Qarabag Media
Haqqımızda Əlaqə

Kürd balası Türkiyənin rəmzlərindən birinə çevrildi


Tarix:11-01-2017, 01:30 Kateqoriya:Manşet / Türk dünyası / Yazarlar

Kürd balası Türkiyənin rəmzlərindən birinə çevrildi

Yüz il bundan öncə Osmanlını dağıdan güclər indi də Atatürkün az qala bütün dünya ilə savaşıb yaratdığı Türkiyəni parçalamaq üçün min bir plan üzərində işləyirlər: «A» planı, «B» planı, «C» planı, «D» planı… Yəni biri baş tutmayanda başqa bir plan işə düşür.

Bu planlardan biri qardaş ölkəni iç savaşa sürükləmək, türk-kürd qarşıdurmasına nail olmaqdır. Və bunun üzərində az qala 30 ildən çoxdur iş gedir. Amma nə qədər çaba göstərsələr də istəklərinə nail ola bilmirlər. Və inşallah da nail ola bilməyəcəklər. Dünya güclərinin birləşib yaratdıqları və ən müasir silahlarla silahlandırdıqları PKK-nın 30 ildən artıqdır törətdiyi terrorlarda bir işə yaramır. Hamıya gün kimi aydındır ki, PKK kürd xalqına xidmət etmir. Əksinə, kürd xalqına daha böyük zərbələr vurur. Və statistikanı araşdırsalar ortaya çıxar ki, PKK-nın qətlə yetirdikləri, şəhid etdikləri terror qurbanlarının sırasında kürdlərin sayı heç də türklərin sayından az deyil. Və PKK-ya qarşı mübarizədə həm Türk Silahlı Qüvvələrinin, həm jandarm və polis qüvvələrinin, eləcə də qorucuların içində kürdlər türklərlə bərabər vuruşur. Diqqət eləsəz elə qorucuların bəlkə də 70 faizi kürd əsillidirlər. Yəni Türkiyədə türk-kürd ayırımçılığı yoxdur. Həm Osmanlının dünyaya hökmranlıq etdiyi dönəmdə, həm İstiqlal savaşında, həm Çanaqqalada qardaş kimi kürək-kürəyə verib birgə savaşıblar, bir bütün olublar.

Ona görə də qazi Mustafa Kamal Paşa deyir: «Türk qurtaran yerdə kürd başlayır, kürd qurtaran yerdə türk!»

Ən qatı türk milliyyətçisi (irqçi yox ha, milliyyətçi) Başbuğ Alparslan Türkeş deyir: «Türk hara qədər türkdürsə, kürd də ora qədər türkdür. Kürd hara qədər kürddüsə, türk də o qədər kürddür».

Heç uzağa getməyək. Türkiyə iqtisadiyyatının inkişafının təməlini qoyan, bügünkü Türkiyənin iqtisadi cəhətdən qüdrətli bir ölkəyə çevrilməsində əvəzsiz xidməti olan və qardaş ölkəni dünyaya açan rəhmətlik Turqut Özal da kürd idi. 90-cı illərdə PKK-ya qarşı vuruşanların ön sırasında yer alan Sadat Bucaq da kürddü…

… Sadat Bucaq 1996-cı il noyabrın 3-də Susurluqda Abdulla Çatlıya qarşı törədilən terrorda (təəssüf ki, bunu terror kimi yox, sıradan bir avtoqəza kimi hallandırdılar) ağır yaralanmışdı…

