Qarabag Media
Haqqımızda Əlaqə

Şuşa və Laçında ötüb-keçən uşaqlıq illəri - FOTO


Tarix:9-01-2017, 21:53 Baxış Sayı:1553 Kateqoriya:Manşet / Qarabağ / Cəmiyyət

Şuşa və Laçında ötüb-keçən uşaqlıq illəri - FOTOƏslən Laçın rayonunun Kürdhacı kəndindən olan və Azərbaycan mədəniyyətinin beşiyi sayılan Şuşa şəhərinə yenicə köçmüş Camal Kamal oğlu Hüseynovun ailəsində yenidən körpə səsi eşidilir. 28 dekabr 1979-cu ildə dünyaya gələn bu oğlan uşağının adını Fuad qoydular. İllər ötür, ildən-ilə böyüyən Fuad yay aylarını Qurdqajıda babası Kamal kişigildə keçirir. Ötüb keçən illər ərzində çox şey dəyişsə də dəyişməyən bir şey vardı, o da Fuadın yaddaşında Şuşa və Laçında ötüb-keçən, insan ömrünün ən gözəl çağları, geri qaytarılması mümkün olmayan xoşbəxt və qayğılı erkən uşaqlıq illəri.

1986-cı ildə Şuşa şəhər 2 nömrəli N.B.Vəzirov adına rus orta məktəbin I sinfinə qəbul olunan Fuad Hüseynov ilk günlərdən yaxşı oxumağa başlayır. 1992-ci il may ayının 8-də Ermənistan Respublikası Silahlı Qüvvələri tərəfindən Şuşa şəhəri işğal edilir. Fuadgilin ailəsi məcburi-köçkün qismində Xaçmaz rayonunun Nabran qəsəbəsində məskunlaşır.

Məcburi köçkünlük həyatına qədəm qoyan Fuad Hüseynov Nabran qəsəbəsində təşkil edilmiş Laçın 26 saylı tam orta məktəbində təhsilini davam etdirir. 1997-ci ildə Laçın 26 saylı tam orta məktəbin XI sinfini müvəffəq qiymətlərlə başa vurur. Elə həmin il imtahanları uğurla başa vuraraq Bakı Dövlət Universitetinin Geologiya fakultəsinə qəbul edilir.

Tələbəlik illərində də ənənəni davam etdirən Fuad Hüseynov öz fəallığı ilə digərlərindən fərqlənir. İctimai işlərdə fəallığı qabarıq şəkildə hiss edilən çalışqan tələbə təhsil aldığı müddətdə Fakülitə Elmi Cəmiyyətinin sədri seçilir.

2001-ci ildə Bakalavr pilləsini fərqlənmə diplomu ilə bitirərək, magistratura pilləsinə qəbul olunur.

2003-cü ildə Magistr pilləsini fərqlənmə diplomu ilə bitirərək Bakı Dövlət Universitetinin Aspirantura pilləsinə yüksəlir.

2013-cü ildə Azərbaycan Respublikası Prezidenti yanında Ali Attestasiya Komissiyasının qərarına əsasən Yer elmləri üzrə fəlsəfə doktoru elmi dərəcəsinə layiq görülür.

Dissertasiya işi isə fasilələrlə 10 ilə yaxın çalışdığı Daşkəsən rayounda yerləşən Çovdar qızıl yatağının geoloji-strukturunun öyrənilməsinə həsr edilmişdir. Qeyd edək ki, Çovdar qızıl yatağı ehtiyatına görə Kəlbəcər rayonunda yerləşən Zod qızıl yatağından sonra ikinci yeri tutur və hal-hazırda yataqda istismar işləri davam etdirilir.

2002-ci ildə Ekologiya və Təbii Sərvətlər Nazirliyinin Milli Geoloji Kəşfiyyat Xidmətinə texnik-geoloq vəzifəsinə təyin edilir və qısa müddət ərzində geoloq, aparıcı geoloq, böyük geoloq vəzifəsinə yüksəlir. Əmək fəaliyyəti dövründə informasiya texnologiyaları və ingilis dili üzrə intensiv çalışaraq müəyyən biliklərə yiyələnir.
Ekologiya və Təbii Sərvətlər Naziri Hüseynqulu Bağırov tərəfindən 2004-cü ildəki nailiyyətlərə görə Fəxri Fərmanla təltif edilir.

2005-ci il aprel ayında Azərbaycanda dağ-mədən sənayesinin ilk xarici investisiyalı Şirkəti olan “RV İnvestment Group”-na cəlb edilir, həmin ilin noyabr ayından Şirkətin Naxçıvan filalında aparıcı geoloq vəzifəsinə yüksələrək geoloji-kəşfiyyat işlərinə rəhbərlik etməyə başlayır. Əmək fəaliyyəti dövründə Ordubad filiz rayonunun filizliliyinin qiymətləndirilməsi yerinə yetirilmiş və qənaətbəxş nəticələr əsasında Şirkət Naxçıvanda fəaliyyətini bu gün də davam etidir.

2007-ci ildə yenicə fəaliyyət başlayan “Londex Resources Ltd” Şirkətinə dəvət alaraq Balakən rayonunda Filizçay yatağında mədən istismarına hazırlıq işlərinə cəlb olunmuşdur.

Həmçinin xüsusi dəvət əsasında 2007-2008-ci illərdə Türkiyə Cumhuriyyətinin Manisa, Uşak, İzmir və Hatay vilayətlərində əlvan metal yataqlarının qiymətləndirilməsində və həmin sahələrə xarici investisiya cəlb edilməsində iştirak etmişdir.

