasına səbəb olma; digər nəqliyyat vasitələrinin və piyadaların hərəkətini mühüm dərəcədə məhdudlaşdırma) qiymətləndiricidir, yayğındır və elə anlayışın özü qədər mücərrəddir. Ona görə də bəri başdan deyə bilərik ki, bu dəyişiklik dayanma və durma qaydalarını pozmuş sürücülər üçün heç bir yenilik vəd etmir: evakuasiya ilə bağlı vəziyyət necə idisə, elə də qalacaq.

Parklanma yerində 24 saatdan artıq duracağa qoyma isə hər kəsə aydındır. Burada söhbət avtomobilin parklanma yerinə daxil olmasından sonra 24 saatdan artıq müddətin keçməsindən gedir.

Maraqlı dəyişikliklərdən biri də odur ki, dayanma-durma və parklanma qaydalarını pozmuş nəqliyyat vasitəsi yalnız qaydanın pozulduğu yerdə patrul avtomobilindəki bort-komputer vasitəsilə elektron protokol tərtib edilməklə cərimə meydançasına aparıla bilər. Belə protokola mütləq foto və ya video çəkiliş aparıldıqdan sonra tərtib edilməlidir. Yalnız protokol tərtib edildikdən sonra evakuasiya həyata keçirilməlidir.

Hər halda gözləyək görək dəyişikliklər necə tətbiq olunacaq.

Ərşad Hüseynov, Hüquqşünas










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”