… Fetih Sekin! İndi bu fədakar polis işçisi Türkiyənin rəmzlərindən birinə çevrilib. O öz canını qurban edərək İzmir Ədliyyə Sarayında həyata keçirilməsi nəzərdə tutulan dəhşətli bir terrorun qarşısını aldı. Əgər terrorçular bomba yüklü maşını ədliyyə binasına çırpıb (özü də həmin yerdə yüzə yaxın insanın yemək yediyi lokanta da var) partlatsaydılar kim bilir bəlkə onlarla, yüzlərlə insan həlak olardı. Amma bu qəhrəman polis işçisi anında bomba yüklü maşının fərqinə vardı, qarşısını kəsdi, nəticədə terrorçular maşını avtoparkda partlatdılar. Və Fetih Sekin terrorçularla son damla qanına qədər atışdı. Üç terrorçunun ikisini öldürdü, özünün isə gülləsi qurtardı və şəhid oldu. 40 yaşlı bu qəhrəman, üç uşaq atası öz canını yüzlərlə cana qurban verdi.

Elazığ doğumlu idi. Elazığdakı evləri müqəddəs Türk bayrağına bələnmişdi və anası oğluna kürdcə ağı deyirdi.

Bəli, bir kürd balası özünü qurban verdi ki, onlarla, yüzlərlə türk yaşasın!

Kürd xalqının övladı Fetih Sekindir, PKK-çılar deyil!

P.S. 90-cı illərin əvvəllərində məlum qüvvələr separatizm oacaqları qalamağa çalışdılar. Milli ayrı-seçkilik salmaq üçün əllərindən gələni əsirgəmədilər. Və elə indi də çaba göstərirlər. Alınmaz! Birinci Qarabağ savaşında həmin qüvvələrə layiqli dərs verildi. Azərbaycanın ərazi bütövlüyü uğrunda Ermənistan ordusuna qarşı döyüşdə türkü, talışı, kürdü, rusu, ləzgisi, avarı, yəhudisi çiyin-çiyinə vuruşdular: Azərbaycan naminə! Yüzlərlə, minlərlə şəhid verdilər, Azərbaycan naminə «uf» demədən canlarından keçdilər.

Belə getsə, ikinci Qarabağ savaşı da qaçılmazdır. Qarabağı Azərbaycan xalqı türkü ilə, talışı ilə, kürdü ilə, rusu, ləzgisi, avarı, yəhudisi ilə birlikdə azad edəcək. Yenə çiyin-çiyinə, bir bayraq altında!

Qarabağı birlikdə azad edəcəyik! Yuxa qulağı sulayanlar da elə yuxa qulağı sulaya-sulaya qalacaqlar.
Kürd balası Türkiyənin rəmzlərindən birinə çevrildi

Kürd balası Türkiyənin rəmzlərindən birinə çevrildi

Aqil Abbas










SON XƏBƏRLƏR
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”
UNEC-də Xocalı soyqırımının 28-ci ildönümü qeyd olunub
Səhiyyə Nazirliyi əhaliyə müraciət etdi - koronavirusa görə
20 yanvar faciəsini törədən Dmitri Yazov öldü
Bakıda sevgililər özlərini dənizə atdı: Qız öldü
Koronavirus Vahid Ələkbərova 1.2 milyard ziyan vurdu
“Fly Dubai” Bakıdan uçan təyyarədə erməni filmi ilə sərnişinləri təxribata çəkir - FOTO
Orta məktəblərdə kütləvi tədbirlər məhdudlaşdırıldı
Görkəmli Azərbaycan ziyalısı Əli bəy Hüseynzadənin doğum günüdür
Milli-mənəvi dəyərə çevrilən qəhrəmanlıq salnaməsi
Cahangir Əsgərov: "Azərbaycan-İran reysi üzrə uçuşlar təxirə salınmayacaq"
Milli Qəhrəmanlar Əfqan Hüseynov və İnqilab İsmayılovun doğum günüdür
Daha üç ölkədə koronavirus aşkarlandı
Xocalı qətliamının şahidi: "Anam xalamoğluna demişdi ki qızlarımı güllələ" - MÜSAHİBƏ
Aşağı Qarasaqqal — Kəndlərimiz rubrikasından
Azərbaycanda sosial-fəlsəfi biliklərin təbliğində Əddin Şakirzadənin rolu - IV YAZI