Qarabag Media
Haqqımızda Əlaqə

Vəhşi erməni xislətini göstərən daha bir "nümunə"


Tarix:10-01-2017, 00:45 Kateqoriya:Manşet / Qarabağ

Vəhşi erməni xislətini göstərən daha bir "nümunə"

Düzünü desəm, bu yazını yazmaq istəmirdim. Yazmaq içimdən keçsə də, düşüncələrimlə baş-başa qalıb günləri sayaraq hadisələrin məcrasının yaxşılığa doğru dəyişməsini gözləyirdim. Çifayda, dəyişmədi ki... İnsanlıq, humanizm hara, vəhşi erməni xisləti hara...

Dekabrın 29-u və bu gün - yanvarın 9-u. 12 gün. Sevgili Vətənimiz Azərbaycanın azadlığı uğrunda canını fəda edərək şəhid olmuş əsgərimizin meyiti hələ də erməni vandallarının əlindədir. Ermənilər əsgərin nəşini Azərbaycana təhvil vermək istəmirlər. Daha doğrusu, bundan boyun qaçırırlar.

Qısa arayış. Ötən ilin son günlərində - 2016-cı il dekabrın 29-da Azərbaycanın dövlət sərhədini pozmağa cəhd göstərən Ermənistan silahlı qüvvələrinin kəşfiyyat qrupunun təxribat-pozuculuq fəaliyyətinin qarşısını alarkən Azərbaycan Silahlı Qüvvələrinin əsgəri Qurbanov Çingiz Salman oğlu şəhid olub. Rəsmi Bakı onun meyitinin geri alınması üçün aidiyyəti dövlət qurumları ilə birlikdə bütün zəruri tədbirləri bu gün də davam etdirir. Hadisədən 11 gün keçməsinə baxmayaraq, Ermənistanın bu sahəyə cavabdeh olan aidiyyəti strukturları isə susmağa üstünlük verir, həssas humanitar problemə münasibət bildirməyi məqsədəuyğun saymırlar. Bu fakt bir daha sübut edir ki, Ermənistan tərəfi hadisənin humanitar mahiyyətini arxa plana keçirməyə, ondan siyasi dividend qazanmaq üçün vaxt udmağa və daxili ictimai rəyə hesablanmış fəaliyyətə cəhd edir. Azərbaycanın Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən aidiyyəti beynəlxalq təşkilatlarla bu məsələnin həlli üçün durmadan iş aparılır. Bu, məsələnin bir tərəfi.

Məsələnin digər tərəfləri də var - şəhid əsgərimizin meyiti bu gün düşmən əlindədir. Bu hadisə dinc, dostluq, qardaşlıq şəraitində yaşayan iki qonşu ölkənin sərhədində baş verməyib. Əzəli torpaqlarımızı, ata-baba yurdumuzu işğal etmiş, bu gün cinayətkar rejim tərəfindən idarə olunan və Azərbaycanla uzun zamandır müharibə aparan Ermənistanla dövlət sərhədində baş verib. Diqqətli oxucunun yadına onu da salmağı vacib hesab edirəm ki, Milli Ordumuzun əsgəri erməni kəşfiyyat qrupunun Azərbaycan sərhədinə hücumu zamanı döyüşdə itkin düşüb. Günlər keçir və əsgərimizin nəşi Azərbaycana təhvil verilmir. Ermənistan hər zamankı kimi qeyri-humanist, insanlıqdan uzaq fəaliyyətini davam etdirir və Cenevrə Konvensiyalarının tələblərinə əməl etməkdən boyun qaçırır.

Yaranmış situasiyada diqqətimi çəkən daha bir önəmli məqamı da qeyd etmədən keçmək istəmirəm. Dövlət sərhədindəki döyüşdə həlak olaraq şəhid düşmuş Azərbaycan hərbçisinin meyitinin qaytarılması üçün beynəlxalq təşkilatların mövqeyi başa düşülən deyil. Bu istiqamətdə zəruri tədbirlər görmək üçün beynəlxalq təşkilatların, ATƏT-in Minsk qrupu həmsədrlərinin mövqesiz olan mövqeyi isə qəbuledilməzdir. Hər addımda, hər fürsətdə Dağlıq Qarabağ münaqişəsinin dinc yola, sülh yolu ilə həllinə çağırış edən, bu məsələdə hərbi yolun mümkünsüzlüyünü durmadan söyləyən, münaqişə tərəflərini güzəştə səsləyən beynəlxalq qurumlar problemi həll etmək üçün addımlar atmaq əvəzinə bu dəfə susurlar. Yəqin, binəvaların ağızlarına o qədər su yığılıb ki, danışa bilmirlər...