2009-cu ildə “Londex Resources Ltd” şirkətinin Keyfiyyətə Nəzarət Mütəxəsisi vəzifəsinə təyin edilən Fuad Hüseynov çalışqanlığı nəticəsində 2012-ci ildə isə Naxçıvan Layihəsi üzrə Layihə Meneceri vəzifəsinə yüksəlir. Bu dövrdə həmçinin, Şirkət tərəfindən Qırğızstanda filiz yataqlarının qiymətləndirilməsinə cəlb olunaraq Qirğızstanın bir çox potensial maraq doğuran yataq və təzahürləri üzrə işlərdə iştirak etmişdir.

Naxçıvan layihəsində işlədiyi dövrdə indiyədək qeyd olmayan əlvan metal filiz ehityatlarının aşkar edilməsində iştirak edərək tədqiqat sahəsinin potensialının qiymətləndirilməsinə öz dəyərli tövhələrini verir.

2014-cu ildə Suraxanı Rayon İcra Hakimiyyətinin Apparatı nəznində Layihə Smeta Bürosuna mühədnis vəzifəsinə qəbul edilən Fuad Hüseynov 2016-cı ildə Suraxanı rayon İcra Hakimiyyəti Başçısının Yeni Suraxanı Qəsəbə Ərazi İnzibati Dairəsi üzrə nümayəndəsinin müavini vəzifəsini icra etmişdir.

Dövlət qulluğunda çalışdığı dövrdə Azərbaycan hökumətinin dövlət siyasətinin yerinə yetirilməsində, respublika miqyaslı tədbirlərin həyata keçirilməsində, əhalinin həyat rifahının yüksəldilməsində öz vəzifə borcunu layiqincə yerinə yetirmişdir.

2016-cı il oktyabr ayından Azərbaycan Respublikası Prezidenitinin sərəncamı əsasında yaradılmış səhmləri yüz faiz dövlətə məxsus AzərGold Qapalı Səhmdar Cəmiyyətinə dəvət alan Fuad Hüseynova geoloq vəzifəsi təklif edilir. Hal-hazırda həmin vəzifədə çalışır.
Ailəlidir, iki övladı var.

Şuşa və Laçında ötüb-keçən uşaqlıq illəri - FOTO

Şuşa və Laçında ötüb-keçən uşaqlıq illəri - FOTO

Şuşa və Laçında ötüb-keçən uşaqlıq illəri - FOTO


Sultan HÜMBƏTOV




loading...




SON XƏBƏRLƏR
Azərbaycanda nümunəvi çimərlik yaradılacaq
18 oktyabr Azərbaycanın Dövlət Müstəqilliyi Günüdür
Piyadanı vuran AA seriyalı maşın Arif Qaraşovun oğlunundur
Avstriyanın ATƏT-dəki sədrliyi Azərbaycan və Ermənistan prezidentlərinin görüşü ilə bağlı bəyanat yayıb
İranda İsmayılizm təriqətinin yaranması
"Azarkeşlərin sayından asılı olmayaraq, biz Azərbaycanı təmsil edirik" - Qurban Qurbanov
SEVGİ TOYA GEDƏNDƏ BƏZƏNƏN ADAM KİMİ AŞİQİ TƏZƏLƏYİR
Tarix dərsliklərimizdə “erməni barmağı” nazirlikdən və Tarix İnstitutundan güclü imiş – bu da bir fakt…
Azərbaycan, Gürcüstan və Türkiyə müdafiə nazirləri protokol imzaladılar
«Ermənistan Azərbaycana müharibədən başqa çıxış yolu qoymayıb»
Vətən sevgisi, vətəndaşlıq borcu
Toy mərasimləri və sağlıqlar - ARAŞDIRMA
"İnsan alverinə qarşı mübarizədə Azərbaycan bir çox dövlətlərə örnək olmalıdır"
"Sarkisyan sözünün üstündə durmadı" - Prezidentin köməkçisi
Qanunsuz kredit almağa görə yeni cəzalar kəsiləcək
Əfsanə Laçın beynəlxalq müsabiqənin finalına yüksəldi
Madridin “Atletiko” klubu Bakıya gəlib
Con Makkeyn İraq hökumətini səhv etməməyə çağırıb
Kərkük azad edildi - VİDEO
"Bizim üçün yeganə həll odur ki, Qarabağ Azərbaycan hüdudlarından kənarda olsun" - Sarkisyan
Azərbaycan və Ermənistan prezidentlərinin görüşü konstruktiv mühitdə keçib - BƏYANAT
Macarıstanda Türkiyə və Azərbaycanlı iş adamları bir araya gəldi - FOTO
Türkiyə Bərzani ailəsini ingilislərdən necə XİLAS ETDİ? - 85 illik MƏXFİ SƏNƏD AÇILDI
II Türk Dünyası Sənədli Filmlər Festivalı Bakıda
Dünya Azərbaycanlıları Konqresi Rusiyaya müraciət edib - MƏTN
Azərbaycan müdafiə nazirinin Gürcüstana səfəri başlayıb
Nigeriyada yaşayan azərbaycanlı xanım Afrikanın ən varlı adamına Azərbaycandan danışdı
İranın pilotsuz təyyarələri İŞİD-in mövqelərini darmadağın etdi - VİDEO
Soornbay Jeenbekov Qırğızıstanın yeni prezidenti seçilib
Milli Ordumuzun ilk “Qarabağ əməliyyatı”