Məsələnin daha bir tərəfi. Dağlıq Qarabağ münaqişəsi başlayandan bu günə kimi Azərbaycan və Ermənistan tərəfindən itkilər olub. Müharibədə itkilər qaçılmazdır. Amma bu günə kimi elə bir fakt olmayıb ki, erməni meyiti Azərbaycan tərəfində qalsın və qarşı tərəfə təhvil verilməsin. Dağlıq Qarabağ münaqişəsində yalnız Ermənistan tərəfi meyitlərin saxlanması və qaytarılmaması praktikasını həyata keçirib və bunu indi də davam etdirir.

Görünən dağa bələdçi lazım deyil. Hər bir millət həmişə öz xislətinə uyğun davranar. Bunun müharibə və dinc dövr ilə əlaqəsi yoxdur.

Nə etməli?

Vəhşi erməni xislətini göstərən daha bir "nümunə"İnsan haqları, demokratiya və humanizmdən ağız dolusu dəm vuran beynəlxalq təşkilatlar bir zəhmət çəkib işğalçı ölkəyə - Ermənistana bu vəhşiliyə son qoymaq üçün təzyiqlər etməlidirlər. Bu qurumlar meyit üzərindən öz çirkin məqsədləri üçün yararlanmağa çalışan Ermənistanı beynəlxalq konvensiyalara riayət etməyə məcbur etməlidirlər.

P.S. Gücsüzlər, zəiflər, acizlər düşdükləri çətin situasiyalarda çirkin xislətlərinə uyğun, insanlığa yaraşmayan hərəkətlər edirlər. Ermənilərin Azərbaycan əsgərinin meyitini qaytarmamaq üçün etdikləri kimi...

Mətanət Əliyeva

Trend




loading...




SON XƏBƏRLƏR
Mustafa Vəkiloğlu kim idi? – Azərbaycan Cümhuriyyəti - 100
DƏMİR MAYOR KARVANI NECƏ MƏHV ETDİ
Bu gün Milli Qəhrəman Yusif Mirzəyevin anım günüdür
İş adamı Fizuli Məmmədov daha 5 Qarabağ qazisinə mənzil bağışlayacaq
"Qarşımızda heç kim dayana bilməz" - Mövlud Çavuşoğlu
Türkiyənin “Aser Teknoloji” şirkəti antidron silahını nümayiş etdirib
Prezident Qarabağ münaqişəsinin həlli şərtini açıqladı
Yol polisləri özlərini suya atıb ana və 6 aylıq körpəni xilas etdilər – AĞDAŞDA
İŞİD üzvü olan AZƏRBAYCANLI qadınlara İraqda hökm oxundu
Azərbaycanda bolşevik işğalına qarşı üsyanların təşkili və həyata keçirilməsi
İsrail ordusu Suriyaya girəcək - Netanyahu
Ötən ay Azərbaycanda 13 milyon manatlıq kompüter və elektrik avadanlıqları istehsal edilib
Lavrov Azərbaycanı Rusiyadan qoparmaq cəhdləri barədə danışıb
Osmanlı xəstə yatağında olsa da, Azərbaycana vəfa borcunu yerinə yetirdi — Azərbaycan Cümhuriyyəti - 100
Azərbaycan cüdoçuları ilk yarış günü 4 medal qazandı
Daha bir azərbaycanlı futbolçu Çexiya klubuna transfer olundu
NATO rəhbəri Rusiyadan gələn nüvə təhlükəsi ilə bağlı xəbərdarlıq etdi
“Bütöv Azərbaycan ideyasının KİV-də təbliğinin hazırkı durumu” mövzusunda diskussiya
Şəhid Rüstəm Mirzəyevin anım günüdür
"Hamıya partizanların səfərbər edilməsi haqqında əmr göndərilib" — QARABAĞIN GENERAL-QUBERNATORU SULTANOV
Naxçıvan Əlahiddə Ümumqoşun Ordunun silahlanmasına yeni texnika daxil edildi
Hollandiya uydurma “erməni soyqırımı”nı tanıdı
Lütlənən qız-gəlinlərimizlə fəxr etməliyikmi?..
Rusiyanın Mərkəzi Bankı qarət edildi
İsgəndər Həmidov Araz Əlizadənin cavabını verdi
Nazirlik summativ qiymətləndirmə ilə bağlı yenilikləri açıqlayıb
Əfqan müharibəsinin gizlinləri: Azərbaycanın itkin, yaralı, adsız qəhrəmanları…
ABŞ-ı dünyaya rəzil edən FOTOLAR
Binəli Yıldırım: "Türkiyə PKK ilə mübarizədə müttəfiqlərdən daha çox dəstək gözləyir"
Ərdoğanla Tillerson arasında görüş yekunlaşıb